Qaghnatsot Liqaazar
11
Inaas,
Liqaazar la litsamme,
xamma wa hitu min Betqanya ghariyat Maryam wa Marsa xitta qala.
2 Wa illa Maryam illa la Maryam la qidtir it qaaghaab Molaay balsat wa ib cigara maasasattom ta wa Liqaazar la ximum qala xuha tu.
3 Ka la kilé xit it Yassoq laákaya wa belaya,
“Molaay yaha,
la ilu tfatte,
ximum halla.”
4 Wa waan ibbili samqa bela,
“Illi ximaam illi ib mot iilaákattim,
minnaata Rabbi igil litmajjad ibbu tu wa ibbilla Wad Rabbi majid igil lirkab tu.”
5 Yassoq Marsa wa Maryam wa Liqaazar fatte min la qale ma,
6 ittaahu kilé miqil kalá.
7 Xaretaani igilla darasaahu,
“Asik Al Yahudiya naqghbil,”
belayom.
8 Ka la darasaahu belawu,
“Qaalim,
asik Al Yahudiya igil taghbil tu,
wa ghadam amqelaat la Yahud igil lirjamuka laxazzu yaqalaw?”
9 Ka Yassoq balsa ittom,
“It kil amqil qisir kilé saaqat naay barhat hallaya wa gats amqil addaam iilitqanghaf jallaab la nurra iddinya laánawir ilom.
10 Minnaata gats laali bighot matqanghaaf hallet,
jalla nur alaba.”
11 Wa xare belayom,
“Mallaheyna Liqaazar saakib halla.
Laakiin aze inde gisko igil atxasosiyu tu.”
12 Ka la darasa,
“Saakib min lahalle,
agiid igil lishshabbah tu,
iimaslakka,
Mamba,”
belawu.
13 Hitom Yassoq Liqaazar saakib halla wa daám ghasda amsalaw,
laakiin Yassoq Liqaazar maayit halla ghassid qala.
14 Ka ib ghiloq,
“Liqaazar mota,”
belayom.
15 “Ana ib jalliibkum faarex halleko ib ken iitsinxachche intim igil tiímanaw.
Hayya nigiis niráyu.”
16 Ka Tuma la mantaay litkanne qala igilla darasa libiqdaam belayom,
“Xina ma nigiis misil Yassoq igil nitghattal.”
17 Yassoq Betqanya dolat batsxa Liqaazar diib ghabir qarbaq amqil kim wada daggama ilu.
18 Betqanya min Orshaliim nasaafat ghirbit ta
19 wa addaam bizxaam asik Marsa wa Maryam matsáw diib gibán igil lilaghusan.
20 Marsa Yassoq matstsí halla dol samqat igil tirkabbu gesat.
Laakiin Maryam diibba bet tarfat.
21 Marsa igil Yassoq telattu,
“Molaay,
inta insar min taqale,
xuye waíimota qala.
22 Aze ma yighghin ana Rabbi la xazekahu minnu kim laheybakka.”
23 Ka Yassoq belaya,
“Xuki ib xadiis igil lighnats tu.”
24 Ka Marsa belat,
“Qaabo,
diib yom alghiyaam kil waan ghannits igil lighnats tu.”
25 Ka Yassoq belaya,
“Ana la ghiyaamat wa la xayot ana.
Ibbiye la laámminka min ma mayit xagho motu xayot bu.
26 Diibye la nabbirka wa la laámmin ibbiye killu raásu iimayit.
Illi taámni,
Marsa?”
27 Ka telattu,
“Afo Molaay,
ana min badiirye amnakka qalko inta la Masex,
Wad Rabbi la min Rabbi asik iddinya matsá inta.”
28 Xagho illi,
asik Maryam xitta gesat wa minna serrat shanket ibba wa ib xishikshak,
“La Qaalim insar halla wa laxazzekki halla,”
telatta.
29 Ka Maryam agiidaay gesattu.
30 Yassoq lissaq itta fardatta gharyat itta akaan la Marsa rakbattu itta kaari qala.
31 La Yahud la igil lilaaghusa diibba bet qalaw gora,
ib shafaag titbaggas waan raáwa,
asik ghabir Liqaazar gayis hallet igil tibke amsalaw wa talawa.
32 Maryam dol batsxat wa Yassoq raét,
it igru wadghat wa belat,
“Molaay,
insar min taqale,
xuye waíimota qala.”
33 Ka Yassoq hita wa la Yahud la talawa bakku waan raáyom,
libbu ib xazan taqammama wa tgallaba.
34 Wa saálayom,
“Ittaya ghabarkumu?”
Ka balsaw ittu,
“Naqa Mamba wa reé.”
35 Ka la waghit lahey,
Yassoq qanaabqa.
36 Ka la Yahud igilla xid,
“Ginxo akil ayi fattiyu qala,”
belaw.
37 Wa biqidaam xid saaálaw,
“Illi la qintaatta qiwur fatxa,
min mot igil laátrifu waíighadra?”
38 Ka ib digmaan lib Yassoq gibí tgharraxat ittu.
Wa xare la ghabir gangaá.
Wa ghabir baqat wa it afhu immanaay qala.
39 Wa “La immanaay dargigo,”
belayom.
Ka Marsa,
“Molaay,
yom raabeqtu ta wa mishmush lahalle,”
telattu.
40 Ka Yassoq,
“Aamanki min geé,
jalaal Rabbi igil tiréy tu,
yiíbelakki?”
41 Ka la immanaay dargagaw wa Yassoq jahat qastar qangharara wa bela,
“Wo Yibba,
xamde tibtsaxakka ajil samqakanni.
42 Ana di min badiirye inta diima kim sammaqanni ammir laakiin illi jalla illom la killulaamye hallaw ibelu kim la laákkanni inta tu igil liímano.”
43 Xaghohu,
Yassoq ib wighghul adha wa bela,
“Wo Liqaazar,
awalwil!”
44 Wa la maayit awalwala wa idayu wa qaaghaabu ib kafan naashdtaam qalaw wa gatstsu ib maqashshabi raás qishub qala.
Ka Yassoq igil libaalxiwu wa laádtdtallughu ammarayom.
Sirdo ghatiil Yassoq
45 Bizxaam minna addaam la misil Maryam qalaw,
ib Yassoq amnaw illi inde jarre waan raáw.
46 Minnaata galehom asikka Farisiyiin gesaw wa ibba Yassoq wadayu ballaghawom.
47 Xaghohu,
la qabayila kahana wa la Farisiyiin majlissa Yahud jamqaw wa,
“Mi nide?
Illi inaas muqjizaat bizxit wadde halla.
48 Ka min naárhe ilu,
killu igil liíman ibbu tu wa Rumaaniyiin la haykalna wa ummatna gats xid igil lidammiro tu,”
belaw.
49 Ka Ghiyaafa la itta sanat laha riíssa kahana qala bela,
“Intim imbal faham tithaagaw hallekum!
50 Bidaalla ummat killa tahallik,
oro inaas fiza igil killa la ummat min gabbí laxayis ikkum.”
51 Illa ib xafid iibalaya,
kim riís kahana itta waghit lahey nibuwat tlahama Yassoq igilla ummat kim igil limut tu.
52 Igilla ummat laha ledta inde iigeé,
igil killom wilaad Rabbi la shitutaam igil lijmaq wa xatte igil ligbaó.
53 Minna amqil laha la merxatta Yahud igil lightolu sardaw.
54 Xagho illa,
diib migbom ib ruúy laátghaabil iigabá.
Bidaalu asik madiinat Afraayim la titbahal gesa wa hita ghirubba baadobat la misilla darasaahu kara itta titrakkab.
55 Wa Qiid Al Fisx la Yahudi ghirub qala wa bizxaam minna dagaggiit asik Orshaliim matsáw aftaxaatta ladtex la ghadamma qiid igil lidaw.
56 Wa diibba haykal jimqaam inintom Yassoq laxazzu wa xid lissaaálo qalaw wa liblo,
“Igilla qiid matstsí maslakkum?”
57 Wa qabayila kahana wa la Farisiyiin amir isduraam qalaw Yassoq la raá igil liballigh ibbu kim bu igil liísoru.