Yassoq qiwur min mawallad shaffe
9
Yassoq inde laxallif,
inaas min mawalladu qiwur raá.
2 Wa la darasaahu saálawu,
“Qaalim,
igil mi qiwur inintu twallada?
Ib sabab zambu tu ma zanib waaldenu?”
3 Yassoq balsa ittom,
“Ib sabab zambu iiko wa zanib waldenu.
Illi daghib Rabbi diibu igil litreé jara.
4 Kamkamo inna amqil inintu serra laákenni naáwghe sabab laali tmatstsí hallet wa oro igil lishghe diiba iighaddir.
5 Asik diib iddinya hallekko nurra iddinya ana.”
6 Wa xare itta cabal dtafá wa ibba mirraagh marig wada wa qintaatta qiwur labbaka ibbu.
7 Wa belayu,
“Giis diib Maraat Silwaam xitsabban.”
(Silwaam,
luúk bahalat ta.)
Ka gesa wa xatstsabayan wa ib raáyat twallaba.
8 Ka la agwaaru wa la badiir remghaay qiwur laámmuru qalaw xid saálaw,
“Illi la inaas la ib gissaayu rammigh qala iiko?”
9 Galehom,
“Hitu tu,”
belaw.
Wa biqidaam,
“Hitu iiko laakiin tamsaalu tu,”
belaw.
Laakiin la qiwur,
“Ana tu,”
baalasa.
10 Ka saálawu,
“Kafo tshafekka?”
11 Ka belayom,
“La inaas,
la Yassoq litbahal,
marig wada wa qintaachche labbaka ibbu wa,
‘Asik Maraat Silwaam giis wa diiba qintaatka xitsab,’
belenni.
Ka gisko wa xatsabkowan wa reéko.”
12 Ka saálawu,
“Hitu,
aze aya halla?”
Ka,
“Yiídalle,”
belayom.
13 Ka la inaas la qiwur qala asikka Farisiyiin amtsaáwu.
14 Wa la amqil la Yassoq la marig marraga itta wa qintaatta qiwur fatxa,
yom sabit qalat.
15 Ka la Farisiyiin la inaas saálaw,
“Kafo ganxaka?”
Ka belayom,
“Itta qintaachche marig labbaka wa dol xatsabkowan igil iré ghadarko.”
16 Ka galela Farisiyiin bela,
“Illi inaas min Rabbi igil ligbá iigaddir jalliib it sabit shaghghe halla.”
Wa galehom bela,
“Muznib kafo illa muqjizaat wadde?”
Ka fingehom kilaaf laqa.
17 Wa xare la Farisiyiin la inaas la qiwur qala saálaw,
“Inta raéyka ittu mi tu ajil qintaatka tu la ilu fatxa?”
Ka balsa ittom,
“Nabi tu.”
18 Wa la merxatta Yahud amiinu abaw kim qiwur qala wa ganxa.
Ka waaldenu tlaakaw.
19 Wa saálawom,
“Illi walkum tu?
Hitu qiwur inintu twallada?
Afo min geé,
aze kafo liré halla?”
20 Wa la waaldenu balsaw ittom,
“Illi kim walna tu wa qiwur inintu kim twallada naámmir.
21 Laakiin aze kafo igil liré kim ghadra wa min kim shafayu iinaámmir.
Saólu.
Hitu shingul tu,
nosu lithaage.”
22 Waaldenu,
la sabab la illi belaw ibbu jalla minna merxatta Yahud farhaw tu sabab ayi nafar la Yassoq la Masex tu la libil,
kim minna maqabad igil lidtarrad tu qallanaw.
23 Jallaab illi,
“Hitu shingul tu,
ilu saálo,”
belaw.
24 Ka ib xadiis la inaas la qiwur qala tlaakaw wa belawu,
“Rabbi xabbin!
Xina illi inaas muznib kim tu naámmir.”
25 “Muznib tu ma iifaalu,
la ammirru alabye,”
belayom.
“Minnaata ana la ammirru,
badiir qiwur qalko wa aze iré halleko.”
26 Ka saálawu,
“Laakiin,
mi wada?
Kafo shafekka?”
27 Ka balsa ittom,
“Badiir assaálkokum wa iisamqakuni.
Ka igil mi kaalí igir igil tismaqo taxazzu hallekum?
Darasaahu igil tigbaó miraad bikum intim ma?”
28 Ka taqayarawu wa belawu,
“Darasaayu inta tu.
Xina laatu,
darasa Musa xina.
29 Xina,
Musa Rabbi kim tahaagayu naámmir.
Laakiin illi nafar,
min aya kim matsá ma iinaámmir.”
30 Ka la inaas balsa ittom,
“Illa la taátfakkir ta!
Hitu qintaachche saara wa misil illi,
intim min aya kim matsá iitaámro?
31 Rabbi kim shaakfaam iisammeq naámmir,
la laqaabbudu wa iraadatu la waddu indiíko.
32 Min istibda iddinya,
orot qintaat ib qawar wilud la fatxa alabu.
33 Illi inaas min Rabbi waíighaá,
igil lidaya waíigadra.”
34 Ka balsaw ittu,
“Inta ib zanib taamim wilud inta.
Igil taádrisanna jarrib halleka?”
Wa minna maqabad daaganawu.
Qawar Rox
35 Ka Yassoq ibba gabá waan samqa gesayu wa saálayu,
“Ibba Wadda Aadami taámmin?”
36 Ka la inaas balsa ittu,
“Mamba,
igil iman ibbu,
hitu min tu.”
37 Ka Yassoq belayu,
“Inta reékaahu wa aze lithaagekka halla.”
38 Ka la inaas,
“Afo,
Molaay,
ammin,”
belayu.
Wa Yassoq qabda.
39 Ka Yassoq igilla inaas belayu,
“Asik illa iddinya igil xaakim matsáko,
igilla qiwur raáyat igil hab wa la lirú la massilom qiwuraam kim tom igil aríyom.”