Tsibdto zaanyayit
8
Yassoq asik Dabir Zaytun gesa.
2 Wa fajrata,
ib xadiis asikka haykal qaghbala.
Wa agiidaay maxaabir jammaqat ittu ka hitu tgassa wa adrasayom.
3 Wa inde lithaage,
madarrisiinna shariiqat wa la Farisiyiin issiit it zina tsibdtit amtsaáw wa ghadamma jameq qabdtarawa.
4 Ka belawu,
“Qaalim yaha.
Illa issiit inde zanne tsabbadtat.
5 Shariiqat Musa,
illa latmassil titrajjam tibil.
Inta haye,
mi tibil?”
6 Illi saál illi kim sharak diddu igil litnaffaqo ibbu saálawu wa la laáttajarrimu igil la attabulu.
Yassoq laata,
danna wa ib cibqitu itta cabal katba.
7 Baliis xazaw minnu ka ghantsa wa bela,
“Sannika gidim,
imbal zanib lagá,
iminna salif lilkaf.”
8 Wa ib xadiis danna wa itta cabal katba.
9 La mattihimat illa waan samqaw,
ib oro oro caalaghaw minna laqaba inde astabdaw,
asik Yassoq migibba maxaabir misilla issiit bannu tarfa.
10 Wa xare Yassoq ib xadiis bidtaaru gaá wa igilla issiit belaya,
“Mattihimatki,
aya hallaw?
Orohom ma iilaáttajwirmakki?”
11 “Abajá,
Mamba,”
telattu.
Ka Yassoq,
“Ana ma yaáttajwirmakki.
Aze,
giisi wa asik zanib iititwallabi,”
belaya.]a
Yassoq, Nur Iddinya
12 Yassoq ib digmaan igil la addaam tahaaga wa bela,
“Ana nurra iddinya ana.
Iyye min tallu diib tsilmat igil tehero iiko jallaab la nur la asik xayot marrex igil lahalle ikkum tu.”
13 Ka la Farisiyiin balsaw ittu,
“Inta igil nafiska tishhid halleka.
Kiínna tmassil shahaadat nafaq alaba.”
14 Ka Yassoq belayom,
“Ana igil noshshe ma min ishhid,
shahaadachche raataqat ta jalliib min kim aya matsáko wa asik aya igayis halleko ammir.
Laakiin intim illa iitaámmura.
15 Intim ib ghiyaas aadami taxakmo ichche laakiin ana it oro yaxakkim.
16 Wa min xakkim ma,
xikimye itta gaá raateq tu jalla bayinye iigaáko,
la Ab laákenni misilye tu.
17 Shariiqatkum tibil,
‘Kilót nafar it gaar min laáttafigho,
shahaadatom kim xagh titghabbal.’
18 Ana shaahid noshshe la oro ana wa Abuye la laákenni shaahijje la kaaláay tu.”
19 Ka saálawu,
“Abuka,
aya halla?”
Ka Yassoq balsa ittom,
“Intim jallaab ana min kim ana iitaámro,
Abuye ma min kim tu iitaámro.
Iyye min taámro,
Abuye waáamarkum.”
20 Yassoq illa miblaas illa dibba haykal gorra sandughga sadaghaat balsaya.
Minnaata iitássara jallaab waghtu yaákla.
Jaza yaámiin
21 Xaghohu Yassoq belayom,
“Ana igil ariim tu,
intim igil tixizawni tu laakiin diib zinubkum igil timuto tu.
Asikka ana igayissa,
igil timtsó igil tighdaro iiko.”
22 La addaam xid saálaw,
“Igil laántixir saatit halla gabbí?
Mi bahalatu tu,
‘Asikka ana igayissa,
igil timtsó igil tighdaro iiko’?”
23 Yassoq attalala,
“Intim min taxat intim wa ana min laqal ana.
Intim naay illa iddinya intim,
ana di iifaalye.
24 Illi la sabab la ibbu intim diib zinubkum igil timuto tu ibe tu ib sabab yaámiinkum.
Ana hitu kim ana min iitaámno,
diib zinubkum igil timuto tu.”
25 Ka saálawu,
“Inta min inta?”
Ka Yassoq balsa,
“Ana la diima hitu ana ibelakkum ana.
26 Ka bizox la ibillu biye itkum wa ibbu la xakkim itkum.
Laakiin la laákenni sanni baqal amaan tu wa igilla iddinya minnu la samqakowu qallin.”
27 Minnaata hitom misil illi ma itta Ab kim lithaage qala iifahamaw.
28 Ka Yassoq belayom,
“Wadda Aadami waan saghlo,
ana hitu kim ana igil tifhamo tu wa min noshshe la iwaddiyu alabye,
bas la Ab la qallamennitu ibil.
29 Wa la laákenni,
misilya halla.
Hitu yahajrenni jalla diima hitu la raddiyu iwadde.”
30 Xare bizxaam illi libil la samqawu amno ibbu.
Yassoq wa Ibraahiim
31 Yassoq igilla Yahud la amnaw ibbu belayom,
“Diib zaqachche min sabtaw,
ib amaan darasaaye tgabbó.
32 Wa la amaan igil taámro tu wa la amaan igil taxarrirakkum ta.”
33 Ka hitom belawu,
“Xina ziryat Ibraahiim xina wa orot gibburna iilaámmir.
‘Igil titxarraro tu,’
dol tibil,
illa mi attabalekka ta?”
34 Ka Yassoq balsa ittom,
“Ib amaan amaan iblakkum halleko,
la laázannib kaahiin gabir zanib tu.
35 Gabir diib qaylat ziryataay daayim iigabbí laakiin la wal jizú minna qaylattu igil diima damayin tu.
36 Ka la Wal min laxarrirakkum,
xirruraam amaan intim.
37 Aywa,
kim ziryat Ibraahiim intim iibada minye.
Ligbá ma indiíko,
intim igil tightaluni taxazzu hallekum jallaab diib albaabkum igilla liíkachche akaan alabkum.
38 Ana misil Abuye inde ana la raékowu assiílakkum halleko.
Minnaata intim mikkir abukum tallu hallekum.”
39 Ka tbaalasawu,
“Abuna Ibraahiim tu,”
inde liblo.
Ka Yassoq,
“Iifaal,”
belayom.
“Ib amaan wilaad Ibraahiim min taqalu tamsaal widaayu wawadekum.
40 Bidaalu intim igil tightaluni jarbo hallekum ajil la amaan la min Rabbi samqakowa ballaghkokum.
Ibraahiim killu raásu kiínna iiwada.
41 Intim widdaay ab amaankum waddu hallekum.”
Ka balsaw ittu,
“Xina daghalliit yixina.
Abuna,
Rabbi nosu tu.”
42 Ka Yassoq belayom,
“Rabbi abukum waqala wafatekuni qalkum jallaab ana min Rabbi matsákokum.
Ana insar ib gaar noshshe yahalleko laakiin hitu laákenni.
43 Igil mi la iblakkumtu halleko iitifhimo?
Jalla igil tismuquni ma ghaadraam yahallekum.
44 Jalliib intim wilaad abukum Abliis gabákum la shar la hitu waddiyu igil tidaw tfattu.
Hitu min salif ghetlaay qala.
Hitu diima la amaan laábbe nabra jalla diibu amaan yahallet.
Waan laxasse lahalla diibu nazzex jaliib xassaay wa ab xassat gabá.
45 Minnaata ana jalla amaan iballis intim iitaámnuni.
46 Ayikum ib amaan ib zanib igil littahamanni ghaddir?
Wa la amaan inde assiílakkum,
igil mi iitaámnuni?
47 Naay Rabbi la gabá,
killu zaqatu laáttanse.
Laakiin intim iitaáttansu jalla naay Rabbi iigabákum.”
48 La addaam tbalasawu,
“Xina min badiir Saamaritaay kelim wa shedtaan maalku inta yiínbe?”
49 Yassoq bela,
“Ana shedtaan alabu diibye,
ib kilaafu abuye xabbin wa intim iitxabinuni.
50 Ana noshshe igil imajjid yiítxaaze,
Rabbi igil limajjidanni tu.
Hitu xekmaayya amaan tu.
51 Ib amaan amaan iblakkum halleko,
ayi nafar adrasochche la dtayeq,
killu raásu iimayit.”
52 Ka la addaam belaw,
“Aze shedtaan kim maalikka tu aamarna.
Ibraahiim wa la nabyaat motaw wa inta,
‘Adrasochche la dtayeq,
killu killu iimayit,’
tibil?
53 Inta min abuna Ibraahiim taxayis?
Hitu mota wa la ma nabyaat.
Inta min inta masleka?”
54 Ka Yassoq balsa,
“Nafishshe igil imajjid min xazze,
xabbat iilaáfayid.
Laakiin Abuye igil limajjidanni tu.
Intim,
‘Rabbiina tu,’
tiblo
55 laakiin intim iitaámmuru ma.
Ana ammirru.
Kilaafu min ibil,
xassaay wagaáko kimsalekum.
Laakiin ana ammirru wa idtayqu.
56 Abukum Ibraahiim faarex qala mitsáchche inde lisé.
Hitu raáya wa tlawagha.”
57 La addaam,
“Inta ximsa sanat ma iiwadeka.
Kafo,
‘Ibraahiim raéko,’
tibil?”
belaw.