Yassoq asik Yahudiya Gayis
7
Xagho illi,
Yassoq diib Al Jaliil tgaayasa wa diib mandtighat Yahudiya igil lijjawal yaxaza jallaab la merxatta Yahud igil lightulu minkib laxazzu qalaw.
2 Wa Qiid Al Mazaal la Yahudi waan shaága,
3 xawu belawu,
“Al Jaliil tirak wa asik mandtighat Yahudiya herir la darasaaka diiba la wadaddiitka igil liráw
4 jallaab immur igil ligbá la laxazze wa ib situr lashaghghe yahalla.
Inta jalla illa wadaddiit twadde halleka,
nafiska igilla iddinya aré.”
5 Sabab la ma xawu laámno ibbu yaqalaw.
6 Ka Yassoq balsa ittom,
“Waghichche lissaq aakil yahalla.
Igilkum,
lagá waghit gaar alabu.
7 La iddinya igil tiíbekum iitghaddir minnaata igilye taábbenni jallaab didda wadaddiita la sharraarit ishhid.
8 Intim igilla qiid qaghlolu.
Ana laatu,
igil illi qiid igil qaghlole iiko jalla waghichche yaákla.”
9 Illa belayom wa diib Al Jaliil athawada.
10 Wa xagho la xawu asikka qiid gesaw,
hitu ma gesa laakiin ib xiboq ib ghiloq indeígé.
11 Ka itta qiid,
la merxatta Yahud igil Yassoq liddaanano qalaw wa liblo,
“La nafferaay,
aya halla?”
12 Wa fingela maxaabir ib Yassoq hidig titbaalas qalat.
Galehom,
“Inaas bakiit tu,”
belaw wa biqidaam,
“Iiko,
hitu la shaqab laájalle halla,”
belaw.
13 Laakiin orot ib qalan iithaaga ittu ibba sababba farhatta merxat.
Yassoq Diibba Haykal
14 Wa qiid kim kaffala,
Yassoq asikka haykal waghghala wa la addaam igil laádris astabda.
15 Ka la Yahud tahajjamaw wa igil xid,
“Illi kafo la kitaab laámmir wa hitu qillum iiko?”
belaw.
16 Yassoq balsa ittom,
“Liíkachche min noshshe iikon,
minna laákenni indiíko.
17 Ayi aadami iraadat Rabbi igil lide la nawe igil laámir tu adrasochche min Rabbi tu ma minye wa bas.
18 Min nosu la lithaage,
nosu igil laxabbin litnayat.
Laakiin la laákayu igil laxabbin la litnayat,
baqal amaan la xassat iilaámmir tu.
19 Musa la shariiqat habekkum laakiin oro minkum ibba shariiqat iilaqammil.
Ka igil mi igil tightaluni taxazzu hallekum?”
20 La jameq balsa ittu,
“Inta kitox inta ma mi?
Min ghatiilka xaza?”
21 Ka Yassoq balsa ittom,
“It sabit,
xatte mistinkir wadeko wa taqajjabkum.
22 Laakiin intim ma,
it sabit shaghghu shariiqat Musa la naayya kishbo dtayqo.
Ib bayaan,
lamadda kishbo,
la abaw tom la astabdawu ghadam shariiqat Musa.
23 Ka it sabit xitsan min taákashbo shariiqat Musa igil it iitikaalfo,
ka igil mi taxargho iichche hallekum sabab aadami ib tamaamu it sabit shafeko?
24 Ib laqal laqal la litré iitxikamo,
bidaalu ib qadaalat xikamo.”
Yassoq La Masex Tu?
25 Gale min seknat Orshaliim xid saálaw,
“Illi la inaas la igil lightolu laxazzu hallaw iiko?
26 Wa hitu illi tu addaxa tsaqada lithaage wa oro iitáarada ittu.
Ka la xekmatna,
hitu ib amaan la Masex kim tu laámno gabbó?
27 La Masex waan matstsí min aya kim matsá la laámmir alabu.
Illi laata,
kim min aya kim tu naámmir.”
28 Ka Yassoq diibba haykal inde laádarris kirintu waghghala wa bela,
“Intim naay amaan taámruni wa min aya kim matsáko taámro maslakkum?
Ib noshshe iimatsáko laakiin la laákenni xagh tu wa intim iitaámuru.
29 Ana di,
ammiru jalla min gidaaru matsáko wa hitu laákenni.”
30 Ka igil litsbodtu jarrabaw,
laakiin oro ide iikara ittu jalla la waghtu aakil yaqala.
31 Wa bizxaam minna maxaabir amnaw ibbu wa belaw,
“La Masex dolat matstsí,
muqjizaat min illi wa laqal igil lide tu?”
32 Wa la Farisiyiin ibba xishikshakka maxaabir samqaw.
Ka hitom wa ruásaala kahana gale qeghbat nadáw igil litsbodtu.
33 Ka Yassoq belayom,
“Ana waghit xud igil iklá gokum tu wa xare asikka laákenni igil qaghbil tu.
34 La maddat laha,
taxazzuni wa iitrakbuni wa la itta igabbí igil tigiisiwa iitghadro.”
35 Ka la Yahud xid saálaw,
“Aya igil ligiis aamim halla la itta yiínrakkibbu?
Asikka madayinna Yunaaniyiin la Yahud shattataw itta inde gesa la Yunaaniyiin igil laqallim tu?
36 Mi bahalatu tu,
‘Taxazzuni wa iitrakbuni,’
wa ‘Itta igabbí igil tigiisiwa iitghadro’?”
La tsamá asikye limtsá
37 Wa itta amqilla dangobala qiid wa hita la latfaddalatta amqilotaatu ta,
Yassoq bidtaaru gabá wa kirintu waghghala,
“Aadami min tsammí,
asikye limtsá wa liste!
38 Kimma diibba Kitaab kitub halla,
la laámmin ibbiye,
min ghabatu anhur maay xiyaay tuwxiz.”
39 Yassoq illi itta Rox La Ghiddus la ibbu la amno igil litkabbotu la qala iglom belayu.
Wa la Rox lissaq hiyub yaqala jalla Yassoq lissaq xishshum yaqala.
40 Ka galela xaadraam qalaw illa waan samqaw igil xid,
“Illi ib amaan la Nabi tu,”
belaw.
41 Wa biqidaam,
“Illi la Masex tu,”
belaw.
Wa laakiin galehom,
“La Masex min Al Jaliil faggir?
42 La Kitub la belaya la Masex min ghadtiir Daawid wa min ghariyat Betlaxim la Daawid twallada diiba matstsí iikon?”
belaw.
43 Wa kiínna ib sababu la raáyya jameq tkaafala.
44 Wa galehom igil litsbodtu xazzaw laakiin oro ide iikara ittu.
Yaámiin merxat Yahud
45 Wa la xarassa haykal asikka Farisiyiin wa qabayila kahana qaghbalaw.
Wa hitom la qeghbat saálaw,
“Igil mi yaámtsakumu?”
46 Ka balsaw,
“Xina aadami kimsalla higyaahu lithaage iisamqana bataatan!”
47 Ka la Farisiyiin ib xarughat balsaw,
“Intim ma ajlekum?
48 Roy minna merxat aw min ina laámna ibbu raékum?
49 La gabiil la raxiib la shariiqat ghaawi laata,
laqanat tigbá ittu.”
50 Laakiin orot minnom wa hitu Niighudiimos la badiir laali asik Yassoq matsá tu belayom,
51 “Shariiqatna,
nafar inde difaaqu iilissammaq ib salif ghaladtu igil litámmar igil litxaakam taájjiz?”
52 Ka balsaw ittu,
“Inta ma min Al Jaliil inta?
Ka la kitaab diras,
nabi min Al Jaliil la faggir killu killu kim yahala tifhim!” [
53 Xaghohu,
kil oroka asik betu gesa.