Saaraay kirsuy
5
Wa xare,
Yassoq asik Orshaliim twaghghala ajil orotta qaayaadda Yahud.
2 Wa diiba ghirub Baab Qabaageq,
rahaya qalat,
ib qibriyat Betxasda titbahal,
wa diwaara xamis raakubat qalaya.
3 Wa diiban maxaabir xamayim waaseq min qawayir wa xanakkish wa shalayil laátkaarir qala [matkokaassa maayya rahaya inde littaakaw
4 jalla xat xatte dol malaak matstsí wa maayya rahaya kokis qala.
Wa salif la litkarre,
litsaare qala ximaamu lagaá ligbá.]a
5 Wa ken nafar min salaasa wa samaan sanat ximum qala.
6 Wa ken ikrur inintu Yassoq raáyu wa ittilla xaalat kim izmun tu aamara.
Ka saálayu,
“Igil tissaare taxazze?”
7 Ka la ximum balsa ittu,
“Mamba,
nafar diibba rahaya latarghishanni maaya dol titkosas alabye.
Kam wa kam igil itkarre jarrabko wa dolka biqid ghadamye litkarre.”
8 Ka Yassoq belayu,
“Ghinats!
Nidtdtaafka nisá wa giis.”
9 Wa it bagaayid la inaas shaffa wa nidtdtaafu rafqa wa herara.
Wa la amqil,
amqil sabit qalat.
10 Ka la merxatta Yahud igilla inaas la shaffa belawu,
“Yom,
sabit ta,
sababu nidtdtaafka igil tirfaq iilitájaz ikka.”
11 Ka balsa ittom,
“La inaas la shaffenni,
‘Nidtdtaafka rifaq wa giis,’
belenni,”
belayom.
12 Ka saálawu,
“Wa min tu,
‘La firaashka rifaq wa giis,’
belekka?”
13 Minnaata la ximum la tshaffa min kim tu laámmir yaqala jallaab Yassoq ghabatta maxaabir tahanfa.
14 Igir xaariit,
Yassoq diibba haykal rakbayu ka belayu,
“Illi inta shaffeka.
Ka sixtaanka atkaarim la laákkiyu igil iilitkarre itka.”
15 Ka Yassoq kim tu la shafayu waan aamara,
gesa la merxatta Yahud igil laássil Yassoq kim tu la shafayu.
Qalaaghatta Ab wa la Wal
16 Ka la Yahud Yassoq igil laqadtriso astabdaw jalla illa wadaddit diib assabit waddiya qala.
17 Wa laakiin Yassoq belayom,
“Abuye asik illa shaghghe halla wa ana ma,
ishaghghe halleko.”
18 Jalla illi,
la Yahud ziyaada igil lightolu jarrabaw;
hitu fitex sabit ledta kaalafa inde iigabbí Rabbi Abuhu wada wa nafsu misil Rabbi assaanana.
19 Ka Yassoq belayom,
“Ib amaan amaan iblakkum halleko,
la Wal min nosu xabbat igil lide iighaddir;
la Ab inde waddiyu la raá ledta wadde.
Ka killu la Ab la waddiyu la ma Wal,
waddiyu.
20 La Ab la Wal fatte wa killu la waddiyu laáríyu.
Wa wadaddiit min illa taxayil igil laáríyu tu igil titqajjabo.
21 Kimsalla la Ab maaytaam laqaghannitstsa,
la ma Wal la xazayu laxaaye.
22 La Ab oro iilaxaakim;
hitu sildtatta xaakamot ib tamaama igilla Wal habaya
23 killu la Wal igil laxabbin kimma la Ab laxabbinna.
La Wal la iilaxabbin,
la Ab la laákayu iilaxabbin.
Min Mot Asik Xayot
24 Ib amaan amaan iblakkum halleko,
higyaaye la sammeq wa ibba laákenni la laámmin,
xayot diima rakkib wa iilitxaakam,
bidaalu min mot asik xayot litqadde.
25 Ib amaan amaan iblakkum halleko,
la waghit la maaytaam kirin Wad Rabbi sammaqo ittu igil limtsá tu wa maatsí ma halla wa la sammiqiwu xayot rakbo.
26 Kimsalla la Ab xayot diib nosu bu,
igilla ma Wal ghidrat hayiib xayot mannaxayu.
27 Wa sildtat xaakamot habayu jalliib Wadda Aadami gaá.
28 Ibbilli iititqajjabo sabab waghit igil limtsá tu la sab taxat killom kirintu sammaqo ittu
29 ka fagro.
Ka sannet la wadaw asik xayot ghantso wa la ikkiit la wadaw asik matxaakaam ghantso.
Shahaadaat igil Yassoq
30 Ana min noshshe la iwaddiyu alabye,
bas ibba isammuqu xakkim.
Wa xikimye qaadil tu jalla ana iraadachche igil atmim yiíshshanah,
iraadatta laákenni indiíko.
31 Ana igil noshshe min ishhid shahaadachche baadtlat wagabát.
32 Laakiin la lishshid iyye biqid tu wa shahaadatu igilye xagh ta.
33 Intim asik Yuxanna laákkum ka ib xagh shahada.
34 La sabab la illi ibil ibbu halleko it shahaadat aadami taxagazko inde iigabbí,
ajil mangafokum tu.
35 Yuxanna mabrih baarih wa daamigh qala.
Wa igil maddat ib barhatu igil titnaffaqo xarekum.
36 Minnaata shahaadat min shahaadat Yuxanna taxayis biye.
Wa hita shahaadatta wadaddiit la Ab la kallafenni ibba ta.
Wa la wadaddiit la ila iwadde halleko nosa la Ab kim laákenni tbayin.
37 Wa la Ab la laákenni,
nosu lishhid iyye.
Wa intim kirintu saamqaam wa hayátu riíyaam iitaámro.
38 Zaqatu diib albaakum iitsabbit jallaab la ilu laáka iitaámno.
39 Intim la Kitub darso wa asik xayot diima marraxakkum maslakkum.
Illi hitu igilye lishhid
40 wa laakiin matsí asikye xayot diima igil tirkabo titgaarafo.
41 Ib xaban min aadami yiítaáyas.
42 Minnaata amrakkum wa fitti Rabbi it albaabkum kim yahallet ammir.
43 Ib sildtat Abuye matsáko wa iitkabbatkuni wa ib sildtat nosu la matstsí titkabbotu.
44 Ib kafo taámnuni wa intim xaban min xid titkaabato badal itta xaban la oro Rabbi lahayibbu titqadtdtamo?