Yassoq wa la issiit la Saamiriyat
4
Wa Yassoq aamara la Farisiyiin hitu darasa min Yuxanna walaqal kim jazzib wa laqammid qala kim samqaw.
2 La amaan laakiin la laqammid la qala Yassoq inde iigé,
darasaahu qalaw.
3 Ka mandtighat Yahudiya xadga wa ib xadiis asik Al Jaliil qaghbala.
4 Wa Assaamira igil liikiid qala iglu.
5 Ka madiinat Saamiriyat,
Sukaar titbahal,
batsxa ghirubba ardat la Yaqghub igil Yusif waldu habaya.
6 Wa diiba qela Yaqghub qalat wa Yassoq minna safar tiqib qala ka itta gidimma qela tgassa.
Wa la waghit,
gats addihir qala.
7-8 La darasaahu asikka madiinat gaysaam inintom nabra igil lizaabaw,
asikka qela issiit Saamiriyat wardat.
Wa Yassoq,
“Maay habini igil iste,”
belaya.
9 Ka la issiit balsat,
“Inta Yahudi inta wa ana Saamiriyat ana.
Ka kaho siito dtallib minye?”
La sabab la illi tibe ibbu jalla la Yahud misilla Saamiriyiin litxaabaro yaqalaw tu.
10 Ka Yassoq belaya,
“Wahabat Rabbi waáamarki wa la ‘astiini,’
la belekki,
inti wadtalabki minnu wa maay xayot wahabekki.”
11 Ka la issiit telattu,
“Dalo alabu goka wa la qela ghuri ta.
Ka maayya xayot,
ibbaya taámatstsú?
12 Abuna Yaqghub illa qela wahaba inna wa hitu wa wilaadu wa niwaayu sataw minna.
Ka inta min Yaqghub taxayis?”
13 Ka Yassoq balsa itta,
“Min illi maay illi la satte,
dol xaariit tsammí.
14 Minnaata minna la ana hayibbu la satte,
bataatan iitsammí.
Ka la maay la hayibbu,
qiinat asik xayot diima taqayir gabbí.”
15 Ka la issiit telattu,
“Min illi maay illi habanni,
Mamba,
igil yitsmá wa igir xaariit insar igil yiírad.”
16 Ka belaya,
“Giisi wa biíski tlaakey wa qaghbiliini.”
17 Ka la issiit balsat,
“Biís alabye.”
Ka Yassoq belaya,
“Dol,
‘Biís alabya,’
tibey,
amaan balaski.
18 Xamis biís qalaw ikki wa la aze halla goki,
biíski iiko.
Illa amaanki ta.”
19 Ka la issiit tibe,
“Nabi titreénni halleka,
Mamba.
20 Abawna ittilli dabir Rabbi qabdaw wa intim la Yahud tiblo,
‘La akaan la Rabbi igil niqibad diiba la wajjib Orshaliim ta.’”
21 Ka Yassoq belaya,
“Yahe issiit imaniini,
waghat la qibaadatkum igilla Ab ittilli dabir ligbá aw diib Orshaliim ligbá iititgannad ittu igil limtsá tu.
22 Wa intim la Saamiriyiin la iitifhumu taqabdo wa xina la Yahud la infihimu naqabbid,
sabab la mangafo minna Yahud matstsí.
23 Laakiin,
waghit igil limtsá tu,
matsí ma halla,
waan qebdat amaan la Ab ib Rox wa ib xagh laqabdo.
Illom tom la qebdat la Rabbi raddiyom.
24 Rabbi rox tu wa la qebdat ib Rox wa xagh igil liqibodu bom.”
25 Wa la issiit telattu,
“La Masexa kim matstsí wa dol matstsí kil gaá kim la assiílanna ammir.”
26 Ka Yassoq belaya,
“Ana la ithaageki halleko ilu ana.”
27 Wa itta waghit lahey darasaahu qaghbalaw.
Wa dol misil issiit lithaage rakbawu taqajabaw.
Wa laakiin,
oro minnom iissaálayu,
“Mi taxaze minna?”
aw,
“Igil mi tithaagaya?”
28 Wa la issiit qitroha xadgat wa asikka madiinat qaghbalat.
Wa igilla addaam la ken qalaw telattom,
29 “Niqino,
ginxo inaas la wadekowu killu dagma iyye!
Hitu la Masex gabbí?”
30 Ka minna madiinat fagraw wa asik Yassoq matsáw.
31 Wa itta waghit lahey la darasa igil Yassoq,
“Qaalim,
inka bilaq,”
libulu qalaw.
32 Ka belayom,
“Nabra la iballaqa biye wa intim iitaámmura.”
33 Ka la darasa xid saálaw,
“Nafar bilaq amtsaá ilu gabbí?”
34 Ka Yassoq belayom,
“Nabraaye,
widdaayya iraadatta laákenni wa atmamotta shighlu ta.
35 Intim,
‘Batiik qarbaq warex taarfu halla,’
iitiblo?
Ana,
qintaatkum fitxo wa ginxo la girah kafo tsaqadet wa bashlat iblakkum.
36 Aze ma,
la betkaay ijaaru nassí wa ittey igil xayot diima laáte.
Ka la xarastaay wa la betkaay misil farraxo.
37 Kimma masal la tibil,
‘Oro laxarris wa oro battik.’
38 Ana garhat la iitaqabkum itta igil tibtako nadákokum.
Biqidaam taqabaw itta wa intim lahabatom tbatko.”
39 Wa diibba madiinat laha Saamiriyiin bizxaam amnaw ibbu jalla la issiit shahadat wa,
“Killu la wadekowu dagma iyye,”
tibe.
40 Ka la Saamariyiin waan matsáwu igil litsnax baakom taxassabawu.
Ka kilé miqil tsanxa baakom.
41 Wa qilibba amnaw ibbu sanni wassaka dolatta higyaahu samqaw.
42 Wa igilla issiit belawa,
“Xina aze naámmin ib sabab higyaaki inde iigé,
jalla nosna samqanaahu wa ib amaan hitu Mangifaay iddinya kim tu aamarna.”
Yassoq Giriz Saare
43 Wa xaghola kilé la miqil Yassoq asik Al Jaliil gesa.
44 Yassoq nosu,
“Nabi diib modaayu iilitxashsham,”
bela.
45 Minnaata Al Jaliil dol batsxa,
sabá raxabaw ibbu jalliib diib Orshaliim inintom xiinna Qiid Al Fisx killu la wadayu raáw.
46 Wa ib xadiis asik Ghaana la diib Al Jaliil la diiba maay nabiiz baddala qaghbala.
Wa diib Kafarnaaxum,
inaas baqal shiimat qala wa wal ximum qala ilu.
47 Ka Yassoq min Yahudiya asik Al Jaliil matsá kim samqa,
matsáyu wa asik Kafarnaaxum igil lidnan taxassabayu la waldu la diib af mot qala igil lisaare.
48 Ka Yassoq belayu,
“Intim muqjizaat wa qajaayib min iitirú iitaámno.”
49 Ka la inaas belayu,
“Mamba,
dinan la walye inde iimayit.”
50 Ka Yassoq belayu,
“Giis.
Walka xiyaay halla.”
Ka la inaas zaqat Yassoq amna wa asik qaddu qaghbala.
51 Wa it gabey inintu shaghaalahu tghaabalawu wa waldu xiyaay kim halla ballaghawu.
52 Ka saálayom,
“Mi waghit taqaafa?”
Ka balsaw,
“Maale saaqat xatte xagho addihir la xaz xadgayu.”
53 Ka la inaas la saaqat la Yassoq,
“Walka xiyaay halla,”
belayu itta taghaab tellu.
Ka hitu wa killa qaylatu ib Yassoq amnaw.
54 Illa la muqjizat la kaaláyit la Yassoq xagho min Yahudiya asik Al Jaliil matsá wadaya ta.