Matwallaad Ib Xadiis
3
Wa inaas Farisi minna merxatta Yahud,
Niighudiimos la litbahal qala.
2 Wa hitu gats laali asik Yassoq matsá wa belayu,
“Qaalim yaha,
xina Rabbi igil taqallim kim laákekka naámmir ka oro illa muqjizaat latwaddiya halleka igil lide iighaddir Rabbi min iilahalle goru.”
3 Ka Yassoq balsa ittu,
“Ib amaan amaan iblakka halleko,
nafar mamlakat Rabbi liré alabu ib xadiis min iilitwallad.”
4 Ka Niighudiimos bela,
“Aadami shingul inintu,
kafo litwallad?
Asik ghabat immu laqaghbil wa ib xadiis litwallad?”
5 Ka Yassoq balsa ittu,
“Ib amaanye iblakka halleko,
aadami min maay wa Rox min iilitwallad,
mamlakat Rabbi igil liíte iighaddir.
6 Nafar min immu wa abuhu wilaadat aadamiyat litwallad,
wa minna Rox wilaadat roxiyat litwallad.
7 Ka ‘Ib xadiis igil titwallado halla ikkum,’
dol ibil,
inta igil mi taástaghrib?
8 Ka la wilwaal kim shannaha walwil.
Kirintu sammeq laakiin min aya matstsí wa asik aya gayis iitaámmir.
Minna Rox ma la litwallad,
kimsalhu tu.”
9 Ka Niighudiimos,
“Illi kafo igil ligbá ghaddir?”
bela.
10 Ka Yassoq belayu,
“Inta diib Israíil madarris liluy inta wa illa iitaámmir?
11 Ib amaanye iblakka halleko,
xina ibba naámmirru nithaage wa ibba reénahu inshid.
Minnaata intim shahaadatna iitghablo.
12 Ib gaaraat iddinya inde assiílakkum min iitaámno,
ib gaaraat sama dolat assiílakkum,
kafo taámno?
13 Asik sama laqarrig alabu imballa Wadda Aadami la min sama tkarra.
14 Kimsal Musa la itta dangarat la arwe rafqaya,
la ma Wadda Aadami igil litraffaq bu
15 ibbu la laámin killu xayot diima igil lirkab.
16 Rabbi min bizex fittihu igil iddinya la orotaay Waldu baalxa,
killu ibbu la laámin igil iilihilak,
ib kilaafu xayot diima igil lirkab.
17 Rabbi Waldu asik iddiniya inde naddí igilla xaakimma inde iigé,
igil najjayota qala.
18 Ibbu la ammin iilitxaakam wa la iilaámmin,
xikim sadra ittu jalliib ib Wad Rabbi la oro yaámna.
19 Wa mabaggasiila jaza illi tu:
La nur asik iddinya matsá wa la addaam la tsilamat fata bidaalla nur jalla wadaddiitom makrahat gabát.
20 Wa makrahat la wadde killu la nur gharrex wa shankatu iilaáwalwil la wadaddiitu igil iititkashshaf.
21 Wa itta xagh la sabbit,
asikka nur faggir la waddiyu ib xiilat Rabbi kim tu addax tsaqada litré.”
Yuxanna igil Yassoq lishhid
22 Xaghohu,
Yassoq wa darasaahu asik mandtighat Yahuza gesaw wa diiba gale tsanxa gorom wa laqammid qala.
23 Yuxanna ma addaam laqammid qala diib Qaayin Nun la jafar Saaliim sabab la maayataat ken waasqat qalat wa addaam matstsó wa litqammadaw qalaw.
24 Illi ghadam massajjaan Yuxanna qala.
25 Wa finge darasa Yuxanna wa nafar Yahudi makxadda laqet ib kisus dtahaarat.
26 Ka asik Yuxanna matsáw wa belawu,
“Wo Qaalim,
ginax ikka!
La inaas la itta kataay Baxar Ordon la minkenaay qala goka wa la shahadka ilu,
hitu aze laqammid halla wa la addaam killom gayusu hallaw.”
27 Yuxanna balsa ittom,
“Aadami Rabbi liyahabayutu iinassí.
28 Intim noskum tishhido iyye kim belko,
‘Ana la Masex yaána,
luúk ghadamehu indiíko.’
29 La marqaat igilla marqaawi ta.
Galgalaayya marqaawi laata madtoru badtdtir wa ib lawagh izin karre ilu.
Lawaghye ma kiínna tu wa aze lawagh taamim gabá.
30 Hitu igil liwassik wa ana igil inghas laazim tu.”
31 Min laqal la gaá,
millaqal killu tu wa min midir lagaá,
midraay tu wa kim sab midir lithaage.
Wa min sama la matsá,
millaqal killu tu.
32 Ibba raáyu wa la samqayu lishhid wa shahaadatu oro iighabbila.
33 Shahaadatu la ghabbil,
Rabbi saadigh kim tu lishhid.
34 Rabbi la laákayu,
ib higya Rabbi lithaage jalla Rabbi Roxu imbal etaan lahayibbu.
35 La Ab la Wal fatte wa lagaá killu xan sildtatu adorayu.
36 Ibba Wal la laámin,
xayot diima bu,
wa la Wal la laqasse,
xayot diima iiliré wa ghadab Rabbi raásu batstsex.