Muqjizatta Masex la salfayit
2
Wa itta amqil la saalsayit,
diib Ghaana la diib mandtighat Al Jaliil,
hidaay qala.
Wa diibu im Yassoq qalat.
2 Wa Yassoq wa darasaahu ma qizumaam qalaw.
3 Wa kamratom dolat tkallasat,
immu telattu,
“Sema kamrat iitarfat ilom.”
4 Ka Yassoq balsa itta,
“Yimma,
mi biye ittom?
Lissaq waghichche aakil yahalla.”
5 Ka immu igilla shaghghaala tellom,
“La laámmirakkum ibbu,
killu widaw.”
6 Wa ken sis qitro min iman qalaya wa la maayan la Yahud igil dtahaarat litnaffaqo ibbu qalaw wa xattehanka kilé aw salas tigraat faayxaat tsabbidt.
7 Ka Yassoq igilla shaghghaala belayom,
“La qatari maay maalúwan.”
Ka asik daffica maalaáwan.
8 Wa xare,
“Jighafo minnan wa riíssa waliimat madtdtu,”
belayom.
Wa kimsalehu wadaw.
9 Wa riíssa waliimat la maay la kamrat tghayara waan dtamdtama masdaru yaámara minnaata la shaghghaala la jaghfawu aamraam qalaw.
Xare la marqaawi tlaaka
10 wa belayu,
“Addaam killom la kamrat la sannet ib salif lahayuba wa la gaasha kim sakraw la rakiisat lahaybo.
Laakiin inta la kamrat la wajiibat xar atrafkaaha!”
11 Illa muqjizatta salif la Yassoq diib Ghaana la diib Al Jaliil ajraya ta wa mawaghghalu azhara,
ka darasaahu amnaw ibbu.
12 Xagho illa,
Yassoq wa immu wa xawu wa darasaahu asik madiinat Kafarnaaxum darraw wa diiba amqelaat tsanxaw.
Yassoq Minna Haykal Mazbiyat Liddaagan
13 Qiid Al Fisx La Yahudi kim gharba Yassoq asik Orshaliim qaghlola.
14 Ka diibba xarratta haykal mazbiyat xa wa qabaageq wa katarri wa serfat it dtaraabiizom gissuyaam rakba.
15 Ka kirbaaj min xibaal xabka wa killom minna haykal daaganmayom misil qabaagqom wa xahom.
Wa girushsha serfat fandtara wa dtaraabiizom kanaafala.
16 Wa igilla mazbiyatta katarri,
“Illa min insar afgura!
Bet Abuye akaan sibaabat iitidawa!”
17 Ka la darasaahu la Kitub faghdaw,
“Ghirat it betka nasáttanni.”
18 Ka la merxatta Yahud shebanaw wa belawu,
“Muqjizat wide la widiitka igil tibarhin.”
19 Yassoq balsa ittom,
“Illi haykal xanfusu wa diib salas amqil qabadtdtirru.”
20 Ka la Yahud belawu,
“Nadiigh illi haykal qarbaqa wa sis sanat kalá wa inta,
it salas amqil igil taharrissu tu?”
21 Hitu laata,
it haykal garobu laxabbir qala.
22 Ka waan min mot ghantsa,
darasaahu la bahalatu faghdaw.
Wa ibba Kitub wa ibba zaqat la Yassoq belaya amnaw.