Yassoq it Betqanya litqashshal
14
Ghadam Qiid Fisx wa Qiid Fadtiir ib kilé miqil,
qabayila kahana wa maémratta shariqat ib kidqat Yassoq it ide igil laákru liddanano qalaw igil laághtulu.
2 Minnaata illi xiinna qiid igil iiligbá twaafaghaw naqarra gabiil igil lishshannako.
3 Wa Yassoq it Betqanya inintu misil Samqaan la birrus imballeq,
issiit atet.
Wa hita borile min tsirab imin qigil qidtir naardiin timmun wa saafi amtsát,
wa falmatta wa la qidtir it raás Yassoq nasnasatu.
4 Ka galela jameq tgaddá wa igil xadxid belaw,
“Illi qidtir ghaali,
jalla mi littelak halla?
5 Ib min salas miít dinaar walaqal wazabba wa laqawlu masnado igil gidqaam wagaá."
Wa ib mararat wa arar tahagawa.
6 Laakiin Yassoq,
“Izamu minna!
Igil mi taátkalaabuta hallekum?
Hita xiraab sanni xarrabattanni.
7 Jallaab gidqaam diima misilkum hallaw wa dol titnayataw igil tisdawom ghadraw.
Ana laata,
diim misilkum igil halle iiko.
8 Illa issiit qadad xilata wadet.
Hita garobye qadtdtarat igil dafiin igil tiwadtdtiyu.
9 Ib amaan immin,
akilla la injiil taqallana it killa iddinya,
madtoru la widiita igil tiddagam wa titfaghad tu.”
Kayanat Yahuza
10 Yahuza Askaryudt,
orotta darasa laqasir kilót,
asikka qabayila kahana gesa Yassoq igil linawillom.
11 Ka farxaw wa maal igil lahobu waqadawu.
Ka igil linawillomtu minkib tayana.
Fisx
12 Wa diib amqil salif Qiid Fadtiir,
dolatta qiyotta Fisx litkarram,
darasaahu saálawu,
“Diraar Fisx ittaya igil nahayí tishshannah?”
13 Yassoq kilót darasaahu nadá wa belayom,
“La madinat itaw wa inaas diwaan maay dtaawir igil litghaabalakkum tu wa asaru gibó.
14 Wa dol bet laátte igilla baqalla bet,
‘La qaalim la odat la diraar Fisx iballeq diiba misil darasaaye ayata liblakka,’
bolu.
15 Ka hitu odat faayxat nodtfit itta raássa rifoq igil laárékkum tu.
Ka diiba hayúwu inna,”
belayom
16 Ka la kilót darasaay la madinat ataw.
Ka kimma Yassoq bella rakbaw,
wa daraarra Fisx hayáw.
17 Wa kim masa,
Yassoq misilla qasir kilót darasaay ajtamaqa.
18 It nabra qigulaam inde intom Yassoq bela,
“Ib amaan amaan,
orotkum igil likiinanni tu,
wa hitu balleq misilye halla.”
19 Ka la darasa gham tkarra ittom wa ib or oro belawu,
“Illa hitu minye wa ken tu,
mi tisé?”
20 Ka belayom,
“Yaare,
illa hitu orokum la qasir kilót tu wa ittilli xilaab misilye ghammish halla.
21 Wa Wad Aadami igil lisaadir tu kimma kitub libillu ittu.
Dabaanhok!
Ilu lakayin laata wayilu.
Min iilitwallad waxesayu.”
22 Wa inde ballaqo,
raghiifat harrasa wa xagho Rabbi xammada,
faalamaya wa naadtayomta wa belayom,
“Inkum,
illi garobye tu.”
23 Wa koz nasá wa xammada wa nawalayom ka killom sataw.
24 Wa belayom,
“Illi damye tu,
damma galad lajalla bizxaam lithaddar.
25 La zaqachche erab alaba,
xagho illa cimmamma qinabat yiítxannak asikka miqil la ib xadiisu isattiyu tmatstsí diib mamlakat Rabbi.”
26 Xagho talilat tallalaw,
jahat Dabir Zeytun fagraw.
Matbarraay Budtrus
27 Ka Yassoq belayom,
"Intom tanaan igil tigbó tu kimma bahalatta kitub,
‘La mawqilaay igil hawish tu ka la qabaageq igil titfanaadtar tu.’
28 Laakiin darib ghanicce,
asik Al Jaliil igil ibdarakkum tu.”
29 Ka Budtrus bela,
“Killom min tarkuka,
ana laata yiítarkakka.”
30 Ka Yassoq balsa ittu,
“Budtrus yaha,
ib yighghun yom laali la diik kilé inde iinaghghe inta salas igil titbarrenni tu.”
31 Ka Budtrus ashaxlala wa bela,
“Yiítbarreka imut ma misilka indiiko.”
Wa killom la darasa kiínna belaw.
32 Wa it akaan Jatsimaani latissamme matsáw ka igilla darasaahu,
“Insar kaf daw asik ana iddaqe,”
belayom.
33 Wa baaku Budtrus wa Yaqghub wa Yuxanna nasá wa fijaq wa gham igil lixdarru astabda.
34 Ka,
“Nafishshe xad mot gibít hallet.
Insar taakaw wa tirho,”
belayom.
35 Wa shinnik wada wa sajda inliddaqe maddatta matsitsat igil tisxattu min gabí illu.
36 Ka bela,
“Yibba yaha,
yibbaaye inta kilgaá tghaddir.
Ka illi matstsat attawaldtanni.
Minnaata ana laítnayattu iiko,
inta latitnayattu.”
37 Wa kim qaghbala,
sakbaw ka tsanxawu.
Ka igil Budtrus belayu,
“Wo Samqaan,a
ghasanka?
Igil xatte saqat kilex igil tibal iighadarka?
38 Tirho wa daqaw igil asik shighat iitishshalhato.
La rox tishshannah,
laakiin la bashar xawaan tu.”
39 Ka arema wa ib xadiis nafsu la daqa daqa.
40 Igir xaariit waan qaghbala,
saakbaam rakbayom,
qintaatom igil lighlaqaw iikahalaw.
Wa lalibulu tu saánaw.
41 Saalsayit igir matsá wa belayom,
“Asik illa sakbo wa taqaarfo hallekum?
Kaffe!
Illi tu Wad Aadami it ide sixtaam litkarre halla.
42 Kamkamo inna,
la dtelmaayye shaágenna.
Maxayar
43 Wa Yassoq inlithaage Yahuza,
orotta qasir kilót,
matsá.
Wa misil qishil ib asyuf wa akshush sillox,
qabayila kahana wa maémratta shariqat wa la merxat laákawu.
44 Wa la kaayin senya wada ilom wa,
“La ilu isqim tu,”
belayom,
“Ka isoru wa qighaabu tarrido.”
45 Yahuza kim matsá bagiidaay it Yassoq gharba wa,
“Wo Qaalim,”
belayu wa saqamayu.
46 Darbu tahalfatawu wa xabsawu.
47 Ka orola mattaghbilat sayfu amshasha wa gabirra riíssa kahana hawasha wa iznu carma.
48 Yassoq belayom,
“Ib asyuf wa akshush fagarkum kim shiftaay igil tikrafuni?
49 Kil miqil diibba haykal migibkum qallim qalko,
daám yaxabaskuni.
Minnaata illi la Kitub Ghiddus igil litmarde jara.
50 Girraahu killom tarkawu wa harbaw.
51 Wa mandalaay jibbat ib haala laabis talayu.
Ka igil litsbodtu wadtdtanaw.
52 Hitu laata ib biraaghu anfara.
Majlis Yahud
53 Asaru Yassoq asikka riíssa kahana amtsaáwu,
wa killom la qabyaatta kahana wa la merxat wa la maémratta shariqat xid ganxaw.
54 Wa Budtrus litqarorayu qala asikka daarra kaahin laqaalyaay.
Ka ata wa gorra qeghbat ajgaxa wa lisxin qala.
55 Qabayila kahana wa majlissa Yahud killu igil dalil laáttanashqo qalaw igil laághtulu,
laakiin sema yaáraw.
56 Bizxaam manaw ittu minnaata la minayom xid daagasha.
57 Wa gale bidtaarom gaáw wa zur shahadaw ittu
58 wa belaw,
“Samqanaahu inlibil,
‘Illi haykal la ib iday nidugh igil xanfissu tu wa it salas miqil biqid ib iday la iishshagga igil indagh tu.’”
59 Wa ittilla ma,
shahadaatom iitwaafaghat.
60 La riíssa kahana ghadamehom ghantsa wa saálayu,
“Baliiska aho aziim gaá?
Wa la lishhudu itka hallaw mi tu?”
61 Wa Yassoq aziimu attalala wa iinaghma.
Ka riíssa kahana ib digmaan saálayu,
“Inta Al Masex,
Wad Rabbi la duxur inta?”
62 Ka Yassoq balsa ittu,
“Ana hitu ana.
Wa Wad Aadami dimmaan Rabbi la ghaadir gissuy inintu igil tiráw tu,
wa ghabat dabna in matstsí.”
63 Xarteni la riíssa kahana libbaasu shardtadta wa bela,
“Xagho illi,
mi shahaadaat taáttaxazenna?
64 La kifru samqakumu.
Mi tu xukumkum?”
Ka killom attajwarawu wa mot attastahalawu.
65 Darbu gale dtaafaw ittu wa qashbawu wa ib kabaybom laadadawu wa belawu,
“Tnabbá!”
Wa la qeghbat nasáwu wa zaabadtawu.
Matbarraay Budtrus
66 Budtrus itta xarratta daar la taxaatit inintu,
xattela aamutta riíssa kahana xadrattu.
67 Budtrus inde lisxin waan reét shimuy ganattu wa belat,
“Inta ma,
baak Yassoq la Naasraay qalka.”
68 Laakiin tbarra,
“Latibillu halleki nosu yiidalliyu.”
Xare asikka affa mangaát awalwala wa diik nagha.
69 Wa la amat dol reéttu,
ib xadiis igilla mattaghbilat belat,
“Illi inaas,
orohom tu.”
70 Ka dagma wa tbarra.
Xagho xinkato ib xadiis la mattaghbilat igil Budtrus,
“Inta iissarrirom jallaab Jaliilaay gaáka.”
71 Ka igil lirgam wa limxal astabda wa bela,
“Ana illi inaas litibulu hallekum yaámmirru!”
72 Bagiidaay diik kaaláyit ghaagha.
Asaru Budtrus la bahlat Yassoq faghda,
“Diik kilé inde iighaaghe,
inta salas wakid igil titbarrenni tu.”
Ka ib bikaay tahadtdtagha.