Qalamaat Aakir Zamaan
13
Minna haykal in fagir,
orotta darasaahu belayu,
"Ginax,
wo Qaalim.
Illi iman xarammiz wa illa mabaani gararrim!"
2 Wa Yassoq balsa,
"Illa mabaani tarayid tiríya halleka?
Imin it raás imin igil titraf minna iiko,
xatteka igil tihgag tu.”
3 Yassoq it Dabir Zeytun la ghiblaatta haykal gissuy waan qala,
Budtrus wa Yaqghub wa Yuxanna wa Andraawas ib bannu saálawu,
4 “Balanna,
illi killu midol igil lijre tu?
La isharat la illa gaaraat kim igil tigbá tu taárénna,
shiwa ta?”
5 Ka Yassoq balsa ittom,
“Orot igil iilighshashakum,
daggago.
6 Bizxaam ib simechche matstsó wa iyye litmassalo.
Wa bizxaam laájallu.
7 Wa dol ib xirub wa akbaar xirub sammaqo,
iititgallabo.
Illi jalla igil lijre bu,
laakiin illi la dangoba iiko.
8 Wa ummat it ummat ghannits wa mamlakat it mamlakat.
Wa hinghidtghaadt midir it bizox akaanaat jirre wa mislu ma safarriit.
Illi mixits tu wa laákkiyu laqarriyu.
9 Xisaab nafiskum widaw ib sababye it maxaakim shakkukum.
Wa diib maqaabid titkarbajo.
Wa ghadam xikkaam wa miluk ib sababye tbadtro igil tishhado ilum.
10 Ka la bishaarat ib salif migib killa la shaqub igil titqallan ba.
11 Dolat lithalfatukum wa litghaarammukum it salif ibba tibulu iithimamo.
Itta waghit lahey,
latahayabekum basta balo,
jallaab latithaagaw intim iiko,
la Rox Ghiddus indi iiko.
12 Xu xifrat xuhu igil lixifar tu wa ab waldu,
wa wilud it waaldenu litballas wa laámayyittu.
13 Wa ib ajilye killu igil liíbekum tu.
Minnaata asikka dangoba lasabbit,
hitu tu lanagge.
14 Ka baqal najaasat wa karaab it yaákaanu dol tirú,
gheráay yaha,
illi faham.
Ka la waghit lahey it modaay Jahuza lahallaw,
jahatta adbir igil lihirabo bom.
15 Wa raássa qarish lahalla dol litkarre,
betu iiliíte lahalla dibba igil linsá.
16 Wa itta garhat lahalla,
igil billaayu laharris igil laqaghbil alabu.
17 Qamassi wa xarasaat ikkuyan lawaan lahey.
18 Daqaw illi gadar it qaryaqat igil iiligbá.
19 Itta xiin laha jirbat la min maámbat kaligh litreét asik illa wa la iititdaggim igil tijre tu.
20 Rabbi la qamqilotaat laha min iilaxaacir,
orot waíitnajja,
laakiin jallaabba xiruyaam la ilom xara la qamqilotaat laha atxacara.
21 Itta waghit lahey bihilaay,
‘La Masex ittilla halla,’
aw ‘Lohey tu!’
min liblakum,
iitímonu.
22 Ka masex lalitmassalo wa nabyaat xassat igil laawalwilo tu wa qalamaat wa mistinkiraat laárú asikka ma xiruyaam igil likdaqo min litghaddarom.
23 Ka daggago ikkum.
Ana inde aghadamko killu ballaghkokum.
24 Wa laakiin,
itta ayaam laha xagho la shigiit laha,
‘tsaxaay tsalmit wa warex barhatu galbib.
25 Kawakib titwaadagh wa ghiwaatta sama tahanghalghil.’
26 Dollaha Wad Aadami diib dabannit ib xiilat tirdit wa xishmat in matstsí lirú.
27 Xariit malaíkat lilík xiruyaamu igil likamkimu minna qarbaq jahat wa ghirid midir wa qasattir.
28 Illi diraso min qiccat tiin dol qaghshuna taharrí wa taghadtdtif,
karam kim gharbat tifhimo.
29 Ka intim ma,
illa imur illa jarre waan tirú,
ghirub af mangaát kim halla aamru.
30 Ib amaan iblakum halleko,
illi gim iizawil asik illa gaaraat ib tamaama tgabbí.
31 Midir wa sama fanya,
zaqachche laata,
iitfanne.”
La Miqil Laha, Orot Iilaámmirra
32 “La miqil wa la saqat laha laatu laqallimma alabu,
malaíkat sama tigbá wa la Wal libgá imballa Ab.
33 Ka dtanghagho wa tirho jallaab la waghit midol tammim iitámro.
34 Kim xalat aadami rayiim lagayis wa it betu igil shaghghalaahu sildtat haba igil kil orot liluy waghay amaghraxa.
Wa qeghbaayya baab igil litrah wassayu.