Yassoq Ghadam Bilaadtos
15
Tsibxat midir,
xagho gomaatom atmamaw qabayila kahana wa la merxat wa maémratta shariqat wa la majlissa Yahud ib tamaamu Yassoq aasaraw wa it ide Bilaadtos karawu.
2 Ka Bilaadtos saálayu,
“Inta malik Yahud inta?”
Ka balsa ittu,
“Laíla tibe ta.”
3 Xare la qabayila kahana tihmotaat waasqat igil littahomu astabdaw.
4 Ka Bilaadtos ib xadiis saálayu,
“Latibillu alabka?
Simaq xad ayi marar bom itka?”
5 Yassoq laata sema iibalsa,
ka Bilaadtos taqajjaba.
6 Lamad dtalugh oro xiyur ib miraad shaqab nabra ilom.
7 Wa inaas Baarabaas lalissamme misil fawalil ghetlat xinna fancagaar xibus qala.
8 Ka la jameq qashla wa Bilaadtos kim lamadu xibus igil laqarxe ilom dtalbawu.
9 Ka belayom,
“Malikka Yahud,
igil qarxe ikkum taxazzuni hallekum?”
10 Jallaab sabab tsibdtohu ibba ghiratta qabayila kahana kim qala aamara.
11 Ka la qabayila kahana la jameq assawaraw qarxayot Baarabaas igil lixiraw.
12 Ka Bilaadtos ib xadiis belayom,
“Wa illi la malik Yahud sammuwu,
mi ibassirru?”
13 Ka tsaarxaw,
“Silabbu!”
14 “Ka mi shar wada?”
belayom.
15 Ka Bilaadtos la jameq igil laárde tnayata wa Baarabaas dtallagha ilom.
Xagho Yassoq ib qanaj atkarbaja wa igil lissallab nadtdtayu.
Tarjagat
16 La qaskar asikka daarra xaakim gelalawu wa killa la katibat jamqaw.
17 Wa jibbat kimholayit albasawu wa akliil ashwaak shalkaw wa qammamawu tu.
18 Wa ib tarjagat saalamawu,
“Malik Yahud,
salaam qaleka!”
in liblo.
19 Wa ib mora fallaghawu wa dtafaw ittu,
wa sijud tarjagat sajdaw ilu.
Saliib
20 Tarjagat kim atmamaw,
la jibbat kimholayit ghandtadtaw minnu wa libbaasu albasawu.
Wa igil lissallab gelalawu.
21 Igil riffaq saliibu xelfaay gabey,
Samqaan Al Ghayrini,
ab Askandar wa Rufas ghassabaw,
minna bar in laqaghabbil.
22 Wa Yassoq asik Al Jujusa (bahalat jumjumat) amtsaáwu.
23 Wa kamrat mur xubur itta qardaw ittu,
ka abaya.
24 Ka salbawu wa libbaasu ib saham tkaafalaw.
25 Wa dol salbawu asibox saaqat seq qala.
26 Wa qinwaan xikim,
MALIK YAHUD,
lalibil katbaw milaqalu.
27 Wa finge kilót serghaay salbawu,
oro dimmaanu wa oro galabu. [
28 Wa gholla kitaab taxaggaga,
“Misilla jaawraam taxassaba.”]a
29 La xelfatta gabey xanagilom nakaanako wa laqughardo ittu wa liblo,
“Inta la haykal taxanfis wa it salas miqil tnaddighghu,
30 nafiska najje wa minna saliib tkarre!”
31 Qabayila kahana ma,
misilla maémratta shariqat,
“Litmalhaw ittu qalaw biqidaam laánaggif laakiin nafsu igil laángif iighaddir.
32 La Masex,
Malik Israíil minna saliib litkarre ikkum inde reéna igil niíman.”
Wa la serghat lamisilu silubaam qalaw ma,
litqaayoru qalaw.
Mot Yassoq
33 Wa dolla addihir la ardat killa tsilmat labsat asik saaqat salas.
34 Saaqat salas Yassoq ib kirin wighghil tsarxa,
“Iluye,
Iluye,
lama shabaghtaani?”
Bahalat,
“Ilaahi,
Ilaahi,
igil mi hajarkanni?”
35 Galela qefyat illi waan samqaw belaw,
“Attansu,
Nabi Ilya laádhe halla!”
36 Xare,
orohom saqa wa asfanji kamrat maalxat malá wa ib mora habayutu igil liste,
wa bela,
“Tsabbaro igil niré Ilya inde matsá min karriyu.”
37 Laakiin Yassoq tsarxa wa jibaabatu attanfasa.
38 Wa sitaaratta haykal min laqaala asik taxaata sadtdtarat.
39 Wa ghayidda miít la ghiblaatu baadtir qala wa kaho kim mota raá,
bela,
“Ib yaghiin,
illi inaas Wad Rabbi tu!”
40 Wa anis qalaya min nasaafat lattaghaabla.
Wa minan Maryam Al Majdaliya,
wa Saaloma,
wa Maryam im Yaqghub la nuúsh wa Yusi.
41 Diib Al Jaliil waghit qala talayaahu wa kadmayaahu.
Biqidaat bizxaat asik Orshiliim qaghlolaya goru.
Ghabiir Yassoq
42 Kim masa wa jimqat diilahom igil sabit shaágat
43 ka Yusif Araami matsá wa hitu min anfaar majlis Yahud la immuraam wa minna mamlakat Rabbi litstsabbaru qala.
Ka batka wa asik Bilaadtos daggaxa wa ginaazat Yassoq dtalba minnu.
44 Ka Bilaadtos tfakkara it dol kim mota,
ka la ghayidda miít tlaaka wa saálayu min waghit maayit min laqale.
45 Bilaadtos la kabar minna ghayid xagho rakba igil Yusif ajjaza ginaazat Yassoq igil linsá.
46 Ka kafan zaaba wa la ginaazat minna saliib harbaba wa kaffanaya wa diib ghabir it gixraay ghifur ghabraya wa itta affa ghabir imin dargaga.
47 Maryam Al Majdaliya wa Maryam im Yusi maghbaaru alelaya.