La Aati Sirgul
11
Yassoq wa darasaahu Orshiliim waan shaágaw wa Betfaaj wa Betqanya laghirub Dabir Zeytun batsxaw,
Yassoq kilót minna darasaahu ghadamehom laáka
2 wa belayom,
“Asikka digge laghiblaatkum giiso wa kim atekumu inintu,
hilkiib isur oro laíitstsaqanayu igil litsnaxakum tu.
Fitxiwu wa insar amtsuwu.
3 ‘Igil mi kiínna waddu,’
min liblukum,
‘Molaay taxaggaza ittu wa azetaay igil liblassu tu,’
bolom.”
4-5 Wa tbaggasaw wa la hilkiib isur tsanxayom jafarra mangaát la shaareq tagannex.
In fattixwu gale addaam laítta akaan badtro qalaw saálawom,
“Mi twaddu?
La hilela,
igil mi tfattixwu hallekum?”
6 Ka la Yassoq bellom ta belawom ka linsuúwu xadgawom.
7 La hilela asik Yassoq gelalaw,
lababbisom kaaraw ittu wa Yassoq tsaqana.
8 Addaam bizxaam lababbisom maadadaw itta gabey wa gale qaghshun igil libaatko minna girah gesaw.
9 Ghadmehu wa girraahu addaam aseraraw inde lahoru,
“Rabbi,
la ib simet Molaay matstsí,
libaarik!
10 Rabbi mamlakat abuna Daawid lasiít lidxar.
Xamde igil Rabbi it qasattir.”
11 Xagho Yassoq Orshiliim kaayada,
xarratta haykal ata wa killu sinaq qatghaamata.
Minnaata jalla la waghit dingur qala,
asik Betqanya qaghbala misilla darasaahu la Qasir Kilót.
Yassoq Tiinat Lilqin
12 Wa fajrata min Betqanya waan fagraw,
Yassoq sifruy qala.
13 Min ghiblaat qiccat tiin ghadtaafit raá ka tiin min ba igil lignax gesa.
Minnaata xatte iirakba jalaab xiin tiin yiqala.
14 Ka Yassoq igilla tiinat belaya,
“Oro fire iiliblaq minki asik diima damayin.”
Wa la darasa sammaquwu qalaw.
Digna Sabbaaba Haykal
15 Orshiliim xagho batsxa,
Yassoq la xarratta haykal ata wa la mazbiyat wa mazzaabyat minna xarrat igil laáfgir astabda.
Wa dtaraabizza serfat kanaafala wa karaasila mazbiyatta katarri.
16 Yassoq ibba xarratta haykal baqal giraab yixaalafa.
17 Wa laqallim qala wa libil,
“La kitub libil,
‘Bechche bet qibaadat tissamme igil killu gabiil.’
Wa intim ‘mixbaq serghat’ wadekuma.”
18 Qabayila kahana wa maémratta shariqat Yassoq labelayu samqaw wa igil lightolu sattataw.
Laakiin farrihiwu qalaw sabbat la adrasotu la maxaabir qajba.
19 Miseta,
Yassoq wa darasaahu minna madinat fagraw.
Xiilat Emaan
20 Tsibbixiita la darasa ibba tiinat in laxalfo kaw inde yabsat tsanxattom.
21 Budtrus Yassoq igilla qiccat labelayu faghada wa bela,
“Ginax,
wo Qaalim.
La qiccat laíla ragamka,
yabsat.”
22 Yassoq igilla darasa,
“Ib Rabbi imano,”
belayom.
23 “Ib amaanye,
baqal emaan saabit igil illi dabir ‘Naghghal wa itta baxar dargag,’
min libillu,
labelaya,
tgabbí.
24 Ka iblakkum halleko diib daqakum ladtallubu kim rabkumu imano wa killu naaykum tu,
emaan min bikum.
25 Ka akilla igil tiddaqaw badtarkum,
lasaxataw itkum igil taqaffu bikum,
illa min waddu,
Abukum la qastaraay zinubkum laághaffir ikkum.a
Imtaxaan Sildtat
27 Ib xadiis Yassoq wa la darasaahu asik Orshiliim qaghbalaw.
Wa diibba haykal in gayis,
qabayila kahana wa la maémratta shariqat wa la merxat matsaáwu
28 wa saálawu,
“Illi wadaddit,
ib mi xagh waddiyu halleka?
Min tu illa sildtat lahabekka?”
29 Yassoq balsa,
“Seélaay igil issaálakum.
Min ballusu,
la xagh laílli wadaddit iwadde bu min aya kim rakabkuwu assiílakkum.
30 Min tu laígil Al Maqmadaan xagh taqmiid lahaba?
Rabbi ma,
aadami wabas?”
“Bilaso!”
31 Fikirom addaawaraw wa igil ayxid belaw,
“Igil Yuxanna Almaqmadaan,
Rabbi la xagh habayu igil niibalu yiínghaddir.
Min imbil,
Yassoq igil lissaálanna tu,
‘Ka igil mi yaámankumu?’
32 Wa min inkir biqid,
la addaam Yuxanna nabi laxassubu,
ka la xaghgha taqmiid aadami ledta habayu tu igil niibal yiínghaddir.”
(Illi ibba farhatta addaam belawu.)
33 Wa igil Yassoq,
“Iinámmir” belawu.
Yassoq balsa,
“Ka ana ma,
la xagh lahabenni igil ila iwaddiyu igil ide yaássiílakkum.”