Xidgo
10
Yassoq la aakaan laha xadga wa asik modaay Jahuza gesa wa asik maqaddey Baxar Ordon la kenaay taqadda.
Ib xadiis addaam bizxaam jammaqaw ittu wa adrasayom kim lamadu.
2 Gale Farisiyiin matsáw wa saálawu,
“Biís issiitu igil lixdag,
xalaal tu?”
Illi saál illi igil lijarrubu saálawu.
3 Hitu saálayom,
“Musa ib mi ammarekum?”
belayom.
4 Hitom belawu,
“Musa igilla biís samxa shahaadat sirxa igil lahab igilla issiitu wa igil lissaarxa.”
5 Yassoq balsa,
“Jalla tsinqe albaabkum tu la Musa illi ghaanun katba ikkum.
6 Laakiin it salif kaligh,
tabqat wa anis manayom.
7 Jalla illi,
inaas immu wa abuhu litfante wa misil issiitu lilxim
8 wa kiliítom xatte ganobat gabbaáw,
xatte ganobatiit.
9 Ka Rabbi lasafayu,
aadami igil lishrammu alabu.
10 Itta bet dol attaw la darasa ib xadiis ibbilli saálawu,
11 Ka hitu balsa,
“Issiitu lalxaddig wa biqidat lalhadde,
it raása zana.
12 Wa hita min titxaddagu wa inaas biqid min tithaddey,
zaanyeyit ta.
Yassoq Ajanniit Lidxir
13 Addaam sarrom ajanniitom amtsaáw ilu igil litamtimom laakiin la darasa naharawom.
14 Yassoq illi dol raá,
itta darasa xargha wa belayom,
“La naáyish limtsuúni xidogom wa iitikalkulom jallaab mamlakat Rabbi naay illom lamaslo ta.
15 Ib amaanye,
mamlakat Rabbi kim jina laíilitkabatta,
killu raásu iilaátiya.”
16 Xaghohu,
la ajanniit raafqa wa daxarayom idayu inde karre ittom.
La Raakib Batsex
17 Yassoq inde litbaggas inaas asik saqa wa ghadamehu abraka wa saálayu,
“Qaalim sanni,
xayot diima igil iwuras,
mi igil ide biye?”
18 Wa Yassoq bela,
“Igil mi,
‘Sanni,’
belkanni?
Sanni alabu imbal oro Rabbi.
19 Inta la wasaaya taámmirra:
‘iitightal,
iitizne,
iitisragh wa ib xassat iitishhad,
iitighshash,
imka wa abuka xashshim.’”
20 Ka la inaas balsa,
“Illa wasaaya min niíshshe dtayqakuwa.”
21 Yassoq ganxayu wa fatayu.
Ka belayu,
“Xatte sanqat naaghsatka hallet.
Killu labikaatu igil taázbe bika wa igilla xaaglaam igil tikaafillu bika.
Wa xiriz diib jannat igil lahalle ikka tu.
Wa asaru naqa wa tilenni.”
22 Laakiin la inaas,
illa zaqat dol samqa,
ghammada wa gihi inintu taxayaba jallaab maal bizox qala ilu.
23 Yassoq itta darasaahu twallaba wa belayom,
“Akil ayi kabbid igil sab malla mamlakat Rabbi igil lítaw.”
24 Ka la darasa itta zaqat taxayyaraw.
Ka ib xadiis Yassoq belayom,
“Wilaajje,
kafo kabbid mamlakat Rabbi igil tiíte.
25 Gamal ib mifraagh shomat min latte ghallil min baqal maal jannat laátte.”
26 La darasa marra taxayyaraw wa igil ayxid,
“Min igil lidxan ghaddir?”
belaw.
27 Yassoq ganxayom wa bela,
“Misil addaam illi laíigabbí tu,
minnaata misil Rabbi iiko.
Misil Rabbi killu gabbí.”
28 Budtrus igil lithaage ambata wa bela,
“Iititrassaq.
Xina kil gabá kim xadagna wa talenaaka.”
29-30 Yassoq bela,
“Ib amaan,
jallaaye wa jalla injiil bet aw xaw aw xawaat aw im aw ab aw ajanniit aw midir lalxaddig,
miít qidtfu rakkib aze ittilla iddinya abyaat,
xaw wa xawaat wa immaat wa willaad wa midir wa misilu ma matkalaabaat wa it alaakra xayot diima.
31 Laakiin bizxaam salif lahallaw,
xar igil ligbó tu wa la xar ghadam.”
Nubuwat Ib Mot
32 Itta gabey asik Orshiliim in fagraw,
Yassoq ghadamehom laherir qala.
Wa la darasa asarehu wa xiyuraam wa la telyat faarhaam qalaw.
Ib xadiis,
Yassoq la Qasir Kilót nasá wa shannaka ibbom wa ibba igil lijre iilu tu assaálayom.
33 “Aabretkum,
xina asik Orshiliim igil nifgar tu.
Wad Aadami it ide qabayila kahana wa la maémratta shariqat igil litkarre tu.
Wa ib mot igil lixkomu ittu tu wa la Romaaniyiin igil lisallumu tu
34 igil littarjago wa igil lidtfaw ittu tu wa igil likarbuju wa igil lightolu tu.
Laakiin,
xahgo salas amqil igil lighnats tu.”
Xizit Yaqghub wa Yuxanna
35 Yaqghub wa Yuxanna wilaad Zibedi asik Yassoq matsáw wa belaw,
“Qaalim,
lanxazziyu minka igil tide inna naxazzeka hallena.”
36 “Mi igil ide ikkum taxazzuni hallekum?”
belayom.
37 “It xabanka misilka igil nitgasse ajjizinna,”
belawu,
“orona it dimmaanka wa la oro it diggalabka.”
38 Yassoq balsa ittom,
“Intim lataxazzuwu hallekum iitáamro.
Min siitoye sattu tghadro wa la zallim ichche igil lizlam itkum duluyaam intim?”
39 Hitom,
“Aywa,
duluyaam xina,”
belawu.
Wa Yassoq belayom,
“Liíriya jirbat igil tiráw tu wa la zallim ichche matsitsat igil tizlam itkum tu.a
40 Laakiin min it dimmaanye litgasse wa min it galabye,
milikye iiko,
laakiin milikka laígilom daala tu.”
41 La qasirra darasa la biqidaam illi dol samqaw,
sanni xarghaw min Yaqghub wa Yuxanna.
42 Yassoq laakayom wa bela,
“Intim taáamro illom laxikkaam umam xina liblo litsaladto ittom wa sab sildtat sildtatom maarso ittom.
43 Laakiin it fingekum kiínna igil ligbá iiko.
It fingekum,
wighghul igil ligbá lalxazze,
kedmaaykum igil ligbá bu.
44 Wa merxaay igil ligbá lalxazze,
gabir killu igil ligbá bu.
45 Jallaab Wad Aadami ma igil litkaddam iimatsá,
igil likdam indiiko wa nafsu kim fiza igil lahab igil bizxaam.
Saaraay Qiwur
46-47 Wa it Qarixa matsáw.
Wa itta,
inaas qiwur wa remghaay qala.
Wa itta jafarra gabey rammigh nabra.
Wa la qiwur,
Baartimaawos litbahal qala,
bahalat Wad Timmaawos.
Wa la qiwur Yassoq kim matstsí halla samqa.
Wa Yassoq wa darasaahu wa la maxaabir min Arixa fagro qalaw,
Baartimaawos tsirxaat amabata wa bela,
“Wo Wad Daawid,
raxamanni !”
48 Wa bizxaam atqagabawu,
“Iizam !”
inde libulu,
laakiin hitu tsirxaatu wassaka,
“Wo Wad Daawid,
raxamanni!”
inde libil.
49 Yassoq badtra wa “Tlaakawu,”
bela.
Ka la inaas qiwur laakaw,
“Xidtar,
ghinats.
Litlaakeka halla,”
inde libulu.
50 Jibbatu wagra wa kartaf bela wa it Yassoq matsá.
51 Yassoq saályu,
“Mi igil ide ikka taxazzenni halleka?”
belayu.
La inaas la qiwur bela,
“Qaalim,
igil ireé xazze halleko !”
52 Yassoq bela,
“Giis ikka,
emaanka saareka.”
Agiid raáyatu rakba wa itta gabey taalayu inde gayis.