Litsxe Ghabat
7
Amqil xatte,
gale Farisiyiin wa maémratta shariqat min Orshiliim asik Yassoq matsáw.
2 Wa galela darasaahu idayom kimma nabaari farriddu inde iilaxatsbo inde balloqo raáw,
3 (bahalat Yahud wa ib fintuy la Farisiyiin idayom ib xifin maay shimuya inde iilaxatsbo iiballoqo wa illi nabaari abawom fardawu tu.
4 Kimsalehuma la Yahud min sug dol laqaghablo iiballoqo asik idayom it maay iitarghashaw.
Illi orola nabaari laxadtadtawa tu kim agirbat billoqom wa siitahom wa absholotom wa magaasiit billoqom.)
5 La Farisiyiin wa la maémratta shariqat Yassoq saálaw,
“Darasaka,
igil mi afittaxat qabayiina iitallu?
Aabretka ib iday najjis balloqo hallaw!”
6 Aserehu Yassoq balsa,
“Wo manafighiin!
Nabi Qashqiyaá sanni tnabá itkum dol bela,
‘Illi sab illi ib affuhom laxabbinuni laakiin albaabom rayiim minye ta.
7 Qibaadatom walat xassat ta.
Lamaden addaam tallu badal shariqacheche,’
bela.
8 Intim fiina Rabbi tiwagro wa qaadat addaam tallu.
9 Intim it lakif fiina Rabbi wa xadtadtot qaadaatkum min badrakkum?
10 Sabab Musa bela,
‘Imka wa abuka xashshim’ wa ‘It immu wa abhu ikkuy lalithaage igil litghattal bu.’
11 Laakiin intim tiblo,
‘Aadami waaldenu min iisadde ib mismisa ghorbaan,
qawajat alabu' b
12 Ibbilli min sadayit waaldenu tkariqiwu.
13 Intim wasiyit Rabbi maqanat alaba twaddiwa hallekum ib ghawaniinkum ib baddalota wa illi orot min bizxaam tu.”
14 Xaghohu la maxaabir laaka wa bela,
“Kilkum attansuni wa fahamo.
15 Ib af asik kabid lalátte,
aadami iilaáfassid.
Laláfassiddu minna libbu lalitfarrar tu. [
16 Lasamqakumu,
it maqaal awqulu,”
bela.]
17 Yassoq diibba bet kim ata xagho la maxaabir xadga,
la darasa saálawu ibba maqanatta masil.
18-19 Wa Yassoq,
“Intim ma,
iitifhimo?
Iitámro ib af kabid lalátte aadami kim iilaáfassid sabbat lib iibatstsex wa ib shin faggir?”
belayom.
Ibbilla higya Yassoq killa nabra xallala.
20 Wa belayom,
“Min aadami lafaggir tu lalaáfassidu.
21 Min ghabat aadami min lib kil shar litfarrar:
fikir shar,
fisigh,
sirrigh,
ghatil,
22 zina,
mahraf wa ikkiit wa ghash wa shahawat wa xasid wa atfaadxot wa kibir wa maglal.
23 Illa killa shirur min jiwa tfaggir wa hitata la aadami taáfassid.
Imaan Issiit Yunaniyat
24 Min ken ghantsa wa asik ajfur Sur gesa.
Wa bet ata wa addaam igil laámuru yaxaza.
Laakiin igil lissattar iighadra.
25 Wa issiit walatta laniísh rox najjis lamaalka qalat,
kim samqat ibbu,
ib shafaag matsát wa it igaru wadghat.
26 Illa issiit Yunaniyat min Fanshiya min Surya qalat.
Ramghattu igil min walatta la rox la sharrir liddaagan.
27 Hitu bela,
“Ib salif,
la ajanniit igil litsgabo bom jallaab nabrala ajanniit igil aklaab igil titwaggar,
xagh iiko.”
28 Ka la issiit balsat,
“Aywa,
Mamba.
Aklaab ma,
widdaghgha ajanniit min xan dtarabezat balleq.”
29 Ka belaya,
“Jalla illi belki,
igil tiigiisi tghadri.
Rox la shar minna walatki fagra.”
30 Bet dol qaghbalat,
la jinat it qaraat ikririt tsanxatta wa la rox lanajjis inde fagra minna.
Siraay Wa Mistinkir
31 Min Sur fagra ib gabey Sayda asik Baxar Al Jaliil inlaqaghabbil ibba gabeyya Qasir Madinat.
32 Inaas tsimum wa ligum amtsáwu wa igil idehu likre ittu ramghawu.
33 Minna maxaabir shanka ibbu wa cibqitu diib iznu kara.
Xagho it idehu dtafá wa nissaalu tamtama.
34 Sama ganxa wa ib xiilat hanfá “Ifaata!”
bela,
bahalat “Fitax!”
35 Bagiidaay iznu tkassatat wa nissaalu tfakkaka wa ib dtilugh tahaaga.