8
Itta waghit lahey min xad wa laqal maxaabir biqidaam jammaqaw wa la balliqiwu yiqala ilom.
Yassoq la darasa tlaaka wa belayom,
2 “La addaam arxamawni.
Igil salas amqil misilye qalaw wa aze nabrahom tkallasat.
3 Ibbahom min inaddaóm it gabey talfo wa galehom min rayiim matsáw.”
4 Ka la darasaahu belawu,
“Xina diib illa akaan kirmit kaafi raghiif min aya igil naámtsí igil killu illi addaam?”
5 Saálayom,
“Kam raghiifat bikum?”
Ka “Saboq,”
belawu.
6 La maxaabir igil laátgassu ammara.
La saboq raghiifat nasá.
Xagho Rabbi xammada,
la raghiif faraatata wa igilla darasaahu haayyabayu,
la addaam igil lahaaybo.
Ka kimsalhu wadaw.
7 Galetaay samak ma naáyish qala iglom.
Xagho Rabbi xammada igilla darashu haayyabayu igilla maxaabir laxarribo.
8 Killom tsagbaw wa tirraf xadgaw,
saboq giffat faayxaat milaát harrasaw.
9 Qarbaq alif inaas lagabó balqaw.
Xaghohu Yassoq nadáyom
10 xare agiid itta markab qarga misil darasaahu wa asik qaghliim Dalmanuta gesaw.
Dtalab Farisiyiin wa Khamiiratom
11 Xare,
Farisiyiin matsáw wa tkaxadawu wa qaalamat min sama dtalbaw minnu igil lamtixuna.
12 Wa hitu dighghub attanfasa it roxu wa bela,
“Illi gim,
igil mi qaalamat dtallib?
Ib amaan,
qaalamat igil tithayabakkum iiko.”
13 Xare,
tarkayom wa itta markab qarga wa asikka maqaddeyya baxar la kenaay taqadda.
14 La darasa raghiif igil linsaó trasaqaw ka raghiif yiqala mislom itta markab imbal xatte raghiifat.
15 Yassoq,
“Daggago min kamirat Farisiyiin wa kamirat Hiridos,”
belayom.
16 La darasa igil ayxid belaw,
“La sabab la illi bela ibbu raghiif kim yahalla inna jallaab amara tu?”
belaw.
17 Yassoq illi amara ibbu,
ka belayom,
“Igil mi ib raghiif tithaagaw hallekum?
Asik illa iireékum wa iifahamkum?
Albaabkum tsanqat?
18 Qintaat bikum laakiin iitirú,
izan bikum laakiin iitsammaqo ma iitfaghdo?
19 Dolla xamis raghiifat fingela xamis alif kaafalko,
kam jambiil milaám min tirraf harraskum?”
“Qasir kilót,”
belawu.
20 “Wa dolla saboq raghiifat fingela qarbaq alif kaafalko,
kim giffat harraskum?”
“Saboq,”
belawu.
21 “Ka xagho illi kaáfo iitifhimo?”
Shifa Qiwur
22 Yassoq wa darasaahu asik Betseyda gesaw wa itta inaas qiwur amtsáwu wa igil litamtimmu ramghawu.
23 Wa ib idehu nasáyu wa minna digge fagra ibbu wa itta qintaatta inaas dtafá wa idayu kara ittu wa saálayu,
“Tiré halleka?”
24 Qintaatu rafqa wa,
“Addaam iré halleko laakiin qicey gayis maslaw hallaw,”
belayu.
25 Ib xadiis Yassoq itta qintaatu idayu kara ka illa waan illa fazza,
wa raáyu qaghbalayu wa ib baarih igil liré ghadra.
26 Ka betu nadáyu wa,
“La ghariyat iitiíte,”
belayu.
Shahaadat Budtrus
27 Yassoq misil darasaahu asikka diggetaat la ghirub madinat Ghaysaria Filibi gesaw.
Itta gabey Yassoq la darasaahu saála,
“Addaam,
min ana liblaw,”
belayom.
28 Ka belawu,
“Gale,
Yuxanna Al Maqmadaan inta liblo,
wa gale Nabi Ilya,
wa gale oro minna nabyaat.”
29 Ka saályom,
“Wa intim,
min ana tiblo?”
Budtrus inde ballis,
“Al Masex inta,”
bela.
30 Ka Yassoq ibbilli oro igil iilaássiílo adaggagayom.
Mot wa Ghaniits Yassoq
31 Yassoq darasaahu ibba jarre illu igil laássiílom ambata,
“Wad Aadami jirbat bizxit igil liré bu.
La merxat wa qabayila kahana wa maémratta shariqat igil liíbawu tu wa litghattal tu wa xagho salas miqil igil lighnats tu,”
belayom.
32 Illi ib baarih belalyu ka Budtrus bannu nasáyu wa atqagabayu.
33 Laakiin Yassoq twallaba wa la darasaahu ganxa wa Budtrus atqagaba,
“Inta Ibliis!
Rimanni,”
belayu.
“Ib sinaq Rabbi iititxassar imbal sinaq addaam.”
34 Xaghohu,
la addaam wa la darasaahu xibar laaka wa belayom,
“Ayi nafar igil litlenni min laxazze,
nafsu igil litbarre wa saliibu igil lirfaq wa litlenni bu.
35 Nafsu igil linajje laxazze,
kasirra.
Wa nafsu jallaaye wa jalla injiil lakassir,
kassibba.
36 Aadami iddinya killa min kassib wa nafsu min kassir,
mi naffoqu?
37 Aadami nafsu,
ib mi lizzaabaya?
38 Ayi aadami lakajjil ibbiye wa ibba liíkachche fingela sixit wa dtaalim gim,
Wad Aadami igil likjal ibbu tu amqil ib xaban Abuhu matsí misil malaíkat ghiddusaam.