Yassoq Inaas Laxarrir Min Shawaadtiin
5
Asik midir Jarasiyiin taqaddaw itta maqaddeyya baxar la kenaay.
2 Yassoq minna markab figir kim bela minna migibba qaghbir inaas shawaadtiin maalkaamu matsáyu.
3 Illi inaas illi migib qaghbir nabbir qala wa oro igil liísarru ghaddir yaqala,
ib salaasil xatsiin ma ligbá.
4 Wa hitu la qaghyud baatik qala wa la salaasil la addaam ghaayudu ibba ghaaric qala.
Wa oro igil limlaku ghaddir yaqala.
5 Amqil wa laali fingela qaghbir wa diibba xaslat laángoge nabra wa litsaarax wa nafsu ib iman jaarex qala.
6 Minnaata Yassoq min rayiim kim raá asku saqa wa it igaru wadgha.
7 Wa ib kirin wighghil tsarxa wa bela,
“Yassoq Wadda Rabbi La Wighghul,
mi bika goye?
Ib Rabbi iramghaka halleko iitaqazibanni !”
8 jallaab Yassoq igilla shedtaan igil lifgar ammarayu,
“Inta rox najjis minna inaas,
awalwil!”
belayu.
9 Wa Yassoq saálayu,
“Minta simetka?”
Ka balsa,
“Simechche desh ta,
jallaab xina bizxaam gabána.”
10 Wa sanni ramghayu igil minna midir lahey iilidaagannom.
11 Wa itta karerra dabir la ghirub,
kanaaziir waasqat titwaqal qalat.
12 Wa la shawaadtiin ghirxaam igil Yassoq ib killa xiilatom ramghawu wa belawu,
“Asik leha kanaaziir daagananna itta igil niite.”
13 Ka Yassoq ajjaza iglom ka la shawaadtiin la sabba shar minna inaas fagraw wa itta kanaaziir ataw.
Ka la kirraamma kanaaziir minna os itta baxar shakta wa targha.
Wa la qilibba kanaaziir ghirub kilé alif qala.
14 Minnaata la mawqilatta kanaaziir sakaw wa igilla itta midir lahey laqalaw addaam it qad wa it kadan ibba gabá assaálawom.
Wa la addaam igil liráw matsáw.
15 Wa it Yassoq matsáw.
Wa la inaas la shawaadtiin la najsat maalkatu qalat giisuy wa laabis wa faadtin inintu raáwu ka farhaw.
16 Wa la raáw assaálawom itta inaas la shawaadtiin maalkaamu qalaw la gabá wa ibba igilla kanaaziir jara.
17 Ka la addaam Yassoq minna midirom igil ligqaz dtalbawu.
18 Yassoq itta markab inde laqarrig la shawaadtiin lamaalkamu qalaw inaas millihiyot ramghayu.
19 Laakiin Yassoq iiyajaza iglu wa belayu,
“Asik betka qaghbil wa Molaay akil ayi kim wada ikka addaam assiíl wa kim kafo raxmeka,”
belayu.
20 Ka gesa wa itta Qasir Madinat ibba Yassoq lawadayu iglu ib tamaamu tahaaga wa nashra.
Wa killu taqajjaba.
Qaghnatsot Walat Min Mot Wa Shafi Issiit Baqal Naziif
21 Yassoq ibba markab itta maqaddayya baxar la kenaay dol taqadda,
addaam bizxaam kallalawu diibba kataay inintu.
22 Ka orot minna qabayila maqabad matsáyu wa simetu Yaris qalat.
Yassoq dol raá,
it igaru wadgha.
23 Wa ib xiilat ramghayu wa bela,
“Walachche la niísh ghirub mot hallet ka inde matsáka ideka min karre itta wa tishaffe wa taxaye.”
24 Ka Yassoq gesa mislu.
Wa addaam bizxaam laqaroruwu wa laqashlo ittu qalaw.
25 Wa issiit qalat wa dama inde litghaadtar qasir kilé sanat kalát.
26 Wa min xakayim taqabat wa killu maala waxet wa xatte iinafaqaya wa sanni aket ma.
27 Wa dol ib Yassoq samqat min miraxaru matsát wa jibbatu tamtamat.
28 Sabbat misil nafsa belat,
“Jibbatu ma,
igil itamtim min ighaddir,
igil ishaffe tu.”
29 Ka minna naziifa agiidaay xayet.
Wa it garoba qaafyat sammaqata.
30 Wa Yassoq xiilat kim fagrat minnu sammaqayu.
Katwaalaba wa saála,
“Mintu la jibbachche tamtama?”
bela.
31 Ka la darasaahu belawu,
“Inta tiré halleka killu illi addaam laqashlo itka.
Wa,
‘Min tamtamenni?’
tibil?
Min maslaka?”
32 Hitu laakiin waalaba mintu kiínna lawada igil liré.
33 Ka la issiit lagabá igla faghdat wa inde tirajjif asik Yassoq matsát wa ghadamehu abrakat wa la amaan assaálattu.
34 Ka belaya,
“Walachche,
emaanki adxaneki.
Ib salaamat giisi wa min ximaamki shaffey.”
35 Wa hitu inde lithaage,
luúkaam minna betta qabiila maqabad matsáw wa belaw,
“Walatka motat.
Igil mi la qaalim taqatqib halleka?”
36 Yassoq igilla higya illa izin yahabaya wa igilla abba walat belayu,
“Iitifrah.
Emaan wede ledta.”
37 Wa igil orot yaájjaza igil liítawu misilu imbal Budtrus wa Yaqghub wa Yuxanna xu Yaqghub.
38 Wa itta betta qabiila maqabad matsáw.
Wa Yassoq lafawdat raá wa la addaam mawqi wa tsiraar waddu qalaw.
39 Dol Yassoq ata belayom,
“Igil mi tu illi mawqi wa tsiraar?
Ka la walat sakkib hallet,
maaytat yahallet.”
40 Ka saxghaw ittu.
Wa hitu killom afgarayom wa mislu waaldenna walat wa la darasa lamislu matsáw ledta aata.
41 Wa ibba ideha tsabdtaya wa belaya,
“Dtalisa ghumi!”
bahalat,
“Yahey waletat,
ghinatsi!”
42 Ka agiidaay la walat ghantsat wa herarat (wa qimra qasir kilé sanat qala.)
Wa la diibba akaan laqalaw sanni taqajjabaw.
43 Wa Yassoq ib sidud ammarayom ibba wadayu igil orot iilitlaxaw.
Wa,
“La litballaq hoba,”
belayom.