47
Wa Yusif asik Firqon gesa wa belayu,
“Abuye wa xawye min arid Kanqaan jammaqaw misil qadtaalom wa qabaagqom wa xahom wa killu la ilu bom wa aze hitom diib Jaasaan hallaw.”
2 Wa min xawu xamis xara wa asik Firqon xaadarayom.
3 Ka Firqon saálayom,
“Mi tu serkum?”
Ka balsaw,
“Kedmatka mawqilat qabaageq xina kimma abawna qalawa.
4 Ka insar gale igil niklá matsána sabab la safra diib Kanqaan kelim hallet.
Wa igil qabaageq kedmatka mishifaal yahallet.
Ka igil kedmatka diib Jaasaan igil naámaskib radaaka nitrajje.”
5 Ka Firqon igil Yusif belayu,
“Abuka wa xawka xadrawka.
6 Arid Masir killa xanteka ta.
Diibba xesat ikka akaanat attamaskibom diib Jaasaan kirayom.
Wa marashdaay min taámmir ittom niwaaye amminnom.”
7 Wa xare Yusif Yaqghub abuhu asik Firqon xaadara ka Yaqghub Firqon daxara.
8 Wa asaru Firqon Yaqghub saála,
“Qimirka kam tu?”
9 Ka Yaqghub it Firqon balsa,
“Qilib sanotaat qatiibye 130 sanat tan.
Xidaat wa sidudaat tan wa sanotaat qatiib abawye iitisaanan.”
10 Wa xaghohu Yaqghub Firqon daxara wa taxayyaba minnu.
11 Ka Yusif abuhu wa xawu diib Masir askana wa arid mannaxayom diibba wajjabat diib mandtighat Raqamsiis kimma Firqon ammaraya.
12 Wa Yusif abuhu wa xawu wa killu qad abuhu mawana ib xisaab qiyaalom.
13 Wa la nabra diib killu la balad twaxet jalla safra caaghdtat qalat.
Wa Masir wa Kanqaan qabraya ibba sababba safra.
14 Wa Yusif killu la maal la diib Masir wa Kanqaan qala kabba gisaadda shirnaay la addaam zaabayu,
wa la maal it kazinat Firqon kaznayu.
15 Ka la addaam diib Masir wa Kanqaan maalom kim taxasxasa,
la Masriyiin killom it Yusif matsáw wa belawu,
“Nabra habanna!
Igil mi inimmayit taqaffenna halleka sabab maalna twaxa?”
16 Ka Yusif belayom,
“Maalkum wuxuy min halla,
niwaaykum sallimu gisaad nabra igil azbe itkum.”
17 Ka la niwaayom it Yusif jalbawu ka ib afrus wa qadtaal wa qabaageq wa xa wa adug nabra habayom.
Ka la sanat laha ib ghut mawalayom gisaadda niwaay killu.
18 Wa la sanat waghit xalfat,
itta sanat la asara matsáwu wa belawu,
“Mambaana,
mawxay maalna situr minka iikon wa niwaayna naayka gabá wa la taarfat inna alabu imballa basharna wa la aridna.
19 Igil mi in nitmaayat gannaxanna halleka?
Zaabenna misilla ardatna gisaad nabra ka xina wa ardatna baxaat Firqon ingabbí.
Wa zarí habanna igil nimbar wa mot naájle wa aridna qabaar iitigbá.”
20 Ka Yusif igil Firqon killa arid Masir zaaba jalla la Masriyiin killom girahom azbaw sabab la safra qaatsyatom qalat.
Ka la ardom intil Firqon gabá.
21 Wa Yusif shaqab Masir min gedaan it gedaan gabbara.
22 Laakiin aridda kahana iizaabaya sabab la kahana ittey saabit rakbo qalaw min Firqon wa ibbu litnaabaraw qalaw.
Sabbat illi ardom yaázbaw.
23 Xaghohu Yusif igilla shaqab belayom,
“Jallaab intim wa aridkum igil Firqon zaabekokum,
zarí nisó la arid igil tixiraso.
24 Wa la xaris xiin laátte,
xaamis ide igil Firqon tahaybo wa qarbaq ximisiit igilkum zarí igilla girah wa munat igilkum wa igil qaylatkum wa wilaadkum tigbá.”
25 “Arawexna angafka!
Alho waradeka itna mambaana wa agbir Firqon ingabbí.”
26 Ka illi ghaanun la Yusif qaghdayu asik yom litxakkam ibbu halla it Masir,
ximmisiitta ittey igil Firqon ta imballa aridatta kahana.
Hita milik Firqon yaqalat.
27 Illi kiínna iníntu,
wilaad Israíil diib mandtighat Jaasaan xadraw wa amlaak malkaw wa faraw wa qilbom agidda fashxana diiba.
28 Wa Yaqghub diib Masir qasir saboq sanat kalá wa 147 nabra.
29 Wa motu waan shaágat,
Yusif waldu adha wa belayu,
“Maqruf wide iyye wa iklaaska arénni.
Min radde ichche,
kim it Masir iitdafnanni maxal iyye.a
30 Min Masir nisánni wa misil abawye igil ighsan diib jamqahom ghibaranni.”
K48a Yusif,
“Kimma telkahu igil ide tu,”
belayu.
31 Ka Yaqghub,
“Xaalif iyye,”
belayu ka Yusif xaalafa ilu.
Ka Yaqghub raássa qaraatu sijud qibaadat sajda.