Yaqghub Asik Masir Ligqiz
46
Wa Yaqghub asik Masir gaqaza ibba butu killu.
Wa dolat Biír Sabaq batsxa,
karaamaat kaarama igil Rabbi Ilaah Isxaagh abuhu.
2 Wa Rabbi laali it xilim Yaqghub tlaaka wa belayu,
“Yaqghub,
Yaqghub.”
Ka “Qaabo,”
belayu.
3 Ka Rabbi belayu,
“Ana Rabbi ana Illah abuka.
Min magayis Masir iitifrah jalla diiba ummat simiit igil ideka tu.
4 Wa ana asik Masir igil idnan goka tu wa ib yighghun igil iblasakka minna tu wa Yusif igil lishaammaka tua.”
5 Ka Yaqghub min Biír Sabaq naghla wa wilaad Yaqghub abuhom wa qiyaalom wa ansom itta kaarotaat la Firqon igil mankasohom laákaya tsaqanaw
6 wa mislom niwaayom wa amlaakom la it arid Kanqaan rabxawa wa baak xid asik Masir matsáw.
7 Yaqghub goru asik Masir wilaadu wa wilaadom min tabqat wa anis,
bahalat ziryatu killa amtsá.
8 Wa illa asmaay wilaad Israíilb la asik Masir gesaw ta:
Ruábiin bikru tu.
9 Wilaad Ruábiin:
Aknuk wa Fallu wa Xaasir wa Karmi tom.
10 Wilaad Shamqun:
Yamuíil wa Yaamiin wa Uhad wa Yaakiin wa Suxar wa Shaúl (wadda Kanqaanayit) tom.
11 Wilaad Laawi:
Jarshun wa Ghahaat wa Maraari tom.
12 Wilaad Yahuza:
Qiir wa Unaan wa Shiila wa Faaras wa Zaarax tom.
Wa Qiir wa Unaan diib arid Kanqaan motaw.
Wa wilaad Faaras:
Xaasir wa Xaamul tom.
13 Wilaad Yaskaar:
Tulaaq wa Fawwut wa Yub wa Shamrun tom.
14 Wilaad Zabulun:
Saarad wa Iiyuliin wa Yaaxalíil tom.
15 Illom wilaad Liá la min Yaqghub diib Birur Aaraam waldattom tom tawsaak Diina walattu.
Ka qilib wilaadu wa awaaldu min Liá,
salaasa wa salas qala.
16 Wilaad Gaad:
Sifyun wa Xajji wa Shuni wa Asbun wa Qiiri wa Arudi wa Ariili tom.
17 Wilaad Ashiir:
Yimna wa Yishwa wa Yishiwi wa Bariiqa wa Saarax xittom tom.
Wilaad Bariiqa haye:
Xaabar wa Malkiil tom.
18 Illom wilaad Yaqghub la min Zilfa la Laabaan Liá walattu habaya tom wa qilbom qisir sis tu.
19 Wilaad Raaxiil issiit Yaqghub:
Yusif wa Binyamiin tom.
20 Wa Yusif diib Masir Manassi wa Afraayim walda it Asnaat walat Fudtifaaraq kaahin On.
21 Wilaad Binyamiin:
Baalaq wa Baakar wa Shabiil wa Jiira wa Noqmaan wa Iyixi wa Rush wa Mafiim wa Xofiim wa Arad tom.
22 Illom wilaad Raaxiil la Yaqghub waldayom itta tom.
Wa qilbom qasir qarbaq tu.
23 Wa wad Daan:
Xushiim tu.
24 Wilaad Naftaali:
Yasíil wa Juni wa Yasar wa Shillim tom.
25 Illom wilaad Yaqghub it Bilha la Laabaan igil Raaxiil walattu habaya waldayom tom.
Wa qilbom saboq tu.
26 Ka qilib ziray birik Yaqghub la asik Masir gesaw baaku,
sissa wa sis qalaw wa illi imbal qallabot anis wilaadu tu.
27 Tawsaak la kilót la wal la Yusif diib Masir waldayom ka kiínna qilib qaylat Yaqghub la asik Masir darraw goru,
sabqa aadami gabbií.
28 Wa Yaqghub ghadamehu asik Yusif Yahuza laáka gabey Jaasaan igil laxabbirru.
Wa waan mandtighat Jaasaan batsxaw
29 Yusif markibaatu watda wa asik Jaasaan twajjaha jallaab kabte Israíil abuhu.
Ka kim raáyu,
Yusif xaghfayu wa maddat sannet baka.
30 Wa Israíil igil Yusif belayu,
“Ana illa azeta igil mot duluy halleko sabab ib xiyaayka ininta ib qintaachche reékoka.”
31 Wa xaghohu Yusif igil xawu wa qaylat abuhu belayom,
“Asik Firqon inde gisko.
‘Xawye wa qaylat abuye la diib arid Kanqaan xaadraam qalaw asikye matsáw.
32 Wa la sab mawqilat qadtaal wa qabaageq wa xa tom wa la aslafaatom wa killu la bom tu amtsáw baakom,’
igil ibalu tu.
33 Ka dolat Firqon litlaakekkum wa lissaálakkum,
‘Mi tu serkum?’
34 ‘Agbirka min niíshna mawqilat niwaay xina kimma abawna qalawa,’
bolu diib mandtighat Jaasaan igil tixidaraw jallaab la Masriyiin mawqilat qabaageq gharraxo.”