Yusif Nafsu Ghalleq
45
Wa Yusif ghadam killom sheghyatu min bikaay nafsu igil litkal iikahala.
Ka dtarxa wa bela,
“Kil roy afgiro min insar.”
Ka mislu nafar yaqala dolat kim hitu tu xawu atámara.
2 Wa ib kirin daamghat qangara.
Ka la Masriyiin samqawu wa la kabar it daar Firqon tlela.
3 Wa Yusif igil xawu ib higyaahu belayom,
“Ana Yusif ana.
Abuye lissaq it wad wallaqal halla?”
Ka harakat karret ittom jalla misil Yusif gats wa gats gabáw ka min baliis ittu tlaggamaw.
4 Ka Yusif igilla xawu,
“Shaáguni,”
belayom ka gharbawu.
Ka belayom,
“Ana Yusif xukum la shankat Masir azbekumu ana.
5 Wa aze iitxisaraw wa iyye azbayotkum gats insar iilitággam itkum sabab Rabbi ghadamekum nadénni jallaab atrafot arawex.
6 Wa la safra ittilli arid kilót xol ba wa xamis xol tarfawa wa xaris igil lahalle iiko wa batiik.
7 Wa Rabbi ghadamekum nadénni igil itta midir naafraay lixidag minkum wa xayotkum matqattaagh iilibulu igil liqitaghakum.
8 Ka intim iiko la asik inze laákkuni,
Rabbi indiiko.
Hitu tu la gemyaay Firqon wa mamba daaru killu wadenni wa arid Masir ib gidiida xanteye adoraya.
9 Ka agiid asik abuye qaghbilo wa,
‘Yusif walka kiínna liblakka,
“Rabbi mamba arid Masir ib kamaala wadenni.
Ka naqa wa iitaxaragrig.
10 Igil it qaghliim Jaasaan tixidar wa igil titgaawaranni misil wilaadka wa wilaadom wa qadtaalka wa qabaageqka wa xaaka wa killu maalka.
11 Diibu igil itwalleka jalla la joq xamis sanat biqidaat igil laáttalale tu.
Min tissarrar,
inta wa qaylatka wa niwaayka it talaaf igil titkaaraw tu.”’
12 Wa illa intim tirú wa Binyamiin xuye ma,
ana kim tu la ithaagekkum halleko.
13 Abuye assiílu ib killu la xabanye it arid Masir wa la qinkum reéttu.
Wa amtsót abuye asik insar ashfigo.”
14 Wa asaru Yusif wa Binyamiin it xid xalgo wa bakaw.
15 Wa Yusif la xawu la biqidaam saaqama wa baka mislom.
La waan lahe la xawu igil linghomu abtakaw.
16 Wa kabar matsí xaw Yusif asik daar Firqon feragha ka Firqon wa sedyatu farxaw.
17 Wa Firqon igil Yusif belayu,
“Xawka matsqanom litsaqano wa ib shafaag asik arid Kanqaan litwallabo ikka
18 wa abuhom wa qaddom igil laámtsó iyye igil tsiddugh arid Masir igil habbom ib akyaraata igil litmattaqo.
19 Wa kaarotaat igil lithayabom min arid Masir taxabbarekka qiyaalom wa ansom igil litsqano itta wa abuhom igil amtsó mislom gats insar.
20 It niwaayaat iilithallago jalla ker arid Masir killa iglom tu.”
Qaghbalot Asik Kanqaan
21 Ka wilaad Yaqghub kimsalehu qamlaw.
Wa Yusif kaarotaat habayom kimma Firqon ammarayuta wa asefayom ma.
22 Wa igil ayiihomka libbaas xadiis albasa.
Minnaata igil Binyamiin salas miít xabbat fiddat wa xamis ghiyaar libbaas taghrayu
23 wa igil abhu,
qasir adig xiruyaam akyaaraat Masir misukaam wa qasir idgit ikil wa raghiif wa sefa misukaat.
24 Wa xare xawu saarxa wa in litbaggaso,
“Itta gabey iititheraro!”
belayom.
25 Wa min Masir asik Yaqghub abuhom diib arid Kanqaan sayyabaw.
26 Ka belawu,
“Yusif ib xiyaayu halla!
Teynaasaqatka,
hitu xaakim killa arid Masir gabá.”
Ka Yaqghub imbal arwex tkarra wa yaámnayom.
27 Xare la Yusif belayu killu dagmaw illu wa dol la kaarotaat la Yusif nadáya igil taámtsú raá,
arwex balsa.
28 Wa bela,
“Yighghun halleko,
Yusif walye xiyaay kim halla.
Ka inde gisko qin igil ikre ittu ghadam mochche.”