Xaw Yusif Diib Masir
42
Yaqghub Masir shirnaay bidiiba dol aamara,
igilla wilaadu belayom,
“Igil mi xid ghilic tiblo hallekum?
2 Ana Masir shirnaay bidiiba samqako.
Aska darraw wa shirnaay zaabaw inna igil xayot nirkab wa mot tisraranna.”
3 Ka qasir min xaw Yusif min Masir shirnaay igil lizzaabaw darraw.
4 Binyamiin xu Yusif laata,
Yaqghub misilla xawu iinadáyu sabab midirrat farha ittu.
5 Ka wilaad Yaqghub misilla gaysat Masir gesaw shirnaay igil lizzaabaw jalla arid Kanqaan ma,
safra qalat diiba.
6 Wa Yusif xaakimma balad wa matgaaysaayya zibela shirnaay igilla sabá killu qala.
Ka xaw Yusif waan matsáw,
dannaw ilu qagiitstsatom daamát ininta.
7 Wa Yusif xawu xiin raá,
farragayom wa laakiin kimma iilaámmirrom tmassala wa ib xishkibna saálayom,
“Min aya matsákum?”
Ka,
“Min Kanqaan matsána munat igil naátrib,”
balsaw ittu.
8 Yusif xawu lifarrig ma indi iiko hitom iifarragawu.
9 Xare Yusif la xalaamaat ibba kassisom taxallamaya ghabat tellu.
Ka belayom,
“Intim jawaasiis intim!
Intim la akaanaat la himilit diib baladna igil tituro matsákum.”
10 Ka belawu,
“Iiko mamba.
Xina agbirka ghut igil nizaabe jammaqana.
11 Xina kilna wilaad oro inaas xina.
Xina imunaam xina.
Agbirka jawaasiis yixina.”
12 Ka belayom,
“Abajá,
intim la akaanaat la himmijit diib baladna igil tixisaso matsákum.”
13 “Xina agbirka qasir kilót xu wilaad oro inaas diib ardat Kanqaan saakin xina.
Wa la niúshna baak abuna halla wa orona shitut tu.”
14 Ka Yusif belayom,
“La telkokum tu amaan tu,
intim jawaasiis intim.
15 Ib xayot Firqon,
intim min illa iitfagro asikka xukum la niúsh yaámtsákum wa ibbilli sidighkum tbarhino.
16 Orokum nidó igil laámtsú wa la biqidaam it xabis litákkabo ka sidighgha gholkum amtaxin.
Wa saadghiin min iitgabbó,
ib xayot Firqon intim jawaasiis intim.”
17 Wa killom salas amqil xabsayom.
18 Wa itta saalissa amqil Yusif belayom,
“La idtallibbu widaw arawexkum igil taángifo jallaab Rabbi itkallab.
19 Ka ib amaan aminaam min gabbó,
orokum insar diibba sijin litraf ikkum,
wa la biqidaam igilla qaddom la ghiúr la shirnaay laábtsaxo.
20 Minnaata la xukum la niúsh igil tamtsó iyye halla ikkum minna sidighgha gholkum igil ityaghghan wa min mot igil tidxano.”
Wa ittilla waafaghaw.
21 Wa igil xid belaw,
“Imbal shak,
illi jaza igilnaatu ib sabab xuna la it jirbat raénaahu wa hitu igil xayotu tkattallenna wa izin yahabnahu.
Jallaab illi,
aze xina it kirbat tkarrena.”
22 Ka Ruábiin belayom,
“Ana la xitsaan,
‘Iitijarró ittu,’
ibelakkum wa intim amshashkuni.
Ghatlu it raásna halla wa illa aze qidaay infadde hallena.”
23 Wa Yusif higyaahom kim fahama aamraam yaqalaw jalla ib tirjimaan lithaagayom qala.
24 Ka Yusif fagra minnom wa baka wa xare qaghbala wa tahaagayom wa Shamqun qadga minnom wa ghadamehom ghayadayu.
25 Wa Yusif agbiru agirbat xawu shirnaay igil limló ammarayom wa it kil orohom warghu diib qishiinatu igil liblaso wa sefa igil laásifiwom.
Ka kimsalehu wadaw.
26 Xaariit la xaw la shirnaay it adugom maskaw wa gesaw.
27 Wa igil litmayaw dol kaaraw,
orohom shiwaalu fatxa adgu igil laqallif ka la warghu diibba shiwaalu raá.
28 Ka igilla xawu belayom,
“Fiddachche balsaw ichche.
Illaata diibba shiwaalye hallet.”
Ka albaabom calghat wa xid fazzaw wa inde rajfo,
“Illi la Rabbi qamlayu itna mi tu?”
belaw.
29 Wa asik abuhom kim qaghbalaw diib arid Kanqaan,
la jara ilom xaakaw ilu wa belaw,
30 “La inaas la baqalla balad ib mashaagat tahaagenna wa ib jisisiinat did baladu tahamenna.
31 Ka imbellu,
‘Xina imunaam indi iiko,
jawaasiis yixina.
32 Xina qasir kilót xu wilaad oro ab xina.
La oro baadi tu wa la niúshna baak abuna halla diib Kanqaan.’
33 Ka balsa,
‘Ib kiínna tu la imunaam kim intim ityaghghan:
Orokum insar goye xidago wa la ghut nisó wa la qadkum la baayit abtsixiwu,
herro.
34 Wa xare la xukum la mináash jilabo iyye kim sab amaan wa iijawaasiis kim intim igil aamir.
Asaru xukum isalmakum wa diibba balad ib xuriyat sabbo.’”
35 Wa dol shiwaalaatom igil lifaddu astabdaw,
ayiihomka maxafazatu ib fiddata rakba.
Ka hitom wa abuhom maxaafizza agrush kim raáw,
sanni raghghaw.
36 Ka abuhom belayom,
“Ana ib sababkum min wilaajje taxarramko.
Yusif shitut wa Shamqun shitut wa aze Binyamiin igil tinsó taxazzu hallekum?
Killa la nasayib raáshshe batsxat!”