Tafsiir Xalaamaat
40
Wa girra maddat,
raíissa mastiyat Firqon wa raíissa maángiratu itta xaghgha mambaahom shakfaw.
2 Ka Firqon ittillom kilót shaghghalaay xargha.
3 Wa diibba daarra ghaayidda xaras xabsayom diibba sijin la Yusif xibus diibu qala nosu.
4 Wa ghaayidda xaras masúlom Yusif wada ka igil likdammom astabda.
Wa diibba xabis wikkudaam qalaw.
5 Wa kilíitom,
mastiyaay malik Masir wa la maángiraayu la xibusaam,
it xatte laali xilim taxallamaw wa xilim kaahiin tafsiiru qala ilu.
6 Wa Yusif kim matsáyom fajir it gham rakbayom.
7 Ka Yusif la kilót la shaghghalaay la xibusaam mislu qalaw saála,
“Yom agitstsatkum,
jalla mi cabaala?”
8 Ka balsaw ittu,
“Oronaaka xilim taxallama wa fassirru inna iitwajjada.”
Ka Yusif belayom,
“Rabbi tu la xalaamaat fassir ikkum.
Assiíluniitu.”
9 Ka raíissa mastiyat xilmu igil Yusif xaaka wa bela,
“It xilimye,
qiccat qinab ghadameye reéko.
10 Salas ghishin ba wa ghadtafa xiin baalaga,
la anyabba xawatsa wa la hardabba bashla.
11 Wa kaasat Firqon it ideye qalat ka la qinab nasáko wa camamkowu diiba wa igil Firqon la kaasat it idhu habkowu.”
12 Ka Yusif bela,
“Tafsiiru illi tu:
La salas la ghishin,
salas amqil tom.
13 Wa xagho salas amqil Firqon laákarmakka wa itta wazifatka balsakka.
Ka kaasatu it idehu tahayibbu kimma badiir waddiyu qalka mastiyaayu inde halleka.
14 Ka dolat illi ker matsákka,
igil tifghadanni iitrajjekka wa maqruf de iyye;
igil Firqon igil taáfghid iyye wa min illi xabis igil tiderenni.
15 Jallaab min arid Qibraaniyiin ib ghasib qadgawni wa insar la laásajjin yaqamalko.”
16 Ka la raíissa maángirat Yusif la xilim tafsiir ker fassir kim raá,
igil Yusif belayu,
“Ana ma,
xilim taxallamko.
It raáshshe salas jambiil ib raghiifom qalaw.
17 Wa la jambiil la laqaalyaay,
killa la asnaaf la maángirat igil Firqon laángarawa qalat diibu.
Laakiin,
la sarayir minna jambiil la itta raáshshe qala balleq qala.”
18 Ka Yusif belayu,
“Tafsiir illi kiínna tu:
La salas la jambiil,
salas amqil tom.
19 Wa xagho salas amqil,
Firqon xangalka battik wa it kashabat saghlakka ka la sarayir sigaaka tballeq.”
20 Wa xagho salas amqil,
qiid melaad Firqon qala.
Wa walimat wada igil killom la maqewnatu.
Wa raíissa mastiyat wa raíissa maángirat attamtsá minna sijin.
21 Wa raíissa mastiyat itta wazifatu balsa ka Firqon kaasatu it idehu madtdte gabá.
22 Wa raíissa maángirat qaadama kimma Yusif belayuta itta tafsiiru.
23 Raíissa mastiyat laata,
Yusif iifaghada,
trassaqayu ledta.