Yusif Wa Issiit Fudtiifaar
39
Yusif laatu,
la Ismaaqiiliyiin asik Masir nasáwu.
Wa Masri,
Fudtiifaar la litbahal,
zaabayu minnom wa hitu orot sedyat Firqon wa ghaayidda xarasu qala.
2 Wa Rabbi misil Yusif qala wa diiba daarra mambaahu la Masri ib sargal kadma.
3 Wa la mambaahu Rabbi kim halla goru raá,
wa Rabbi it killu la waghayu sargal habayu.
4 Ka Yusif rada mambaahu rakba ka wakiilu la fintuy wadayu.
Wa it atmaghaarxot gaaraat daaru shaffala ittu wa killu la mallikku ammanayu.
5 Wa minna waghit lahey tadbiir shuún daaru xammalayu wa la butu killu.
Rabbi daarra Masri baaraka ib sabab Yusif.
Ka barkat xadrat it naay Fudtiifaar lagaá killu diib bet ligbá wa it garhat.
6 Ka la butu killu xante Yusif wadayu wa it xatte iitahallaga imballa balluqu.
Wa Yusif damat ridiit wa gats girrum qala ilu.
7 Wa xagho waghit issiit Fudtiifaar in raghghibbu matsaát wa igil liskabba dtalbattu.
8 Laakiin aba ila wa bela,
“Mambaaye diibba bet ib xatte iitshaaghala wa killu la mallikku ammanenni.
9 Wa diib illi daar,
minye la litwaghal yahalla.
Wa mambaay sema iidtamqa minye imbaleki sabab issiitu gaáki.
Ka kafo illi shar la dalfex ibaashir wa it Rabbi ajír?”
10 Wa amqilka jaaribbu qalat minnaata aba farrishsha wa igil ligbá misla ma.
11 Wa amqil xatte,
Yusif waraatu igil liide la bet ata wa diibba bet minna kadam roy yaqala.
12 Ka ib billaayu nasáttu wa igil lifrashsha xazettu.
Ka la billaay it ideha xadga wa jahat mingof kadan saka.
13 Wa billaayu it ideha inde xadga wa asik kadan kim harba raétu,
14 la kedmat adhet wa belattom,
“Illi Qibraani la biíshshe amtsaáyu inna ginxo it sharafye taqadda!
Odachche ata wa igil liqitsatsanni wadtdtana.
Wa inde waghghalko tsarxako
15 wa dolat tsarxako,
billaayu insar xadga wa gats kadan harba.”
16 Wa la billaayu baaka akkabattu asik mambaahu bet matsá.
17 Wa nafsa la digim dagmat ilu wa belat,
“La gabir la Qibraani laámtsákhu inna,
odachche ata wa it sharafye taqadda!
18 Ka dolat waqeko,
billaayu ittilla tarka wa asik kadan harba.”
19 Ka la mambaahu digimma issiitu waan samqa wa la gabiru kafo kim tghaarxaya,
sanni xargha.
20 Wa tsabdtayu wa diibba sijin la maxbusiinna malik sijunaam diibu qalaw sajnayu.
Wa laakiin Yusif diib xabis in intu
21 Rabbi goru qala wa iklaas fittihu awxaza ittu wa ghaayidda sijin arda ittu.
22 Wa ghaayidda sijin killom la maxbusiin ammanayu wa masúl killu la ken jarre qala wadayu.
23 Wa masúlla sijin min it xante Yusif la qala it sema iitahallaga jalla Rabbi misil Yusif qala wa itta wadayu killu sargalayu.