Yahuza wa Taamaar
38
Itta waghit lahey,
Yahuza min xawu tfanta wa misil inaas Qadlaami,
Xiira libulu,
sakna.
2 Wa ken walat orot Kanqaani,
Shuq la litbahal raá ka hadaya.
3 Ka qamsat wa wal waldat wa Qiir samayu.
4 Wa xaghohu,
maddat xaariit qamsat wa xitsaan waldat wa Unaan samettu.
5 Wa xare ma wal biqid waldat wa Shiila samettu Yahuza diib Kezib in intu.
6 Wa Yahuza igil wad bikru Qiir issiit,
Taamaar tissamme,
hada.
7 Wa Qiir bikir Yahuza ib qintaat Rabbi sarraadt qala ka Rabbi amotayu.
8 Ka Yahuza igil Unaan belayu,
“Issiit xuka nisá wa hidaya wa igil xuka zire.”
9 Wa Unaan sabab la ziryat iglu iitgabbí aamara,
akilla issiit xuhu sakba manihu midir lagannex nabra igil xuhu igil iilizre.
10 Wa illa widiit illa ib raé Rabbi makrahat qalat ka hitu ma,
amotayu.
11 Ka Yahuza igil Taamaar issiit waldu belaya,
“Mabal in inti diib daar abuki taakey asik Shiila walye shangil,”
jalla Shiila iilimut kimma kilót xawu sagá.
Ka Taamaar gesat wa diib daar abuha saknat.
12 Wa waghit garba,
wa walat Shuq issiit Yahuza twaffet.
Wa ayaama xazan kim xalfat,
Yahuza asikka la qabaagqu caggiro qalaw diib Timna herara.
Wa Xiira la mallahayu la Qadlaami talayu.
13 Ka igil Taamaar belawa,
“Ab biíski asik Timna gayis halla qabaagqu igil licaggir.”
14 Ka libbaassa mabal ghandtadtat wa gatstsa ib magalbab galbabat tamaasla igil tistar.
Wa it af Qaynaam la it gabey Timna tgasset sabab Shiila shangala wa yaáthadawuta.
15 Ka Yahuza waan raáya,
sharmudtat nasáya jallaab gatstsa tagalbib qalat.
16 Wa kim issiit waldu ta yaáamara wa itta dtaraffa gabey gesaya wa belaya,
“Niqi igil iskab goki.”
Ka telattu,
“Igil tiskab goye,
mi tahaybanni?”
17 Ka belaya,
“Naggal minna qadtaalye ilík itki.”
“Rahan tahaybanni asik tilíkku?”
18 Ka belaya,
“Kim rahan,
mi habakki?”
Ka balsat,
“Kaatimka wa maásaru wa la moraaka la itta ideka hallet.”
Ka habaya wa sakba gora wa qamsat minnu.
19 Wa ghantsat wa gesat wa magalbaba galqat wa ib xadiis libbaas mabal labsat.
20 Wa Yahuza misil mallahayu la Qadlaami la naggal nadá wa rahan minna issiit igil liblas minnaata xaglaya.
21 Ka sabba akaan saála,
“La sharmudtat la itta gabey it Qaynaam titgasse qalat,
aya hallet?”
Wa hitom,
“Insar sharmudtat yahallet,”
belawu.
22 Ka asik Yahuza qaghbala wa belayu,
“Iirakabkowa wa sabba akaan,
‘Insar sharmudtat iititrakkab,’
belawni,”
belayu.
23 Ka Yahuza bela,
“Hita wa la rahan lishshattataw!
Xina hidig igil iinigbá.
Wa ana la naggal laákko wa inta saánkaaha.”
24 Wa xagho ghirub salas warex,
igil Yahuza belawu,
“Taamaar issiit walka zanet wa min zinaaha qamsat.”
Ka Yahuza bela,
“Amtsiíwa igil tindad.”
25 Ka dol afgarawa,
asik ab biísa laákat wa telat,
“Ana min baqal illi sinaq qamsat halleko.
Ginax baqal illi kaatim wa la maásar wa la mora min taámmirru.”
26 Ka Yahuza la sinaq alela wa bela,
“Hita minye sallex sabab igil walye Shiila ya hadekowa.”
Wa xagho laha,
iisakba baaka.
27 Wa waliida kim gaá it rixima manattiit tsanxaw.
28 Wa inde twallid,
orohom idehu afgara ka la immolid it idhu gid ghayex asrat.
Wa tibe,
“Illi ib salif fagra.”
29 Laakiin idehu saxaba ka xuhu fagra.
Ka belat,
“Inta sadtadtka,”
wa Faarasa samawu.
30 Wa xare,
la xuhu fagra la gid itta ghilcimu isur iníntu,
ka Zaaraxb samawu.