Xilim Yusif
37
Yaqghub laata diib ardat Kanqaan la badiir abuhu nabraya xadra.
2 Illi la igil qaylat Yaqghub jara tu:
Yusif mandalaay wad 17 sanat iníntu misil xawu,
wilaad Bilha wa Zilfa anis abuhu,
qabaageq laáwqil nabra.
Wa igil abuhu akey wadaddiitom xaaka.
3 Wa Yaqghub Yusif ziyadat xawu la biqidaam fattiyu qala jalaab wad ibru qala.
Wa billaay qurur wada ilu.
4 Ka la xawu abuhom milaqalom fattiyu dolat raáw,
Yusif abaw wa miblaas sin igil liblaso ittu iighadraw.
5 Wa Yusif xilim taxallama wa kim dagmayu iglom shimuy gharxawu.
6 “Illi xilim lataxallamkowu,
simqaw,”
belayom.
7 “Isar in naásir diibba garhat taxallamko.
Wa ammat alaba israchche bidtaara gabát wa shannat ka la isarkum tkallalata wa dannat ila.”
8 Ka la xawu belawu,
“Tmalkanna wa taxakmanna maslaka?”
Wa sanni abawu ibba sababba xalaamaatu wa mathaagaayu ibba.
9 Xare xilim biqid taxallama wa igil xawu dagmayu wa belayom,
“Simqo,
xilim biqid taxallamko.
Tsaxaay wa warex wa qasir oro kokab in sajdo iyye raékowom.”
10 Ka igil abuhu la igilla xawu dagmayu dagma.
Abuhu naharayu wa belayu,
“Illi mi xilim tu?
Ana wa imka wa xawka ib amaan igil nisjad ikka tu?”
11 Wa xawu ghanáw minnu.
Abuhu laata,
la amir it libbu qaghrayu.
12 Wa xawu qabaageq abuhom igil laqawqilo asik Shakiim gesaw.
13 Ka Yaqghub igil Yusif belayu,
“Xawka kim it Shakiim la qabaageq laqawqilo hallaw aamir halleka.
Naqa igil ilákakka ittom.”
Ka Yusif,
“Labbeka yibba,”
belayu.
14 Ka belayu,
“Herir wa la xawka wa la qabaageq taayin wa qaghbil wa xabbiranni.”
Wa min Maxaaz Xabrun nadáyu.
Ka Shakiim waan shaága,
15 wa diibba girah in tayih,
inaas rakbayu ka saálayu,
“Mi taxazze halleka?”
16 Wa,
“Xawye xazze halleko,”
balsa ittu.
“Ib maqrufka,
kim qabaagqom ittaya lirqu hallaw,
assiílanni.”
17 Ka la inaas belayu,
“Min insar gaqazaw.
‘Hayya asik Dusaan nigiis,’
in liblo,
samqakowom.”
Ka Yusif xawu igil laásarbib gesa wa ghirub Dusaan rakbayom.
18 Ka min nasaafat raáwu wa inde iibatsaxom igil lightolu taámaraw ittu.
19 Wa igil xid belaw,
“Baqalla xalaamaat illi tu matstsí halla.
20 Niqino nightalu wa diibba xattela qawalli nilkaffu wa,
‘Aaw girgur agrayu,’
nibal wa niré la xalaamaatu min naffuqu.”
21 Ka Ruábiin illi dol samqa,
igil laángiffu minnom shannaha.
Ka,
“Iinightallu.
22 Dam iitikqaw.
Ittilla qela wigoru diib saxara wa iitimadruru,”
bela.
Wa ibbilli Ruábiin igil laángifu minnom wa asik abuhu igil liblassu ghasda.
23 Ka Yusif xawu waan batsxa,
la billaayu la qurur la laabsu qala ghandtadtaw minnu
24 wa tahalfatawu wa diibba qela lakfawu.
Wa la qela naadtfat qalat.
25 Wa igil liblaqo waan taqaggalaw,
min qaghmataw,
agrih Ismaaqiiliyiin min Jilqaad in matstsí raáw.
Wa la agmaalom bahaaraat wa balsam wa mur miskit qalat.
Wa hitom gatstsom asik Masir qala.
26 Ka Yahuza igilla xawu belayom,
“Xuna min inghattil wa motu min naxabbeq,
mi inrabbex?
27 Hayya itta Ismaaqiiliyiin naázbiyu wa iinimadrirru jallaab xuna min damna wa kitfatna gabá.”
Ka twaafaghaw.
28 Ka la sabbaba xiin matsáw,
la xaw Yusif minna qela afgaraw wa ib qisra min qimlat warigh azbawu ittom ka asik Masir nasáwu.
29 Wa Ruábiin asikka qela qaghbala wa Yusif saána diiba,
ka libbaasu sadtra.
30 Wa asikka xawu gesa wa bela,
“La xitsaan ken yahalla,
wa ana aze aya ite?”
31 Ka billaay Yusif nasáw wa dtaliit xardaw wa la ghamiis diibba dam ghamshaw.
32 Wa la billaay qurur asik abuhom nasáwu wa belawu,
“Illi rakabna,
taxaghghagh minnu,
ghamiis walka tu ma iiffaalu?”
33 Ka Yaqghub farragayu wa bela,
“Hitu ghamiis walye tu.
Aaw girgur agrayu wa waakaat wadayu.”
34 Ka Yaqghub libbaasu sadtra wa kesh labsa wa waldu amqilotaat bizxit sarra.
35 Wa wilaadu wa awaaldu killom igil lilaaghusu matsáw.
Minnaata emaan wadi aba wa bela,
“Asik imayit walye igil ibke tu.”
Wa abuhu bakayu.
36 Illi kiínna inintu,
la sabbabb diib Masir Yusif it Fudtiifaar azbawu.
Wa hitu oro maqewnat Firqon wa masúlla qighaab qala.