Talak Qiisu
36
Illa siirat ziryat Qiisu ta (bardu ib Adum litáamar):
2 Qiisu min awaalid Kanqaan haada:
Qaada walat Iilun la Xissaay wa Aholiibaama walat Qani wa xafiidat Sibqun la Xiwiyi,
3 wa bardu Basma walat Ismaaqiil wa xit Nabaayut.
4 Qaada igil Qiisu Aliiyafaaz waldat wa Basma Ruqaíil waldat ilu
5 wa Aholiibaama,
Yaqush wa Yaqlaam wa Ghurax.
Illom wilaad Qiisu la diib Kanqaan twalladaw tom.
6 Wa Qiisu ib ansu wa wilaadu wa awaaldu wa killa qaylatu wa agbiru wa killa anuwyatu wa killu la diib arid Kanqaan latawbayu nasá wa asik modaay biqid rayiim min xuhu Yaqghub gaqaza.
7 La ardat yaáklattom jalla amlaakom agidda waajdat qalat ka misil igil liítaw iighadraw jalla illi la ardat laqalaw diiba,
munat kaafyat igilla anuyatom yaqalat diiba.
8 Ka Qiisu,
la bardu Adum litbahal,
diib Dabir Saqiir xadra.
9 Wa illa siirat molaad Qiisu abba Adumiyiin la diib Dabir Saqiir sakna ta.
10 Illa asmaay wilaad Qiisu ta:
Aliiyafaaz wad Qaada,
wa Ruqaíil wad Basma.
11 Wilaad Aliiyafaaz laatu:
Taymaan wa Umaar wa Safu wa Jaqsaam wa Ghanaaz tom.
12 Wa Aliiyafaaz wad Qiisu tsibdtit ma Timnaaq titbahal qalat ilu wa minna Qamaaliigh zara.
Illom wilaad wilaad Qaada issiit Qiisu tom.
13 Wa wilaad Ruqaíil:
Naxas wa Zaarax wa Shamma wa Mizza tom.
Wa hitom axfaad Basma issiit Qiisu tom.
14 Wa wilaad Aholiibaama walat Qani wa xafiidat Sibqun la igil Qiisu waldattom tom:
Wa hitom Yaqush wa Yaqlaam wa Ghurax tom.
15 Wa illom ruásaá ghabaayil wilaad Qiisu tom:
Wilaad Aliiyafaaz bikir Qiisu:
La ruásaá Taymaan wa Umaar wa Safu wa Ghanaaz
16 wa Ghurax wa Jaqsaam wa Qamaaliigh tom.
Wa hitom ruásaá la ghabaayil la min ziryat Aliiyafaaz diib ardat Adum wa hitom axfaad Qaada issiit Qiisu tom.
17 Wa wilaad Ruqaíil wad Qiisu:
La ruásaá Naxas wa Zaarax wa Shamma wa Mizza tom.
Wa hitom ruásaá la ghabaayil la min ziryat Raquíil diib ardat Adum wa hitom axfaad Basma issiit Qiisu tom.
18 Wa wilaad Ahuliibaama issiit Qiisu:
La ruásaá Yaqush wa Yaqlaam wa Ghurax tom.
Wa hitom ruásaá la ghabaayil la min ziryat Aholiibaama,
walat Qani issiit Qiisu tom.
19 Ka illom killom wilaad Qiisu tom (bardu Adum).
Wa illom ruásaá la ghabaaylom tom.
Talak Saqiir
20 Wa illom wilaad Saqiir la Xuri la diibba mandtighat saknaw tom.
Wa hitom Ludtaan wa Shubaal wa Sibqun wa Qani tom
21 wa Diishun wa Iisar wa Diishaan.
Illom ruásaá ghabaayil Al Xuriyiin min wilaad Saqiir diib balad Adum tom.
22 Wilaad Ludtaan:
Xuri wa Humaam tom,
wa Timnaaq xit Ludtaan ta.
23 Wa wilaad Shubaal:
Qalwaan wa Manaaxa wa Qiibaal wa Shafu wa Unaam tom.
24 Wa wilaad Sibqun:
Ayya wa Qani tom.
Wa illi Qani la diibba saxara qayunna maay la xifun la rakba tu adug abuhu Sibqun in lawqil.
25 Wa Qani waldu Diishun wa walattu Aholiibaama walda.
26 Wilaad Diishun:
Xamdaan wa Ashbaan wa Yasraan wa Karaan tom.
27 Wa wilaad Iisar:
Bilhaan wa Zaqwaan wa Qaghaan tom.
28 Wa wilaad Diishaan:
Qus wa Araan tom.
29 Ka illom ruásaá ghabaayilla Xuriyiin tom:
Ludtaan wa Shubaal wa Sibqun wa Qani
30 wa Diishun wa Iisar wa Diishaan.
Wa hitom ruásaá la ghabaayilla Xuriyiin xasabba qafirraqatom diib ardat Saqiir tom.
Miluk Adum
31 Illom la miluk la balad Adum xakmaw ghadam ayi malik shaqab Israíil inde iilaxakkim:
32 Baalaq wad Baqur Adum xakma wa simet madinatu Dinhaaba qalat.
33 Wa Baalaq kim mota,
it akaanu Yubaab wad Zaarax baqal Basra malka.
34 Wa waan Yubaab traxama,
bidaalu Xushaam la min ardat Taymaaniyiin malka.
35 Wa dol Xushaam traxama,
it akaanu Hadad wad Badad la Midyaan diib balad Muwaab hazma malka.
Wa simet madinatu Qawiit qalat.
36 Wa Hadad kim mota,
it akaanu Samla baqal Masriigha malka.
37 Wa dol Samla twaffa,
it akaanu Shaaúl la baqal Raxubut la itta nagebba baxar malka.
38 Wa waan Shaaúl mota,
bidaalu Baqil-Xaanaan wad Qakbur malka.
39 Wa Baqil-Xaanaan dol mota,
bidaalu Hadaar malka wa simet madinatu Faaqu qalat.
Wa issiitu Mahdtabiil,
walat Madtrad walat Ma-Zahab qalat.
40 Illom ruásaá la ghabaayil la min talak Qiisu tom xasabba ghadtayirom wa la manaadtghom:
Timnaaq wa Qalwa wa Yatiit
41 wa Aholiibaama wa Illa wa Fiinun
42 wa Ghanaaz wa Taymaan wa Mibsaar
43 wa Majdiil wa Qiiraam.
Illom ruásaá Adum tom xasabba masaakin la saknawa wa la arid la malkawa.
Wa illi Qiisu tu,
la abba Adumiyiin.