Diina
34
Diina,
la walat la Liá waldatta igil Yaqghub,
igilla awaalidda balad lahey igil tizayir fagrat.
2 Ka Shakiim,
wad Xamur la Xiwiyi xaakimma mandtighat,
raáya wa qatstsaya.
3 Wa libbu ib shaam Diina tkaharaba wa fataya wa shaaghalaya.
4 Wa Shakiim igil Xamur abuhu,
“Illa walat,
hide iyye,”
belayu.
5 Wa Yaqghub hitu kim sharaf walattu Diina kim hattaka batsxayu wa asik wilaadu la misilla niwaayom itta garhat qalaw matstsó azma.
6 Ka Xamur waaldaay Shakiim asik Yaqghub naawala ibba gaar igil lithaagayu.
7 Wilaad Yaqghub ibba gabá waan samqaw minna garhat qaghbalaw wa ib ghahar wa dtaxar tawanaw jallaab Shakiim diib Israíil makrahat wada ib xittom majjaamqotu wa illi liíigabbí widdaay qala.
8 Ka Xamur belayom,
“Shakiim waalye ib derir walatkum ghalbu tghalaba ka igil tathaduwuta itkattalakkum.
9 Tmoladuna awaalidkum habuna wa awaalidna nisó.
10 Xidaro gona,
aridna killa it idekum ta kim shanhatkum sikona wa sibabo wa tawbo diiba.”
11 Wa Shakiim igil abuha wa xawa belayom,
“Alho waradekum ichche wa killu laxazekumu haybakkum.
12 La mahar wa la libbaas ila ghala min ghalle,
ana ladtalabkumu hayib,
bas Diina athaduni.”
13 Ka wilaad Yaqghub Shakiim wa Xamur abuhu kadqaw jalla Shakiim it sharaf xittom talha.
14 Ka belawom,
“Illi igil nide yiínghaddir,
xitna igil xilaala iinhayibba.
Illi qeb itna tu.
15 Minnaata,
ib sharidt oro itta dtalabka inwaafigh wa hitu kimsalena gabátkum tu wa kil tabqatkum litkashshab.
16 Wa la dol lahey,
awaalidna nahaybakum wa awaalidkum innassí wa naxaddir gokum wa shaqab oro ingabbí.
17 Wa itta kishbo min iitwaafgho,
xitna innassí wa gabeyna imbattik.”
18 Ka Xamur wa waldu Shakiim la dtalabom maqghul raáwu.
19 Wa la batsex la zaqatu it maqaal igil laáwqilla xar iibela sabab ib walat Yaqghub faarex qala.
Wa it ghadtiir abuhu xishshum qala
20 ka Xamur wa waldu Shakiim asikka affa madinatom matsáw igilla sabba madinat libaligho.
21 “Illi sab,
sab daxan tom ka it ardatna lixidaro wa litaajro ikkum wa la ardat ghadamehom middit ta wa ibbilli awaaldom nahaade wa awaalidna lahaadu.
22 Wa laakiin,
sharidt bom igil lixadaro gona wa shaqab oro igil nigbá,
wa hitu kil tabqat igil naákshib kimsalehom tu.
23 Wa ibbu,
tawaabom wa amlaakom killa igilna tgabbí.
Niqino naáttafigh,
misilna igil liskano.”
24 Ka killom la itta maáte xadraw itta Xamur wa waldu belawu twaafaghaw wa kil tabqat diiba madinat akshabaw.
25 Wa saalsayiita hitom tsaalqaam inintom,
kilót min wilaad Yaqghub,
Shamqun wa Laawi shaghayigh Diina,
asyufom nasáw wa itta madinat la aamnat hajmaw wa kil tabqat la qala diiba ghatlaw.
26 Wa Xamur wa waldu Shakiim ma,
ib sayif ghatlawom wa Diina min bet Shakiim nasáw wa fagraw.
27 Wa xare,
wilaad Yaqghub itta ghitulaam matsáw wa la madinat la sharaf xittom hattakat nahabaw.
28 Wa it qadtaalom wa qabaagqom wa xaxom wa adugom wa diibba madinat la qala killu wa itta girah astawlaw.
29 Wa killu agruzom wa ansom aasaraw wa killu maalom wa killu diib abyatom la qala nahabaw.