Matraakaab Yaqghub wa Qiisu
33
Wa Yaqghub min qaghmata,
Qiisu in matstsí wa mislu 400 inaas raá.
Ka la qiyaal it Liá wa Raaxiil wa la kilé amat kaafala.
2 Wa kilé la amat wa qiyaalan salif wada wa asarom Liá wa qiyaala wa itta zinnaabat Raaxiil wa Yusif.
3 Wa hitu ghadamehom ghaddama wa saboq dol sajada waan xuhu shaága.
4 Wa Qiisu ib saqey kabbatayu wa dahara wa xaghfayu wa saqamayu wa kilíitom bakaw.
5 Wa xaariit Qiisu min waalaba la anis wa la ajanniit raá.
Ka saálayu,
“Illom goka,
mi addaam tom?”
Wa balsa,
“La qiyaal la Rabbi ibba barkatu la gabirka wahabayom tom.”
6 Ka la kilé amat ibba qiyaalan matsáya wa sajdaw.
7 Wa xare,
Liá wa qiyaala matsáw wa sajdaw.
Wa it dangoba Yusif wa Raaxiil matsáw wa sajdaw.
8 Wa xaghohu,
Qiisu saála,
“Killa la aniwyat la tghaabalattanni,
jalla mi ta?”
Ka Yaqghub balsa ittu,
“Ajil matrajaay fadilka ta.”
9 Laakiin Qiisu balsa,
“Bizox halla iyye,
xuye.
Naayka igilka ligbá.”
10 Yaqghub laata tkattalayu,
“Iititgaaraf.
It kabteye min radde,
illa hiidat ghibal minye jalla raáyat wajhika,
raáyat wajih Rabbi gaát jalla ghabalkanni.
11 Itrajjeka illa barkat la xadrattaka kabbat minye jallaab Rabbi waajid razghenni wa kil gaá biye.”
Wa ashxalala ilu asik ghabla.
12 Asaru Qiisu belayu,
“Kib bal inna wa ana ma,
baakka igil igiis.”
13 Ka Yaqghub belayu,
“Kim iighaweka mambaaye,
qiyaalye fadtayim tom wa la qabaageq wa la xa taqadtabbe hallet.
Ka igil xatte amqil ma min tithallat la salif ib tamaamu litwexe.
14 Ka mambaaye ghadam gabru lighaddim wa ana ib malhaayye akilla xilatta kararrim wa la ajanniit qarre.
Wa mambaaye wa ana diib Saqiir nitraakab.”
15 Ka Qiisu belayu,
“Ila min geé,
gale min jimaqye xidag goka.”
Wa Yaqghub balsa,
“Iilaátxaze.
Xizichche rada mambaaye wa daám ta.”
16 Ka Qiisu itta amqil laha asik Saqiir tbaggasa.
17 Yaqghub laatu,
asik Sukut herara wa igil nafsu bet nadgha wa igil niwaayu rasyaat.
Jalla illi la akaan Sukuta sammet.