Mot Ibraahiim
25
Wa Ibraahiim issiit,
Ghadtura tissamme,
hada.
2 Ka Zimraan wa Yaghshaan wa Madaan wa Midyaan wa Yishbaagh wa Shuxa waldat ilu.
3 Wa Yaghshaan,
Shaba wa Dadaan walda.
Wa wilaad Dadaan,
Ashuriim wa Ludtushiim wa Lommiim tom.
4 Wa wilaad Midyaan,
Qayfa wa Qifar wa Aknuk wa Abiidaaq wa Aldaqa tom.
Illom killom willaad Ghadtura tom.
5 Wa Ibraahiim killu labutu igil Isxaagh abxatayu.
6 Wilaadda tsibudtaat laata,
hiidaat mannaxayom ib xiyaayu iníntu wa arid mifgaar tsaxaay nadáyom aruh min Isxaagh waldu.
7 Wa Ibraahiim 175 sanat nabra.
8 Wa xagho qimir rayiim saalex twaffa kim min mambaro tsagba wa qighib abawu tsabdta.
9-10 Ka wilaadu Isxaagh wa Ismaaqiil ghabrawu baak Saara issiitu diib baqat Makfila la ghirub Mamra diibba garhat la Ibraahiim min Qafrun wad Suxar la Xissaay zaabaya.
11 Wa xagho mot Ibraahiim,
Rabbi Isxaagh waldu daxara.
Wa Isxaagh jafar Biír Xiyaay Lalirénni xadara.
Talak Ismaaqiil
12 Illa siirat Ismaaqiil wad Ibraahiim la Haajar la Masriyat amat Saara igil Ibraahiim lawaldattu ta.
13 Illa asmaay wilaad Ismaaqiil ta laxasabba mawalladom ghiyidit:
Nabaayut bikru,
wa Ghiidaar wa Adabíil wa Mibsaam
14 wa Mismaaq wa Duma wa Masa
15 wa Xadaar wa Tayma wa Yadtur wa Naafiish wa Ghidma.
16 Illa ziryat Ismaaqiil ta ib asmaaya kuriit wa la ghawashihom wa la mamayiitom ittom sumiit qalat.
Qasir kilót taakyaat xasabba ghabaaylom.
17 Ismaaqiil 137 sanat balqa.
Xaghohan it daar amaanu sayyaba wa abawu taxaabara.
18 Talaku min Xawiila asik Shur la ghirub Masir xadraw asik Ashur ghatstsom.
Wa min killu laqaghraabom shanak xadraw.
Yaqghub wa Qiisu
19 Illa digim Isxaagh wad Ibraahiim ta.
20 Isxaagh wad 40 sanat dol gabá,
Rifgha walat Bituíil wa xit Laabaan hada.
Wa hitom Araamyiin min Birur Aaraam qalaw.
21 Wa Isxaagh jalla issiitu it Rabbi daqa sabab makaan qalat.
Ka Rabbi samqayu wa Rifgha issiitu qamsat.
22 Laakiin,
la nidtafa diib rixima tgaadalaw ka nafsa saálat,
“La litgaayas halla,
mi tu?”
Wa min Rabbi mabrih dtalbat.
23 Ka Rabbi belaya,
“Diib riximki,
kilé ummat hallaya
wa diib ghabatki,
kilót shaqab litfanaataw hallaw;
shaqab min shaqab laxayil
wa mináash miqibaay gabbir.”
24 Wa waghit kim akla,
manattiit tbarabarat.
25 La salfaay,
ghayxaay wa killu garobu cigar laabis iníntu twallada,
ka Qiisu samawu.
26 Wa xaghohu,
xuhu idhu qighib Qiisu tsaabdtat ininta abardaga.
Ka Yaqghub samma.
Wa waan twalladaw,
Isxaagh wad 60 sanat qala.
27 Wa la wilaad dol shangalaw,
Qiisu matniqiyaay ghedraay wa baqal birur fagra wa Yaqghub laata,
inaas maayu tsiruy wa baqal afyaat qala.
28 Isxaagh Qiisu fata ajil shaam naqay,
laakiin Rifgha Yaqghub fatte qalat.
29 Wa amqil xatte,
Yaqghub nabra kashshin qala wa Qiisu minna birur ghuúr iníntu qera.
30 Ka Qiisu igil Yaqghub belayu,
“Min illi ghayex alushanni,
ib ghaár maayit halleko.”
(Sabab illi,
Adum litbahal qala.)
31 Ka Yaqghub,
“Aywa,
minnaata ib qawil bikkirnaaka trakkibu,”
belayu.
32 “Yaarey,
illa ana af mot halleko.
Bikkirnaaye,
mi naffaqanni?”
33 Laakiin Yaqghub belayu,
“Aze aze maxal iyye,”
ka Qiisu maxala ilu wa bikkirnaahu igil Yaqghub azba.
34 Ka Yaqghub igil Qiisu gale raghiif wa tsibex qadas habayu.
Ka balqa wa sata wa ghantsa wa ebaba.
Wa bikkirnaahu xatte iimaslayu.