Xaazi Issiit Igil Isxaagh
24
Wa Ibraahiim marra daglala wa Rabbi itta gaátu baarakayu.
2 Ka igilla mamaghraxaay shaghghalaahu wa wakiil killa amlaaku belayu,
“In taqaffenni ta,
maxal iyye,a
3 ib Rabbi,
Kaalghaay midir wa sama,
igilla walye issiit minna awaalidda Kanqaaniyiin la ana ghabatom inabbir halleko igil iitáthadiyu.
4 Minnaata asik balajje wa adhuyye giis wa Isxaagh walye issiit athade.”
5 Ka la shaghghaalaay saálayu,
“Kafo tu la issiit asik insar igil timtsá goye min iitradde?
La walka asikka balad la inta matsáka minnu iblassu?”
6 “Walye ken igil tiblasu alabka,”
belayu.
7 “Rabbi,
Kaalghaayya kon la min daar abuye wa balajje derarenni wa ib ghasam waqadenni,
‘Illa ardat igil ziryatka igil imannaxa tu,’
inde libil,
hitu ghadameka malaak igil lindá tu igilla walye issiit igil taámtsí min ken.
8 La issiit min iittallekka,
inta minna maxala tbarraáka.
Wa la walye laata,
ken iitiblassu.”
9 Ka la gabir igil Ibraahiim illi igil liide ib bitkit maxala.
10 Darbu la gabir 10 gamal minna agmaalla mambaahu nasá wa misil kil akyaaraat mambaahu wa asik Araam Anaharen asik madinat Naaxur tbaggasa.
11 Wa kim batsaxaw,
la agmaal itta birurra madinat jafarra qela attabaaraka wa illi amsuy waanna wariidda anis qala.
12 Wa bela,
“Wo Rabbi,
Molaay mambaaye Ibraahiim,
yom hawin iyye wa igil mambaay Ibraahiim waqadka asfe.
13 Illi ana itta qela baadtir wa awaalidda madinat warda hallaya maay igil limlaá.
14 Ka la walat,
‘La diwaanki dilali igil iste minna’ ibila,
wa hita,
‘Site,’
latiblanni tigbá wa,
‘Agmaalka ma,
asatte,’
latiblanni la igil gabirka Isxaagh xarekaaha tigbá.
Wa ibbilli igil mambaaye waqadka kim asfeka ifhim.”
15 Wa la zaqatu inde iilaátammim,
Rifgha,
walat Bituíil wad Milka issiit Naaxur xu Ibraahiim ib diwaana it markaba xawatsat.
16 Wa la walat walat awaaldo wa sanni girrim qalat.
Wa asikka qinat dannat wa diwaana malát wa qaghlolet.
17 Wa la gabir igil kabteha hagta wa,
“Minna diwaanki meytaat assamiliini,”
belaya.
18 Ka,
“Site,
mambaaye,”
telattu.
Wa ib shafaag la diwaan it idha dallatta wa astettu.
19 Wa kim astettu,
“La agmaalka ma,
igil astiyom asik rawu,”
telattu.
20 Ka agiid la diwaan diibba samuy balsatta wa bagaayid asikka qela qaghbalat igilla agmaalu igil tiglal wa killom la agmaalu arwet.
21 Wa hitu kilex belaya aazim iníntu Rabbi mikyaadu hawana mi iiko igil ifham.
22 Wa la agmaal siito waan kallasaw,
la inaas faay dahab wa kilót ghimesha dahab qakayik habaya.
23 “Wo noriit,
walat min inti?
Wa diib daar abuki mimyaay inrakkib?”
belaya.
24 Ka,
“Ana walat Bituíil,
wad Naaxur biís Milka ana,”
telattu.
25 Wa,
“Tibin wa cingeq waajid bina wa mimyaay ma,”
telattu.
26 Ka la inaas igil Rabbi sajda
27 wa “Tabaarik Allah,
Molaay mambaaye Ibraahiim la fittihu la ghizir wa amaanatu min mambaaye iidtamqa wa asik daar xuhu marxenni,”
bela.
28 Ka la walat asik bet imma asradat wa la jara xaaketta.
29-30 Wa Rifgha xu Laabaan lissamme qala ila.
Ka Laabaan faay it aanif xittu wa kilót ghimesha it ghalaccima kim raá wa la inaas labelayaatu samqa asikka qinat ashshaafaga wa la inaas rakba itta qiin imbadtdtir gorra agmaal.
31 Ka belayu,
“Wo duxur Rabbi.
Ite,
jalla mi insar mangof kadan badtdtir halleka ana bet widtdtuy ikka inana wa akaan igilla agmaalka?”
32 Wa la inaas asikka bet aata wa la agmaalu dtaalagha wa la tibin wa la cingeq amtsá.
Wa la inaas maay haba hitu wa la mislu qalaw qaghaabom igil lixitsabo.
33 Wa nabra xiin tkarret la inaas,
“Asikka zaqachche yiíbe yiíballeq.”
Ka Laabaan,
“Balla,”
belayu.
34 Ka,
“Ana shaghghaalaay Ibraahiim ana,”
belayu.
35 “Wa Rabbi igil mambaaye waajid baarakayu wa atjarayu.
Xa wa qabaageq wa dahab wa warigh wa agbir wa aamut wa insa wa adug mannaxayu.
36 Wa Saara issiitu wal waldat ilu xagho daglalat wa mambaaye killu labutu habayu.
37 Ka mambaaye amxalenni la waldu minna awaalidda Kanqaaniyiin la diib ardatom nabbir igil yiáthade.
38 Bidaalu,
‘Asik daar abuye wa ghadtiirye herir wa la walye athade,’
belenni.
39 Ka igil mambaaye,
‘La issiit tilaye min taábbe haye?’
ibellu.
40 Ka belenni,
‘La Rabbi la dtayqakowu malaaku naddí goka wa gaariitka sargil wa issiit taxarre igil walye min ghadtiirye wa min daar abuye,
41 ladol laha minna xalifatka titbarrá.
Waan it ghadtiirye matstsí wa min iilahaybuka minna maxalaka titwarraq.’
42 Ka yom itta qinat matsáko wa deqeko,
‘Wo Rabbi,
Molaay mambaaye Ibraahiim,
la serye la ittu tfarrarko igil taqawit min taxazze,
43 illi ana itta qiin baadtir.
Ka la shimbireb la igil maay tiirad matstsí wa la minna,
“Diwaanki meyaat assamiliini,”
ibilla
44 wa siito la tahaybanni wa agmaalye lataásatte,
hita la Rabbi igil wad molaayye lakaraya tigbá.’
45 Daqaye inde yiíkallis,
Rifgha ib diwaana it markaba dtabash wadet wa la qiin wardat wa maay jaghfat.
Ka,
‘Intaqaffinita,
astiini,’
ibella.
46 Ka agiid la qitroha adnanat wa ‘Taxannak wa ana la agmaalka igil aste bardu,’
telanni.
Wa sateko wa agmaalye ma,
astettom.
47 Ka saálkowa,
‘Walat mahan inti?’
Ka,
‘Walat Bituíil,
wad Naaxur wa Milka ana,’
telanni.
Ka faay wa ghamashiit sargekowa.
48 Wa igil Rabbi sajadko wa Rabbi,
Molaay mambaaye Ibraahiim xammadko,
la asikka silal la raataqat marxenni ib xafiidat xu mambaaye igil waldu rakiibye.
49 Ka yaarey,
maqruf wa fadil min waddu igil mambaaye,
assiíluni min tissarrar jahat biqidat igil inaawil.”
50 Ka Laabaan wa Bituíil kilíitom,
“Jallaab illi min Rabbi sadra,
ikkiit wa sannet yiímballis,”
belaw.
51 “Rifgha illa ta ghadameka.
Nisá wa herir igil wad mambaaka xema igil tigbá kimma Rabbi belaya,”
belawu.
52 Shaghghaalaay Ibraahiim illa dolat samqa,
igil Rabbi sajda.
53 Xare,
la shaghghaalaay igil Rifgha sargo warigh wa dahab wa libbaas habaya.
Wa igil xuha wa imma hiidaat ib qawil ubuy haba.
54 Xaghohu,
hitu wa la sab la baaku qalaw balqaw wa sataw wa tmayaw.
Fajrata kim xasosaw,
“Qarxuni asik mambaaye igil itwallab,”
belayom.
55 Xuha wa imma belawu,
“La shimbireb gona amqelaat titsnax ikka ib xudu qasir miqil wa xare taqarre.”
56 Ka belayom,
“Iitátádguni Rabbi gaariichche sirgul iníntu,
asik mambaaye igil herir saarxuni.”
57 Ka,
“La walat nitlaake wa miraada nisaála,”
belawu.
58 Ka Rifgha saálaw,
“Baak illi inaas igil tigiisi traddi?”
Wa,
“Igayis,”
tibe.
59 Ka Rifgha xittom wa sedyayita wa shaghghalaay Ibraahiim wa la dtarru saarxaw.
60 Inde laherro,
Rifgha daxaraw wa belaw,
“Xitna,
im qasrotaat malaayiin gibíi,
ziryatki madayin abbachom laáttabriko.”
61 Ka Rifgha wa waddayitaata ghantsaya wa la agmaal tsaqanaya.
Wa shaghghaalaay Ibraahiim Rifgha nasá wa tbaggasa.
62 Itta waghit lahey,
Isxaagh it giblat Kanqaan nabbir qala jafar Biír Xiyaay Lalirénni.
63 Miset xatte,
Isxaagh it bar in gayis,
ammat alaba min qaghmata gale agmaal in matstsó raá.
64 Wa Rifgha qinta min rafqat,
Isxaagh raét ka agiid minna gamala tkarret.
65 Wa igilla shaghghaalaay,
“Lehe la igil litghaabalanna matstsí halla,
min tu?”
tellu.
Ka la shaghghaalaay,
“Hitu mambaaye Isxaagh tu,”
belaya.
Ka hita magalbab tnaawalat wa tgalbabat.
66 Xare,
la shaghghaalaay ib killu la qamlayu Isxaagh assaála.
67 Asaru,
Isxaagh Rifgha diib kemat immu Saara aataya wa hadaya wa fataya.
Ka Isxaagh xagho mot immu gamla.