Mot Saara
23
Wa Saara 127 sanat nabrat
2 wa diib Ghariyat Arbaq la ib Xabrun titámmar diib ardat Kanqaan twaffet.
Wa Ibraahiim Saara in sarrir wa bakkiya atta.
3 Ka dol min ghadam ginaazata ghantsa wa igilla Xissiyiin belayom,
4 “Ana qalletaay wa gaashaay halleko it migibkum.
Diib midirkum mighbaar igil imlak fitaw iyye ginazat issichche igil ighbar diiba.”
5 Ka la Xissiyiin balsaw ittu,
6 “Insar,
sayidna.
Inta it migibna tsinoq inta.
Maayitka diibba tnayatkaahu ghabar ghibarru.
Min ina ghabru lakalaákka yahalla.”
7 Ka Ibraahiim bidtaaru gaá wa ghadamma Xissiyiin la sabba arid sajda.
8 Wa belayom,
“Issichche igil ighbar xagho radekum iyye,
ka digim,
simqo minye wa Qafrun wad Suxar trajjaw igilye
9 igil baqat Makfila la intilu la itta fardatta garhatu titrakkab ib qawil taamim igil laázbiya ichche mighbaar igil tigbá iyye diib fingekum.”
10 Wa Qafrun la Xissaay la misilla Xissiyiin killom la itta majlissa madinat gissuy qala,
wa killu in sammiqiwu igil Ibraahiim belayu,
11 “Iifaalka sayid.
Inta attansenni.
La garhat wa la baqat la hallet diiba iblaha igil habakkaatu killu in sammeq.
Maayitka ghibar.”
12 Ka Ibraahiim ib xadiis ghadamma sabba arid sajda.
13 Wa igil Qafrun killom in sammaqwu belayu,
“Maqruf de.
Qawilla garhat idfaq ikka xidaganni,
kabbat minye diiba issichche igil ighbar.”
14 Ka Qafrun it Ibraahiim balsa wa bela,
15 “Sayid attanse,
la ardat 5 kilograam fiddat ta.
Illi qilab illi,
sema iiko fingena.
Maayitka ghibar.”
16 Ka Ibraahiim Qafrun waafagha wa la fiddat la Xissiyiin in sammaqwu belaya wazna ilu,
5 kilograam kimma qissa sabab.
17 Ka garhat Qafrun la diib Makfila la ghirub Mamra titrakkab wa la baqat la hallet diiba wa killu la qaacuy la diibba ginna garhat
18 milik Ibraahiim gabát itta xidurra Xissiyiin la diibba majlissa madinat ikubaam qalaw.