Rabbi Ibraahiim Laámtixin
22
Wa xagho maddat,
Rabbi Ibraahiim amtaxana wa belayu,
“Wo Ibraahiim!”
Ka,
“Illa ana,”
belayu.
2 Ka bela,
“Walka la orotaayka Isxaagh wa la tfattiyu nisá wa asik baakaat Morya herir.
Wa raássa orola adbir laxabbirakkaatu karrimmu wa ghimaddu.”
3 Ka Ibraahiim agwaxa wa adgu maska.
Wa kilót minna shaghghalaahu wa Isxaagh waldu nasá.
Wa qicey faakaka igil ghamaad karamat wa asikka akaan la Rabbi belayuta tbaggasa.
4 Wa itta amqil la saalsayit,
balsham min abala min rayiim la akaanat raá.
5 Ka Ibraahiim igilla shaghghalaahu belayom,
“Intim ittilla gorra adig kafdaw.
Wa ana wa la xitsaan laata,
ken inde gisna igil niqibad tu wa asaru naqaghablakkum.”
6 Ka Ibraahiim qiceyya ghamaadda karamat Isxaagh waldu qadtawarayu wa hitu nosu la isaat wa la maladte rafqa.
Wa kilíitom misil inde leherraw
7 Isxaagh igil Ibraahiim belayu,
“Yibba yaha.”
Ka Ibraahiim balsa,
“Illi ana,
walye.”
Ka Isxaagh saála,
“La isaat wa la qicey iríyom halleko,
minnaata la qiyotta karamat,
aya halla?”
8 Wa Ibraahiim balsa ittu,
“Walye,
Rabbi nosu la qiyotta karamatta ghamiid igil lijlab tu.”
Wa kilíitom misil magaysom attalalaw.
9 Wa dol la akaanat la Rabbi belaya batsxaw,
Ibraahiim wacam karamat waccama wa la qicey kaawana.
Wa Isxaagh waldu asra wa itta wacam attakrarayu raássa qicey.
10 Dolat malaadtehu amshasha waldu igil lixirad
11 malaak Rabbi min sama tilaakayu,
“Ibraahiim yaha!”
Ka Ibraahiim,
“Yey,”
bela.
12 Ka belayu,
“Ideka iitimdad itta xitsaan.
Ghirib iitiballu jallaab ferhaay Rabbi kim inta fahamko sabab la orotaay walka iiraghabka ichche.”
13 Ka Ibraahiim kilex min bela madaf ib gharnu tsibudt diib dabaqat raá.
Ka la madaf nasá wa karramayu bidaal waldu.
14 Ka Ibraahiim la akaanat laha,
Rabbi Jallib samaya wa asik yom masal hallet tibil,
“Diib dabir Rabbi,
Rabbi jallib.”
15 Wa malaak Rabbi ib xadiis min sama Ibraahiim tlaaka
16 wa belayu,
“‘Ib nafishshe imxil,’
libil Rabbi,
‘Inta jallaab illa wadeka wa walka la oroka iidtamqaka minye
17 ib yighghun igil ibaarkakka tu wa talakka agidda igil abzaxom tu kimsal kawaakib wa xotsa igil idayom tu.
Talakka manaagí abbachom igil luraso tu.
18 Wa ib wiludka umamma arid killa titbaarak sabab inta amirye dtayqaka.’”
19 Xagho illi,
Ibraahiim asikka shaghghalaahu qaghbala wa misil asik Biír Sabaq la Ibraahiim attamaskaba itta tbaggasaw.
20 Wa xagho maddat,
Ibraahiim tbahala,
“Milka ma,
igil Naaxur xuka wilaad waldat.
21 La bikir,
Qus tu wa xuhu,
Buz wa asaru Ghamwiíl (wa hitu ab Araam tu)
22 wa Kaasaad wa Xazu wa Filladash wa Yidlaaf wa Bituíil.”
23 Wa Bituíil Rifgha walda.
Illom samaan Milka waldattom igil Naaxur xu Ibraahiim.
24 Wa tsibdtitu,
Raúma,
hita ma,
Dtaabax wa Jaxaam wa Taxaash wa Maqaka waldat.