Ibraahiim wa Abiimaalik
20
Wa Ibraahiim asik baldat Naghab gaqaza wa finge Ghaadish wa Shur xadra.
Wa diib Jaraar ma,
gale tsanxa.
2 Wa ken inintu Saara xemaahu,
xittu ta bela,
ka Abiimaalik malik Jaraar it Saara laáka wa nasáya.
3 Laakiin Rabbi it xilim it Abiimaalik abhaza wa belayu,
“Inta ibba wilwaalla issiit lanasákha,
igil timu tu sabab hidiit gaát.”
4 Wa laakiin,
Abiimaalik timtuma yaqala.
Ka bela,
“Mambaay sanni,
ummat bariát igil taámut tu?
5 Wa hitu,
‘Xichche ta,’
belenni wa hita nosa,
‘Xuye tu,’
tibe!
Ana illi ib niyat salimat wadekowu wa ib baraát taamat.”
6 Ka Rabbi itta xilim balsa ittu,
“Qaabo,
ana aamir halleko inta illi ib damiir saliim kim wadekhu.
Sabat illi min shakaf ichche manqakoka wa yaátamtamkokaata.
7 Wa aze,
la inaas issiitu bilas ittu.
Wa illi hitu nabi tu wa igil liddeqe ikka igil iitimut.
Wa iibalaskaaha min geé,
inta wa la bika tu,
kim mayito yaghghan.”
8 Wa Abiimaalik it goxat killom la mekratu adha wa la jara ballaghayom ka sanni farhaw.
9 Xaariit Abiimaalik Ibraahiim tlaaka wa belayu,
“Mita la ila wadekanna?
Mi ikkiit fadekoka la ibba ichche wa it mamlakachche la illi sixtaan dtalfex kareka?
Inta la iitgabbí wa iitsanxe wadeka ichche.”
10 Wa Abiimaalik Ibraahiim saála,
“Igil mi illi fiqil faqalka?”
11 Ka Ibraahiim balsa ittu,
“Ana it libye ibe,
‘Sab illi arid,
Rabbi iifarraho ka daruri ghatluni,
“Issichche ta,”
min ibil.’
12 Wa ib amaan ma,
hita xichche walat abuye ta,
laakiin walat imye iiko ka hadekowa.
13 Ka Kaalghaay dolat ammarenni bet abuye igil xidag wa qalletaay insar wa ken igil igbá,
‘Illi maqruf day iyye’ ibella,
‘Itta gisnaha,
xuki ana,
bali.’”
14 Ka Abiimaalik xa wa qabaageq wa agbir wa aamut amtsá wa Ibraahiim manaxaya wa Saara issiitu balsa ittu.
15 Wa Abiimaalik igil Ibraahiim belayu,
“Ardachche,
illa ikka ta.
Diibba tnayatkaaha xidar.”
16 Wa xare igil Saara belaya,
“Ana xuki alif min qimlat warigh habkowu kim sin ikki igilla tashwih laghadam killu jara ikki.
Inti laata,
bariát inti.”
17 Ka Ibraahiim igil Abiimaalik Rabbi daqa ka Abiimaalik wa issiitu wa aamutu shafa wa waldaya
18 jalla Rabbi it killan anis faraq Abiimaalik mikkinna kaari qala ib sabab Saara issiit Ibraahiim.