Karaab Sadom wa Qamura
19
La kilót malaak amsuy it Sadom matsáw wa Ludt itta maáteyya madinat kaf waadi qala.
Ka xiin raáyom igil likabbatom ghantsa wa sajda.
2 Wa belayom,
“Manaabichche yahaw diib bet kedmaaykum igil taátqarfo itrajjekkum wa diiba igarkum igil tixitsabo wa titmayo wa guxat asik gabeykum taágawxo.”
Hitom laata,
“Itta xarrat nitmaye,”
belawu.
3 Ka Ludt ibba ilabu ashxalala wa asik betu gesaw goru ka walimat wada ilom wa raghiif fadtiir xarrabayom.
4 Wa ghadam sikaabom,
killom sab Sadom min killa la agwaatstsa madinat min manaddil wa qabyaat la bet kabbaw.
5 Wa Ludt adhaw wa belawu,
“La kilót inaas la qerawka,
aya hallaw?
Afgirrom itna igil niskabbom.”
6 Ka Ludt fagra ittom wa la baab dabá girraahu.
7 Wa belayom,
“Xawye yahaw,
ittilli shar iitishkataw.
8 Ginxo kilé walat awaaldo biye igil afgirran itkum miraadkum igil tidaw ittan.
Illom kilót inaas laata ghirib iitibolom sabab it gishinnachche hallaw.”
9 Ka belawu,
“Min illa raxagh!”
Wa xare belaw,
“Illi nafar qalletaay tu fingena wa aze igil lisaydtir itna laxazze halla!
Wa minnom lalakke igil nide itka tu,”
belawu.
Wa asik Ludt tahandadaw wa la baab igil lisbaro hagtaw.
10 Ka la kilót inaas min mingofqad idayom maddaw wa asikka bet aatawu wa la baab dabaw.
11 Wa itta sab laáffa baab qalaw qawar karaw mandilom wa qabyaatom ka la baab igil lirkabo iighadraw.
12 Ka la kilót inaas Ludt saálaw,
“Diib illa madinat aghraab bika?
Xamach wa wilaad wa awaalid aw ayi aadami qalaaghat labika ibbu?
Min illa afgirrom
13 sabab la akaan igil nidammir gaána jalla Rabbi shaka marir batsxayu did sab illa akaan ka igil nidammira nadénna.”
14 Ka Ludt asik xetsyatta awaaldu killom herara wa belayom,
“Agiid niqino min illa akaan naáwalwil jallaab Rabbi illa madinat igil lishamshim gaá!”
Ka la xamachtu laharrij halla maslayom.
15 Tsibxat midir la kilót malaak igil Ludt ashaxalalaw wa belawu,
“Agiidka!
Xemaaka wa la kilé awaalidka la insar hallaya nisá igil iitibghaw dol la qighaab barrigh diibba madinat.”
16 Wa Ludt kim xarna,
la kilót inaas idhu wa idey issiitu wa awaaldu nasáw wa minna madinat afgarawom jalla Rabbi raxamayom.
17 Wa xagho affgarawom orohom bela,
“Sikaw wa nigafo wa giraakum iititwallabo wa itta qarrib iitibdtaro.
Asikka dabir hirabo igil iitihlako.”
18 Ka Ludt bela,
“Wo molaayye,
iifaalka.
19 Inta it gabirka radeka wa maqruf agidda wadeka iyye wa nafishshe angafka.
Wa ana asikka dabir igil iske yiíghaddir ka bala litkarre ichche gabbí wa imayit.
20 Ginax illa madinat ghirbit ta wa aska igil hirab ighaddir wa bardu hita saghiiratiit ta ka aska iske xidaganni ib rixye igil itnajje.”
21 Wa la malaak belayu,
“Sannika.
La miraadka igil asfe ikka tu wa la madinat latelkaaha cabal yiíwaddiya.
22 Minnaata aska agiid igil tihrab halla ikka sabab asik iibatsxakaaha,
sema igil ide yiíghaddir.”
(Jalla illi tu,
la madinat Sughar sammet.)
23 Wa waan Ludt Sughar batsxa,
la tsaxaay itta midir itwicit qalat.
24 Ka Rabbi minna sama baarot wa isaat azlama it Sadom wa Qamura.
25 Wa madayinna qariib wa killu la sikkaanan dawshasha wa la nabaatta ma.
26 Laakiin issiitu girraaha twallabat wa qaamud cewat qaghbalat.
27 Wa Ibraahiim goxat ghantsa wa asikka akaan la ghadam Rabbi badtara itta gesa.
28 Wa jahat Sadom wa Qamura wa taariffa qariib attaghaabala wa tanaan kilximmaay laqaborig minna raá kim ataafi.
29 Ka la jara Rabbi xiinna midinna qariib dawshasha,
Ibraahiim faghda wa dtalabu astajaaba,
wa Ludt ghadamma bariighgha nasibat itta midin la nabrayan afagra.
Awaalid Ludt
30 Wa Ludt min amaskabot diib Sughar farha ka hitu wa awaaldu tarkawa wa asikka dabir naksaw wa diib baqat saknaw.
31 Wa amqil xatte,
la xit laqabbaay igil xitta laniísh tibe,
“Abuna kejar gaá wa xina sab lahaddenna kimma lamad it killa la idduniya yahalla,
itta litreénna.
32 Ka neqi kamrat naástiyu wa niskab baaku wa minnu ziryat igil nirkab.”
33 Ka abuhan karmat xannakaya itta laali laha wa la walat laqabbaay atet wa sakbat mislu.
Laakiin,
hitu kim farshaya yaáamara wa midol xasoset.
34 Wa tsibbixita la walat laqabbaay igilla walat laniísh telatta,
“Liliit gor abuye sakabko ka niqi yom ma kamrat naxanniku wa ite wa sikabi goru min abuna ziryat igil nirkab.”
35 Ka abuhan kamrat astaya la laali laha wa la walat laniísh atet wa sakbat baaku wa waan ghantsat kim sakbat mislu yaqalma.
36 Wa ibbilli la kilé la walat min abuhan qamsaya.
37 Ka la qabbaay wal bakkarat wa Muwaaba samettu wa hitu abba Muwaabiyiin la asik yom nabro hallaw tu.
38 Wa la ma niísh xitsaan waldat wa Wad Qamye samettu wa hitu ab wilaad Qam la asik illi waghit hallaw tu.