Galad Rabbi Misil Abraam
15
Xaghohu,
Rabbi igil Abraam diib ruúya belayu,
“Abraam yaha,
simína ikka
xigeka ana tu
sabaabka agidda waajid tu.”
2 Ka Abraam igil Rabbi belayu,
“Wo Rabbiye,
mi ta manfaqatta taheybanni tu wa ana ib mikkinaaye wa la warsanni Alyaqaaza Dimashghi minde tu?”
3 Wa Abraam dtirqaanu sarda,
“Inta willaad iirazaghkanni ka la warsanni la gabir la diibba daarye halla tu.”
4 Ka Rabbi belayu,
“Abajá illi igil lirasakka iiko,
walka la minna abraaka faggir indi iiko.”
5 Wa Rabbi asikka kadan attawalwalayu wa belayu,
“La qastar qaghmit wa la kawaakib qallib min ghaddir.”
Wa asaru belayu,
“Talakka kiínna gabbí.”
6 Ka Abraam ib Rabbi amna wa Rabbi salaax xasbayu ilu.
7 Wa Rabbi belayu,
“Ana Rabbi la min Or Al Kaldaanniyiin afagarakoka ana.
Illa ardat igil habakka tu igil timlakka.”
8 Ka Abraam bela,
“Wo Rabbiye,
kim igil imlakka tu,
kafo ammir?”
9 Ka Rabbi balsa ittu,
“Filiit walat 3 sanat wa irdot walat 3 sanat wa madaf wad 3 sanat wa doni wa rigib millaghat amtsí iyye.”
10 Ka illi killu amtsá ilu wa xatteka it sar carmaya.
Wa la cararrim ghibaal xid kara laakiin la sarayir iicaarama.
11 Wa la sarayir lagirgirit itta gadaddil barghat wa Abraam igil laáwxilla astabda.
12 Wa la tsaxaay asik amaghrabot xiin dallalat,
Abraam sikaab xaayil wadgha ittu wa tsilmat tsallaam latattabharir qammattu.
13 Ka Rabbi belayu,
“Tiyaghghan,
talakka igil ligawnu tu it arid dtarrom igil litgabbaro wa liccaghghadto tu igil 400 sanat.
14 Wa laakiin,
la ummat latgabbirom igil qaaghibba tu.
Wa xare ib amlaak waasqat igil lifgaro minna tu.
15 Inta laata,
xagho qimir rayiim saalex asik abawka ib salaam igil taébib wa tidghabbar tu.
16 Wa diib rabqaay gim asik inze laqaghablo.
Azedi zinubba Amuriyiin kiyilit yahallet.”
17 Xare la tsaxaay taxabbaqat ka tsalmata wa ammat alaba,
kaanun tanna wa iyaad xaya wa ibba cararrim xalfa.
18 Itta amqil laha Rabbi galad bayá igil Abraam wa bela,
“Igil talakka,
illa ardat igil imannex tu min xidud Masira asikka Baxar Furaat la xarmaaz,
19 hita ardat la Ghiniyiin wa la Ghinziyiin wa la Ghadmuniyiin
20 wa la Xissiyiin wa la Firiziyiin wa la Rafaaíyiin
21 wa la Amuriyiin wa la Kanqaaniyiin wa la Jirjaashiyiin wa la Yabusiyiin.”