Abraam Ludt Laánaggif
14
Itta maddat laha diibba modaay xarib tgharraza.
Wa Amraafal malik Baabil wa Aryuk malik Alasaar wa Kadralaqumar malik Qilaam wa Tidqaal malik Juyim misil did
2 Baaraq malik Sadom wa Barshaaq malik Qamura wa Shinaab malik Adma wa Shimbaar malik Subiyiim wa malik Baalaq (bardu Sughar titbahal) xaarabaw.
3 La xashim xaaryaay la killu la diib Xiliil Sadiim (bahalat Baxar Maayit) tkamkamaw.
4 Kadralaqumar igil qasir kilé sanat in gabbirrom tsanxa wa itta qasir saalsayit tballasaw ittu.
5 Itta qasirra raabqayit,
Kadralaqumar wa la miluk la xulafaahu it gatstsom asikka faalul inintom it Qashtarut Gharnaayim la Rafaaíyiin hajmaw wa la Zuziyiin it Haam wa la Iyamiiyiin it midud Gharyaatam
6 wa la Xuriyiin itta waghil Saqiir asik Iyil Faaraan la jafarra baadobat.
7 Xare qaghbalaw wa asik Qayin Mishfaadt (aze Ghaadish titbal) wa baladda Qamaalighat killa wa la Amuriyiin la it Xazaazun Taamaar saaknaam qalaw hazmaw.
8 Ka milik Sadom wa malik Qamura wa malik Adma wa malik Subiyiim wa malik Baalaq (bahalat Sughar) fagraw wa la xarib daggaw diib Xiliil Sadiim
9 did Kadralaqumar malik Qilaam wa Tidqaal malik Juyim wa Amraafal malik Baabil wa Aryuk malik Alasaar.
Ka qarbaq malik did xamis qalaw.
10 Wa Xiliil Sadiim ib qawalli ghidtraan milú qala.
Ka miluk Sadom wa Qamura sake waan jarrabaw diibba qawalli twaadaghaw.
La biqidaam laata,
jahatta adbir harbaw.
11 Ka la qarbaqat malik la qiwutaam la diib Sadom wa Qamura killu labom tu min maal wa nabra saalabaw wa tnaggaxaw.
12 Wa Ludt wad xu Abraam la diib Sadom nabbir qala asrawu wa maalu zamtaw.
13 Ka diirun matsá wa Abraam la Qibraani ibba jara ballagha.
Wa Abraam shanak balludtaat Mamra saakin qala.
Wa Mamra Al Amuri xu Ashkul wa Qaanir tu wa killom xilafá Abraam qalaw.
14 Ka Abraam ib maásar wad xuhu xiin samqa,
matbiísatu la qillumaam ladiib daaru twalladaw,
318 minnom jamqa wa la abaay asik madinat Daan taqarora.
15 Wa diib laali Abraam maxerbatu wazzaqa wa haajamayom wa fallayom asik Xuba it ghiblat Dimashigh malayom.
16 Wa killa la amlaak wa la anis wa la isuraam attakra wa Ludt wad xuhu attarxa misil maalu.
Maliksaadigh Abraam Lidxir
17 Wa Abraam Malik Kadralaqumar wa la miluk laxulafaahu xagho jabra,
twallaba.
Wa malik Sadom igil ghiblaahu asik Xiliil Shawi (bahalat Xiliil Malik) awalwala.
18 Wa Maliksaadigh,
malik Saaliim,
kaahin Rabbi La Wighghul qala wa hitu taghghara.
19 Wa Abraam daxara wa bela,
“Abraam min Rabbi La Wighghul,
Kaalghaay midir wa sama,
dixur ligbá.
20 Wa tabaarak Rabbi La Wighghul
la diib abbachka nasreka.”
Ka Abraam qisiriit min killu la sillab habayu.
21 Wa malik Sadom igil Abraam belayu,
“La addaamye habanni wa inta la maal nisá.”
22 Ka Abraam igil malik Sadom belayu,
“Ideye iraffeq ib ghasam ib Rabbiye La Wighghul,
Kaalghaay midir wa sama,
23 kardalat igil yaharris min naayka lagaá gid it ibrat aw siraak madaas.
‘Ana Abraam razzaghko,’
igil iitibal.
24 Sema yiítkabat imballa dtarye tmawanawu,
la sab la misilye gesaw,
Qaanir wa Ashkul wa Mamra xulafaaye,
xazotom linsó ikka.”