Fintiit Abraam wa Ludt
13
Ka Abraam min Masir gaqaza misil issiitu wa killu la qala iglu asik Naghab qaghbala.
Wa Ludt mislu qala.
2 Wa Abraam tsigub dibba qala wa tawaab wa dahab wa warigh mallik qala.
3 Wa min Naghab min akaan it akaan tnaakasa shankat Betíil asikka akaan lafinge Betíil wa Qaay la badiir kematu waatid itta qala
4 wa wacam waccama itta it salif.
Itta Abraam ib digmaan it Rabbi xaza.
5 Wa Ludt ma,
lagor Abraam saafir qala,
qadtaal wa qabaageq wa xa wa kiyam qala ilu.
6 Laakiin la ardat yaáklattom madtmadtor ishfuraam inintom jallaab maalaatom jajjax nabra.
Ka igil litgaawaro iikahalaw.
7 Jallaabu finge talech Abraam wa talech Ludt kilaaf laqa.
Wa la ma,
Kanqaaniyiin wa la Firiziyiin itta ardat laha saaknaam qalaw.
8 Ka Abraam igil Ludt bellu,
“Fingena wa finge talachna akegabaab igil liqikak alabu sabab ghadtiirna oro gaá.
9 La ardat ib milá midit ikka yahallet?
Ka nitfaale oronaaka asikka la raddiya miwillaadt wa la xiryaan itka tu.”
10 Ludt qin min kara la midud Ordun raá asik Sughar laásaafex wa raawi kim Jannat Rabbi,a
kimsal balad Masir.
(Illi Rabbi Sadom wa Qamura inde iilaákarrib qala.)
11 Ibbilla,
Ludt igil nosu la midud Ordun baxata.
Wa xare jahat mifgaar tsaxaay naska ka min xid texegaw.
12 Wa Abraam ardat Kanqaan xadra wa Ludt midud madayin Ordun xara wa ghirub Sadom kayyama.
13 Wa sab Sadom agidda sarraadtyaam wa tewyat did Rabbi qalaw.
14 Ludt xagho twannaka,
Rabbi igil Abraam belayu,
“Minna mibdtaarka attaghaabil xar wa ghadam,
dimman wa galab,
15 killa illa ardat laíla tiré igil ighradakka tu,
igilka wa igil ziryatka igil diima damayin.
16 Talakka qilib xotsat igil idayomtu ka xotsat min titxassab,
hitom litxassabo.
17 Kib bal wa la ardat kaayid jalla igil habakkaata tu.”
18 Ka Abraam kiyamu naaghala wa asik balludtaat Mamra laghirrub Xabrun gaqaza wa xadra itta,
wa wacam ghurbaan waccama igil Rabbi.