Jala Aadami
3
Wa la arwe,
la dammara min killa la xeywaanaatta bar la Molaay Rabbi manaya qala.
Ka igilla issiit,
“Amaan tu,
La Kaalghaay,
‘Minna qiceyya jannat,
iitibloqo,’
belekkum?”
belaya.
2 La issiit igilla arwe telattu,
“Minna laghumma qicey igil niblaq inghaddir.
3 Minnaata laghumma qiccat la itta migibba jannat hallet lakassis La Kaalghaay,
‘Igil tibloqo minna wa igil titamtuma alabkum wa min ballaqo minna,
mot gannaxakkum,’
belenna,”
telattu.
4 Ka la arwe igilla issiit belaya,
“Igil timuto iiko wa xatte ma!
5 La sabab La Kaalghaay illi bela ibbu jalla dol minna tballaqo,
qintaatkum latfattax wa kimsalhu tgabbó wa ik wa sin tfargo aamaraatu.”
6 La issiit la firela qiccat mirduy igil billaq wa qintaat lisxib wa righub igil faham waan reét gale minna fireha nasát wa balaqattu wa igilla biísa la misla qala galehu habattu wa hitu ma balqayu.
7 Asaru kilíitom qintaatom tfattaxa wa kim biraaghatom hallaw aamaraw.
Ka ghadtaf tiin diib xid shaafadtaw wa igil nafsom maqanadigh wadaw.
8 Xare Aadam wa issiitu cifir Molaay Rabbi diibba jannat inde laherir xinna wilwaalla amsuy samqaw ka min maríit Molaay Rabbi ghabatta qaacuyya jannat taxabbaqaw.
9 Ka Molaay Rabbi tlaaka,
“Aya halleka?”
in libil.
10 Ka Aadam balsa,
“Diibba jannat cifirka samqako wa farhako sabab biraaghye halleko ka taxabbaqako.”
11 Ka Molaay Rabbi saálayu,
“Min biraaghka halleka belekka?
Minna qiccat la igil iitiblaq minna ammarkoka balqaka?”
12 Ka Aadam bela,
“La issiit la igil titmalhenni habkannita gale minna firela qiccat habattanni ka balqakowu.”
13 Ka Molaay Rabbi igilla issiit belaya,
“Igil mi kiínna wadeki?”
La issiit balsat,
“La arwe ghashshenni ka balqako,”
telatu.
14 Ka Molaay Rabbi igilla arwe belayu,
“Inta jalla kiínna wadeka,
min killa la bahaayim
wa killa maklughaatta bar
latraggamka inta.
Wa ib diridtka igil tissaxab tu
wa igil cabal tighxam tu
qimirka killu.
15 Wa fingeka wa fingela issiit
wa fingela willaadka wa fingela willaada
qadawat igil qabghil tu.
Willaada xangalka warrir
wa inta shikna willaada twarrir.”
16 Wa igilla issiit belaya,
“Inde abzaxako matstsat mixitski igil aziid tu
wa ib matstsat igil tiwladi tu.
Inti biíski igil timlaki igil tishshannihi tua
wa hitu igil litseydtar itki tu.”
17 Igil Aadam laata illa belayu,
“Inta sabab issiitka dtayqaka
wa minna qiccat la ‘Iitiblaq minna,’
belkoka balqaka
la ardat raggamat ib sababka
wa ib siddit wa shigiit igil tiblaq tu
qimirka killu.
18 Wa ashwaak wa xishkito igil taqabghil ikka tu
inta laatu minna xibubba gaadimb igil tiblaq tu.
19 Wa lighmatka ib ghidaad cifirka
igil tiblaq tu
asikka ardat asik taqaghabbil
jallaab minna tnassáka
aska taqaghabbil
jalla inta cabal gaáka
asik cabal taqaghabbil.”
20 Wa Aadam la issiitu Xaawa samaya sabab im kil xiyaay gabát.
21 Wa Molaay Rabbi igil Aadam wa issiitu libbaas min gano wada wa albasayom.
22 Ka Molaay Rabbi bela,
“Aadam orot kimsalna gabá,
wa ik wa sin farrig gabá.
Ka aze ma,
qiccatta xayot iilaqandtidt wa iiliblaq minna wa igil diima damayin iilimbar igil litkalá bu.”
23 Ka Molaay Rabbi Aadam min Jannat Qadan daagana la ardat laminna tnassá igil lishgab.
24 Ka Aadam dtarda,
wa kirubiim kara dimmaan Jannat Qadan wa sayif gihir litwatwat igilla qighaabba gabeyya qiccatta xayot.