Ghaabiil wa Haabiil
4
Wa Aadam diib Xaawa issiitu ata ka xannat wa Ghaabiil waldat.
Darbu belat,
“Ib sadayit Rabbi wal kasabko.”
2 Xare Haabiil xuhu dagmat.
Kim shangalaw Haabiil matbagsaay qabaageq gabá wa Ghaabiil xarstaay gabá.
3 Xagho maddat,
Ghaabiil ib irrayu it Rabbi tgharraba.
4 Haabiil ma,
hiyaab amtsá,
shaabaxat xazot minna abkaarra qaywaatu.
Rabbi Haabiil wa hiyaabu ghabla
5 laakiin Ghaabiil wa hiyaabu iighablayom.
Ghaabiil illi,
sanni xaaraghayu wa gham traá ittu.
6 Rabbi Ghaabiil saála,
“Jalla mi marra ghadtdtabka?
Igil mi himmum masalka?
7 Rittoq min wadde,
titghabbal ma hita iiko?
Wa la raateq min iitwadde,
zanib affa mangaát ghirfuc halla wa igil limerfakka hiyum halla.
Laakiin xanteka igil taáduru halla ikka.”
8 Amqil xatte,
Ghaabiil xuhu shora,
“Asikka kadan niherir,”
inde libil.
Itta kadan inintom,
Ghaabiil it Haabiil xuhu hajma wa amotayu.
9 Xarretaani,
Rabbi Ghaabiil saála,
“Haabiil xuka,
aya halla?”
Ghaabiil balsa,
“Yaámmir.
Ana qaghbaay xuye ana?”
10 Laakiin Rabbi bela,
“Mi wadeka?
Izin kire,
damma xuka minna midir shankachche liwqe halla!
11 Ka margamka minna margamma arid la damma xuka waxadtat zedat.
12 La ardat waan kaddim fire faari iitaáfarre ikka.
Girra illa diiba maátaay alabu,
mangogey igil tigbá tu.”
13 Asaru Ghaabiil it Rabbi balsa,
“Jazaye marra dtalfaxa igil ikhallu!
14 Inta minna arid shatatkanni wa min wajhika wa maskab alabu mamholaay balaskanni.
It gatstsu lagaákoka igil lightalanni tu.”
15 Rabbi balsa,
“Ila min geé,a
igilla ghatlakka,
saboq qidtif igil qaaghibbu tu.”
Xaghohu Rabbi Ghaabiil qallama igilla igil lightallu lajarrib igil laxazzir.
16 Ka Ghaabiil wajih Rabbi walladta wa it Ardat Nud xadra jahat mifgaar tsaxaay min Qadan.
17 Ghaabiil misil issiitu sakba ka qamsat wa Aknuk tbakkarat.
Itta waghit lahey,
madinat assasa wa Aknuk samaya it waldu.
18 Wa Aknuk xitsaan Qiraad lalissamme zara wa Qiraad Maxawyaíil zara wa Maxawyaíil Mutshaíil zara wa Mutshaíil Laamak.
19 Wa Laamak kilé dtamar hada.
Simetta xatte,
Qaada qalat wa simetta kaaláyit,
Silla.
20 Qaada Yaabaal waldat wa hitu ab sab niwaay laseknat kiyam qala.
21 Wa simet xuhu Yubal qalat wa hitu ab killom la masanghiyat wa la maqandirat qala.
22 Dtamar Laamak labiqidat Silla,
Tubaal-Ghaabiil shighyaay kil aalat naxaas wa xatsiin waldat.
Wa xit Tubaal-Ghaabiil Naqama ta.
23 Laamak igilla kilé la dtamaru,
“Qaada wa Silla,”
belayan,
“lib kiraya iyye,
wo anis Laamak,
zaqachche simqa.
Ana inaas ghatalko jallaab xaakrenni
wa batsex sabbat hartenni.
24 Ghaabiil laghattil saboq qidtif litfadde minnu min geé,
igil Laamak,
sabqa wa saboq qidtif litfadde minnu.”
25 Aadam ib xadiis baak issiitu sakba ka xitsaan biqid waldat.
Wa Shiisa samettu wa belat,
“Rabbi wal biqid mannaxennib bidaal Haabiil la Ghaabiil ghatlayu.”
26 Wa Shiisa ma,
xitsaan zara wa Anush samayu.
Itta waghit lahey,
la addaam Rabbi ib simetu igil liddaqaw astabdaw.