2
Ka kaliigh midir wa sama wa halla ittom killu millu tamma.
2 Rabbi kimma shighilla kaliigh kallasa,
diibba amqil la saabqayit min killu la kalghu ide rafqa.
3 Wa Rabbi la amqil la saabqayit daxaraya wa ghaddasaya sabab min killu kaliighu ide rafqa diiba.
Jannat Qadan
4 Illi tsibbadt khaliigh midir wa sama tu.
Molaay Rabbi arid wa sama waan mana,
5 sema qilaam bulug itta yaqala wa nabaat asha ma aghdtuf yaqala jalla zilaam izlum yaqala wa roy la ardat lalishqig yaqala.
6 Qaayun minna ardat zaret wa killa la tirbat arwet.
7 Molaay Rabbi aadami min cabal shakkala wa diib ghanaghishu tinfaas xayot attanfasa.
Ka la aadami xay xiyaay gabá.
8 Molaay Rabbi jinnat qabghala diib Qadan shankat mifgaar tsaxaay wa diiba la aadami la ilu shakkala xaadara.
9 Molaay Rabbi qicey min kil izin min tirbat qabghala,
kil qiccatka qintaat saaret wa saafyat igil billaq.
Itta migibba jannat qiccat xayot wa qiccat amir ik wa sin anbata.
10 Qaballaay min Qadan laqayir qala la jannat in laárawe wa minna it qarbaq cillaaf callafa.
11 Orohom,
Fiishun litbahal wa it ardat Al Xawiila ib kamaala liwixiz wa diiba dahab litrakkab.
12 Wa dahabba balad lahey saafi tu wa qidtir mughal wa qaghigh ma ba.
13 Wa la nahar la kaaláay,
Jixon litsamme wa it ardat Kush laqayir.
14 Wa la nahar la saalsaay,
Dijla libulu wa it mifgaar tsaxaay Ashur liwixiz.
La nahar la raabqaay,
Furaat tu.
15 Molaay Rabbi la aadami diib Jannat Qadan askana igil lishgaya wa liqighabba.
16 Molaay Rabbi igil Aadam ammara,
“Min killu qiceyya jannat kim miraadka tballeq.
17 Laakiin minna qiccatta amratta ik wa sin igil tiblaq alabka jalla dol minna tbaleq,
motka ta.”
18 Molaay Rabbi bela,
“Igil aadami sanni iiko igil litxantsar,
martiqiyaay tamsaalu igil iide ilu tu.”
19 Wa Molaay Rabbi minna ardat kil xeywaan wa kil sareraay sama shakkala.
Wa asik Aadam amtsaáyom mi kim saamiyom igil liré.
Wa maklugh kahiin la simet la Aadam tambalayuta rafqa.
20 Ka killa la anwiyat wa la sarayirra sama wa kil maklugh xiyaay naay kadan saama.
Laakiin Aadam sendaay la massillu yaqala ilu.
21 Ka Molaay Rabbi sikaab kibud qawdagha ittu wa in sikkib xatte minna sadtyaatu nasá wa la akaana ib ganob dabáya.
22 Xaghohu Molaay Rabbi la sidtet la min Aadam nasáya issiit wada minna wa shanak Aadam amtsáya.
23 Ka Aadam bela,
“Azeyta!
Illa qaacim min qaacimye ta
wa kitfat min kitfachche ta,
Wa hita issiit tissamme
sabab hita min inaas tnassát.”a
24 Jalla illi tu,
la inaas min immu wa abhu litfalle wa misil xemahu lilxim wa xatte gabbó.
25 Aadam wa issiitu kilíitom biraaghaatom qalaw,
minnaata qiyubaam yaqalaw.