Maraki 4

Ntugû ya Mwathani n'îyîîte

1 Ntugû ya îgamba nîîyîte îgîakanaga ta mwanki wa îturîro, rîra antû bara bathûûku na eekumia bonthe bakaabîîthua ta rûûa; ntugû înu bakaabîîthua kûrû gûtirî we ûgaatigara, I bu Mwathani Mwene Inya akuuga. 2 Îndî biû bara bûntîîyaga, wagîru bûkabûmûrîkîra nabu bûkabûretera kworua. Bûgaatûûbatûûbaga ta tûyaû kîaragooni. 3 Ntugû îra nkaarûtha ûgu, bûgaakinyanga eeyia na mbayo n'ûntû bakeegua barî muu rungu rwa mbayo cienu. I bu Mwathani Mwene Inya augîîte.

4 Ririkanaani kwathîkîra ûrutani bwa Musa mûruti ngûgî wakwa, mawatho na maathana mara ndaamwereere kîrîmaani kîa Orebu n'ûntû bwa antû ba Isiraeri bonthe.

5 Naani, nkabûtûmîra kîroria Eriya mbere ya ntugû înu nene na ya kûmakania ya Mwathani îkinya. 6 Eriya agaacookanîria aciari na aana baao; kana wegua t'ûgu nkaaya nthirie nthîgûrû yenu kûrû.