Kûrombera Njerusaremu
Rwîmbo rwa Ndaundi rwa antû beetîîtie Njerusaremu kûgonga.
122
1 Indakenire mûno bakûmbîîra,“Tûthiini Nyomba ya Mwathani!”
2 Na îîndî tûrûûngi aaga
mîîrîgaani ya taûni ya Njerusaremu.
3 Njerusaremu i taûni yakîîtwe bwega
îkagwatithanua îgakara ta gîntû kîmwe.
4 Agu noogo antû bonthe ba Isiraeri beetagia bakathi,
antû ba Mwathani,
bakathi gûkumia riîtwa rîa Mwathani
kûringana na watho bûra bweyanîîtwe Isiraeri.
5 Agu n'oogo anene bakarîrîte itî bia ûnene bagiita magamba
Itî bia ûnene bia mûciî wa Ndaundi.
6 Romberaani ûkiri Njerusaremu.
“Bara babwendeete barookara bwega!”
7 Ûkiri bûrookaraga kûra kwirigîîtwe na nthingo,
na kwîgue kûrî na ûkaria nyombaani cia anene.
8 N'ûntû bwa aruayia na acoore baakwa,
ndiuga, “Bûkare na ûkiri.”
9 N'ûntû bwa Nyomba ya Mwathani Ngai wetû.
Ngaaceria kûthagaya gwaku.