Îromba n'ûntû bwa kîao
Rwîmbo rwa antû beetîîtie Njerusaremu kûgonga.
123
1 Ingûûkîîria meetho maakwa kîrî woû,kîrî woû ûra gîtî kîa ûnene kîrî îgûrû.
2 Wa ta bûra nkombo ciîrîgagîîra kuuma njaraani cia mûnene wacio,
na wa ta bûra mûruti ngûgî wa mwarî eerîgagîîra mûnene wake,
wa ûgu nwabu twîrîgagîîra Mwathani Ngai wetû,
mwanka rîra agaatwîgîîrua kîao.
3 Twîgîîrue kîao, Woû Mwathani, twîgîîrue kîao,
n'ûntû itûûmîîrîîtie mûno mantû ma kûbûthua.
4 Itûûmîîrîîtie kûnyûrûntwa mûno kuumania na eekumia,
na kûmeneerua i bara beekumagia.