Mwathani n'we atûmenyagîîra
Rwîmbo rwa antû beetîîtie Njerusaremu kûgonga.
121
1 Ndaithaga irîmaani nkaûria,“I kû ûteethio bwakwa buumaga?”
2 Ûteethio bwakwa buumaga kîrî Mwathani,
Mûûmbi wa îgûrû na nthî.
3 Atiireka kûgûrû gwaku kûbaratia,
we ûra akûmenyagîîra ating'ontaga,
4 ûûma, ûra ûraithagîra Isiraeri,
gûtirî rîo akang'onta kana amaama.
5 Mwathani n'we akûmenyagîîra.
Mwathani i mûgunye waku arî rûteere rwa njara ya ûrîo,
6 riûa rîtikûthûûkia mûthenya,
kana mweri ûtugû.
7 Mwathani agakûrigîîria kuumania na moothûûku monthe,
akaamenyeera ûtûûro bwaku.
8 Mwathani akaamenyagîîra kuumagarûka gwaku na gûcooka gwaku,
kuuma îîndî ûûgu mwanka tene na tene.