Rwîmbo rwa Pasaka
114
1 Rîra antû ba Isiraeri baumire Miisiri,antû ba rûrîîyo rwa Njakubu bauma nthîgûrû îîngeni,
2 Nthîgûrû ya Njunda yatuîkire bantû aake aatheru,
na Isiraeri naku i kûra aathanaga.
3 Îria rîaboonire rîakuthûka,
muuro wa Njorondani nau wacooka na nyuma,
4 Irîma biatûûbatûûba ta ntûrûme,
tûrîma natu twatûûbatûûba ta tûgondu.
5 I ka woneete ata, woû îria, n'ûntû wakuthûka?
Naawe Njorondani, n'ûntû ûgûcooka na nyuma?
6 Naabi irîma, n'ata bwoneete, n'ûntû bûgûtûûbatûûba ta ntûrûme?
Naabi tûrîma, n'ûntû bûgûtûûbatûûba ta tûgondu?
7 Woû nthîgûrû, inaina mbere ya ûthiû bwa Mwathani,
na mbere ya ûthiû bwa Ngai wa Njakubu,
8 ûra agarûraga rwara rwa iiga rûgatuîka kîria kîa rûûyî,
akagarûra iiga rîra rîûmo mûno rîgatuîka kînyaka.