Ngaakumia Mwathani n'ûntû n'ûmwega
113
1 Kumiani Mwathani!Mûkumieni, Biû aruti ngûgî ba Mwathani,
kumiani riîtwa rîa Mwathani!
2 Riîtwa rîa Mwathani i rîkumue
kuuma îîndî mwanka tene na tene.
3 Kuuma uumîîrooni bwa riûa mwanka ûthwîrooni bwa rîo,
riîtwa rîa Mwathani i rîbatîîrue rîkumagua!
4 Mwathani i mûnene wa mîgongo yonthe,
na ûkumio bwake bûrî îgûrû matuuni.
5 N'ûû agana ta Mwathani Ngai wetû,
we ûra akarîrîîte gîtî gîake gûku îgûrû,
6 ûra eenyiagia araithîîrîîtie
mantû ma îgûrû na ma gûkû nthîgûrû?
7 Aûkagîîria nkîa akamîruta tîîriini,
akaruta bara mûbatu kîthûmbaani kîa muu,
8 akabaiga amwe na anene,
anene ba antû baao.
9 N'we atûmaga mûka ûra nthaata agîa na mûciî,
na agîa na twana akena.
Kumiani Mwathani!