Gîkeno kîa muntû ûmwega
112
1 Kumiani Mwathani!Kîthaarimo i kîrî muntû ûra atîîyaga Mwathani,
ûra akenagîîra maathana maake.
2 Rûrîîyo rwake rûkeegua rûrî na inya nthîgûrû,
nciarwa cia bara baagîru i kathaarimwa.
3 Ûtonga na into birî gwake mûciî,
na wagîru bwake bûtûûraga tene na tene.
4 Werû bûthararagia mwinduuni n'ûntû bwa bara baagîru,
n'ûntû Mwathani n'ûmwega, nwa kîao, na n'ûmwagîru.
5 Gîkeno i muntû ûra atakûûnaga rîra agûkoobithania,
ûra arûthaga mantû maake bûra kûbatîîrue.
6 N'ûntû ûra mwagîru atikooro enyeenyua,
akaaririkanagwa tene na tene.
7 Atikûmaka i kwîgua mantû mathûûku,
nkoro yake n'îrikîîte mantûûni ma gwîtîgia Mwathani.
8 Nkoro yake îkaraga îîthuuranîrîte, na atiimaka,
mwanka rîra akoona anthû baake bagûcindwa.
9 Eeyaga nkîa atagûtara.
Wagîru bwake bûgaatûûra tene na tene,
akeegua arî na inya na gûtîîywa.
10 Muntû ûra mûthûûku oonaga ûgu akathûûra,
agakabakaba magego i mûthûûro na akaaga inya.
Meerirîîria ma muntû ûmûthûûku, gûtirî oogo makinyaga.