Gûkumia Mwathani
111
1 Kumiani Mwathani!Ndaacookeria Mwathani nkaatho na nkoro yakwa yonthe,
gîkomanooni kîa bara baagîru, na kîgoomanooni.
2 Ngûgî cia Mwathani n'iinene mûno,
n'ithûgaanagîrua mûno i bara bakenagua i cio.
3 Ngûgî ciake i cia inya na cia gûtîîywa,
na wagîru bwake bûtûûraga tene na tene.
4 N'atûmîîte ngûgî ciake cia kûrigaria iririkanwa.
Mwathani n'ûmwega na arî kîao.
5 N'eyaga bara bamûtîîyaga irio,
n'aririkanaga kîrîîkanîro gîake tene na tene.
6 N'oneetie antû baake inya ya ngûgî ciake,
na njîra ya kûbanenkera rûgai rwa mîgongo.
7 Ngûgî cia njara ciake i cia mma na i ciagîrîîte,
na maathana maake monthe i magwîtîgîka.
8 I marikîîtue tene na tene,
marûthagwe na ûmma na bûra kûbatîîrue.
9 N'eyanîîte wonokio kîrî antû baake,
atuîkithîîtie kîrîîkanîro gîake watho tene na tene.
Riîtwa rîake i rîîtheru na rîa gûkuthûkagwa.
10 Gûkuthûka Mwathani n'uu mwanjîîrio wa ûûme.
Bonthe bara bamwathîkagîra barî na ûûme bwega.
Gûkumua gwake gûtûûraga tene na tene.