Ngai n'we aaringaga biama
Sabuuri.
98
1 Inîraani Mwathani rwîmbo rwaimbia,n'ûntû n'arûthîîte mantû ma kûrigaria!
Na kwa inya yake întheru
n'îagîîte na aûmbana.
2 Mwathani n'amenyithanîîtie ûûmbani bwake,
nooneetie mîgongo inya îra arî ya kwonokania.
3 N'aingîîtie wîrane bwake kîrî antû ba Isiraeri
na gwîtîgîka gwake na wendo bûtakîthira n'ûntû bwao.
Mîthia yonthe ya nthîgûrû n'yoneete
kûûmbana kwa Ngai wetû.
4 Inîraani Mwathani na gîkeno, biû bwinthe antû ba nthîgûrû,
mûkumieni na nyîmbo na nkururo cia nkena!
5 Inîraani Mwathani bûkîmûkumagia!
Mwinîreeni bûkîringaga inaanda.
6 Ringaani tûrumbeeta na coro,
na buuge nkemi i gûkena bûrî mbere ya Mwathani, Ngai wetû.
7 Îria i rîrurume, na kîonthe kîra kîrî ndeeni yarîo,
nthîgûrû, na bonthe bara batwîre ku.
8 Ringaani mpî cienu, biû miuro,
na biû tûrîma, inaani na gîkeno.
9 Inîraani Mwathani,
n'ûntû aayîîte kwatha nthî.
Akaatha antû ba nthîgûrû na wagîru,
na agiitîre antû îgamba gûtarî kwendeera.