Ngai mûnene wa anene bonthe
99
1 Mwathani n'we akwathana arî mûnene,mîgongo n'îkwinaina!
Akarîrîte Kerubi ira irî mathabu, irî ta gîtî gîake kîa ûnene
na nthîgûrû nwaka îkwinaina.
2 Mwathani n'ûmûnene Sayuuni,
n'we aathaga mîgongo yonthe.
3 Antû bonthe bagaakumia riîtwa rîake rîînene na rîa gûkuthûkwa!
We n'ûmûtheru.
4 Woû mûnene ûra arî inya, n'wendeete bûra bwagîrîte,
n'ûrikîîtie wagîru,
ndeeni ya Isiraeri
n'ûreteete wagîru na ûmma.
5 Kumiani Mwathani Ngai wetû,
mûgongeni bûrî mbere ya gîtî gîake kîa ûnene,
n'ûntû n'ûmûtheru.
6 Musa na Arûni baarî athînjîri ba Ngai baake.
N'we Samweri aarî ûmwe wa bara baamûrombaga.
Baakayîîre Mwathani,
n'we abacookeria.
7 Aariirie nabo arî gîtugîîni gîa îtu,
i baathîkîîre mawatho na maathana mara aabeere.
8 Woû Mwathani Ngai wetû,
n'wetîgire antû baaku,
wa boonia woû ûrî Ngai ûra arekanagîra,
wana kinya ûkeegua n'wabeere îkanûkia n'ûntû bwa meeyia maao.
9 Kumiani Mwathani Ngai wetû,
na bûmûgonge bûrî kîrîmaani gîake kîîtheru,
n'ûntû Mwathani Ngai wetû n'ûmûtheru.