Ngai n'we mûnene
93
1 Mwathani n'we mûnene,eeguîkîîte ûnene
na inya ta nguo.
Nthîgûrû îînjîrîtwe îgaita ti
na îtienyeenyeka nwa aniini.
2 Gîtî gîaku kîa ûnene, Mwathani gîtwîre kîrî giitu kuuma kîambîrîriani kîongwa,
na woû warî oogo kuuma wo tene.
3 Mwathani, maria i maûkîîrîîte,
i makûruruma nainya,
i makûriinga nkuba na makûmbî maamo.
4 Mwathani ûra aathanaga na ûnene bunthe arî îgûrû matuuni,
arî na inya nkûrûki ya mûrurumo wa îria,
na nkûrûki ya makûmbî ma rîo.
5 Mawatho maaku Mwathani, i magûtûûra tene na tene,
na mma Nyomba yaku îgatûûra îrî ntheru,
tene na tene.